موضوع جميل واتمنى طرحه للنقاش بعد مباراه ابها وليس الان

طيب هو لعب معاه من اوائل 2007 تقريباً تدري ان التايب بقدرته المشهوره على صناعة اللعب لم يصنع له سوى5 اهداف في كل هذه المواسم الفائته ؟؟؟ 5 اهداف في 3 مواسم ؟؟؟ ؟؟؟ وطارق نار على علم في صناعة الاهداف ...كلنا نعرف طارق اذا استلم الكوره مايمرر للي جنبه ..على طول عينه على المهاجم الي يبي يسجل ...اليس كذلك ..؟؟؟ وين ياسرك

ولعلمك ترى الموسم الماضي كنت متابع ياسر ..( الظن انه جاب العصبي للتايب ) وكان مستواه مثل هذا المستوى الآن.....!! يعني عاله على الفريق بس الجماهير ينسون ...!!!؟؟؟

بالنسبة لي فالمسئلة ماهي على الاهداف المسئلة ان هذا اللاعب حتى لو سجل ..فاعتبر تحركاته في منطقة الهجوم وتفاعله ناقص بكثيييييييير حتى لو سجل اهداف ..لأن الهدف قد يأتي لك بسهولة تامه !


8
8
قلت كل اللي بخاطري اقوله

يعطيك العافيه

مشكووور اخوووي فعلاا جبتها ع الجرح

لكن انا بذكر اخواني الهلايين فقط
"تذكرون محمد الشلهوب الموسم الي فات والي قبله"؟؟

رد ياسر لكم بيكون اكبر من رد الشلهوب ان شاء الله لان لاعبين الهلال فعلاا معدنهم ثمين

ودمتم هلاليين

الحق حق ياجماعة الخير ياسر يلعب صح بس يلعب اعصابنا بررود وتسحيب وتنقطع الكوره تصير مرتده .......الخ
وبصراحه ملينا من كلمة بيرجع مستواه ,,تقريبا وصلنا لنص الموسم

ان شا الله جريتس يعطي فرصه للاعبين الاولمبي .. كذا اوكذا ماحنا مستفيدين من كونه مهاجم لان الوسط يسجل
على الاقل لاعبين الاولمبي تصير عندهم خبره

أولآ ما نقوول ياسر مثل 2007 مير الحين مستوآآهــ حلو مهب لذي الدرجــه الي انتم تبالغوون فيها ياسر نازل مستوآآه ياسر وياسر ألخ ..

ثانيآ ألي ينقدوون ياسر أنقد الاعب بنقد هادف مهب تــجريــح وسب

ثالثآ اهــم شي انه يصنع ألاهــداف ويــحاول انه يسجــل يومن تسان يسجل تمدحوونه واذا ماسجــل اكلتووهــ > شي غــريب

فا أتــمنى من كل قلبي انكم تخفون عنه شووي

باالتــــوفيق له انشاالله

يـــعطيك الف عافيه..

إقتباس الرسالة الأصلية كتبت بواسطة mimoo.20 يعطيك الع ــآفيه عالموضوع الرآآئـع ولايهمك بعض الجماهير اللي فقالمنتديات تلاقي نصهم نصرآويه والجماهير اللي فالملعب كلنا نعرفها وهي اللي تشجـع ياسر ومعه دآيم والله يوفق ابو عبدالعزيز أما المنتديات نصهم مندسين ويبون يخربون وغيرهم مادرى عنهم ياسر ياسر يهمه المدرج وبس فالمنتديات غير موثوقين تحياتي لك وكلنا مع القناص

كلامك صحيح لاني حضرت كذا مباراه للهلال..وكان فيه هتافات وفاء غير طبيعية للاعب ياسر القحطاني
بعكس ما اشوف في المنتديات

آآآآآآآآآآآآآآآآآآآآآآآآآآآآآآآآآآآه يالقنااااااااااااااص
متى تعووووووووووووووووووووود

آآآآآآآآآآآآآآآآآآآآآآآه يالقناص
متى تعوووووووووود

آآآآآآآآآآآآآآآآآآه يالقناص متى تعووووووووووود

إقتباس الرسالة الأصلية كتبت بواسطة مصير اللي زعل إلى جمهور ياسر فقط كآنوا يقولون ياسر هدآف يوم صآر ما يجيب أهدآف قالوا ياسر يصنع أهدآف يوم صآر لا يسجل ولا يصنع قالوا ياسر يشغل المدافعين ويوم صآر لا يسجل ولا يصنع ولا يشغل قالوا يكفي إنه يصنع الرعب ويوم صآر لا يسجل ولا يصنع ولا يشغل ولا يرعب قالوا ياسر اللاعب التكتيكي !!!!!! إلى متى

يعطيك الع ــآفيه عالموضوع الرآآئـع
نتمنى ان يعود في الجولات القادمة