|
قال تعالى :في الحديث القدسي(وعزتي وجلالي لآنصرنك ولو بعد حين) حديث خاااااص لكل مظلوم السلام عليكم :alzaeem:مساكم الله بالخير ياجماهير الزعيم:alzaeem: لاتتغيرون ياللجنة الإنضباط لاتعدلون بيننا وبين باقي الأندية لاتتركون عنكم ظلم الهلال ولاتتراخون لما يكون القرار يخص الهلال انسوا كل اخطاء لاعبيين الأندية الثانية ومروا عليها مرور الكرام وركزوا على أخطاء لاعبيينا فزوا من اماكنكم واجتمعوا وفي ظرف ساعة اصدروا قرار بحق الهلال دورو الزله على مدربنا وطيروه مثل ماطيرتوا إللي قبله لكن تذكروا انه في ناس تتعب وماترضى انها تشوف مجهودها وتعبها يطير في الهواء بسبب قرار ظالم تذكروا انه فيه جماهير تسمع غيرها تتلفظ على نجم فريقها وهي ساكته تذكروا انهم شافوا مدرب فريقهم وهو ينظلم ويصدر القرار في حقه تذكروا انهم شافوا فريقهم يتدهور استقراره تذكروا انهم شافوا إداراة ناديهم تستميت لإنقاذ مايمكن انقاذه تذكروا انهم يشوفون فريقهم هذا الموسم وهو في كامل تألقه وانتم تتصيدون الأخطاء على لاعبيينا وتتناسون غيرهم تذكروا انكم ظلمتوهم بقراراتكم التعسفيه والكيل بمكياليين تذكروا انهم يقولون (حسبي الله ونعم الوكيل) أنهم يرددون وحتى لو كان من دون قصد(الله لايوفقهم) كلمات سهلة لكن فعلها عند الله عظيم وأخيرا تذكروا قوله تعالى::في الحديث القدسي (وعزتي وجلالي لآنصرنك ولو بعد حين) ربنا وربكم واحد وربنا مايظلم مثقال ذرة صحيح انكم فوق الجميع في الوسط الرياضي وتقدرون تصدرون أي قرار لكن رب العالمين فوق الجميع ومثل مالكم صلاحيات إصدار القرارات فنحن نملك آلسنه تدعوا على ظلمكم ظلمكم لنا شوفوه في منتخباتكم ولا واحد قدر يسوي شي أو يطلع من بطولة مهزوم بشرف منتخباتكم من جرف لدحديره جمهورنا العزيز لأحد ينتظر تراجع لجنة الإنضباط عن قرار إيقاف رادوي عندنا خالد عزيز بديل له وهو جاهز لكن يبقى القرار في ظلم وكيل بمكياليين وهذي بنشوفها كثييييير مادمنا جماهير للهلال مباراة الفتى الذهبي كلها على بعضها مباراة ودية لاتزعلوووووووون ولا على بالكم(ربكم ماكتب انها تكون فوز لنا)لكن الله سبحانه عوضنا بانه اظهر لنا لاعبيين سيخدمون الفريق بالقريب العاجل هم نجوم المستقبل الخط الثاني خلف نجوم الفريق الأول :rose: أختكم: وسن الهلالية:smilie47::smilie47: |
احترامي لك ياوسن بجد الله يمهل ولا يهمل ولا يرضى بالظلم واحمد لله انتصر لنا هالسنه ممن طرد كوزمين بحضور الداهيه جيريتس ليمتعنا وان شالله سينتصر لنا ايضا ضد هالقرارات بالفوز بجميع الاستحقاقات رددو حسبنا الله ونعم الوكيل والله عالظالم ان شالله وينكم عن كسرة بلال لقدم الفريدي وينكم عن كسر خشم رادوي من الشمراني وينكم عن ضرب برناوي والمولد لويلهامسن بس مايصحون الا ضد الهلال يعني اش استفدنا من احضار حكام اجانب اذا في لجنه بتسوي تعقيب بعد المباراة يالاجنبي ماتعطي لاعبي الهلال كروت وتوقفهم نقوم احنا ونوقفهم بقراارات ارتجاليه مجحفه جد قلة ادب عمري ماشفت مثلها مجمع جحلط مايستحون لا واللي غابني زود انهم مقدمين شكوى على نواف بن سعد ليش تعترض يبونه يبوس راسهم على هالقرار الغبي حشفا وسوء كيله بس والله مافي منتخبهم من دمار الا بسبة ظلمهم وعساهم بهالحال واردى |
احييكي اختي وسن على قلمك :yes: وحسبي الله ونعم الوكيل , والله يرد كيدهم في نحورهم الله مع المظلوووم وباذن الله الدوري هلالي :ba: حاربونا اعلامية , تصاريح , حكام , لجان , مكاتب ,, الخ ومازال زعيمنا سيدهم وسيبقى رغم عن انووووفهم اقالو كووزمين (( الله رزقنا بايريك غيريتس )) وان ابعدو رادوي باذن الله عزيز يأدي الواجب ورئيسنا الله يحفظه ماسكت وصرح بتصرييح جدا قوي (( اتوقع انهم خايفيين اكثر شي )) والموضوع لم ينتهي بعد وسيرفع لاعلى سلطة رياضية والادلة كلها مع الزعيم وباذن الله سنحتفل بالدوري ,, رغم عن انوووفهم :rose: |
عوافي اختي وسن حقيقة مره !! وصراحه مادري وش اقول بس كلها يومين وجه السعد بيجي وإن شاءلله مارح يسكت عن الي صاير والأمير عبدالرحمن ماقصر اليوم في الجولة كلام يثلج الصدر .. ان كان ضنهم "بتوقيف رادوي" يتعطل الهلال .. فهم مخطئين .. الهلال فيه عزيز والغنام والغامدي كل التوفيق للهلال في مباراته مع الاهلي يوم الخميس .. وحسبي الله ونعم الوكيل فيهم نابت السرحاني وربعه |
( وعزتي وجلالي لأنصرنك ولو بعد حين) هذه الكلمات تكفي ، تهز الوجدان .. الله سبحانه فوق الجميع ، يشوف ويعلم من يظلم ومين ينظلم.. أيا كان المتسبب بكل القرارات التعسفية في المواسم الأخيرة .. نقول : حسبنا الله ونعم الوكيل اللهم افضحه ، اللهم افضحه ، اللهم افضحه اللهم انصر الهلال على كل قرار جائر ، وكل ظالم مستكبر .. يارب لا توفقه لا دنيا ولا آخره يارب الهلال ليس مجرد فريق بل هو جهد سنين ومال وعمل وصحة رجال تعبوا عليه يارب انصرهم ، وابعد عنه كل متقصد لضرره وأشغله بنفسه / ما يضيع حق وراه مطالب ان شاء الله إلى الأمام يا هلال فعندنا بدل اللاعب مليون لاعب ونجم أهم شي الروح ، والتوكل على الله وطلب نصره |
قسم بالله تعبنا من البربسه ذي !! الله لايوفق السلقه الكبير حقهم ولا السلق الصغار اللي تحته ! وحسبي الله عليهم ونعم الوكيل |
حسبنا الله عليهم ، لكن دعاء ما راح ندعي ان شاء الله على اخواننا المسلمين عشان كورة !! فيه ناس أحوج لدعواتنا ، وأحوج لحماسنا وغضبنا . من أسباب تردي الأمة الإسلامية عموما ً هو انحدار اهتماماتها ، طموحها صار في الحضيض ! و أظن ان الموضوع " أوضع " من أن نورد فيه حديث قدسي عن الله عز وجل ، حتى لو كان ظلم يظل ظلم في جانب رياضي بحت . والله أعلم. |
رائعة كما عهدناك أختي وسن الهلالية وفعلا الله يمهل ولا يهمل وان شاء بنشوف حوبت الهلال عليهم يارب أنا من ناحيتي والله بدعي على كل من يريد الهلال بسوء ان يشغله الله بنفسه وان يرد كيده عليه يارب قال تعالى ( إني قريب أجيب دعوة الداع إذا دعاني ) فيجب أن ندعوا الله على كل من ظلم الهلال |
تسلم يمينك ياوسن من جد كلامك يثلج الصدر يعطيك العافيه يارب حسبي الله ونعم الوكيل |
:rose: أختكم: وسن الهلالية :smilie47: ^ شكـرآ يـ وسـن ~ |
يسلمووو وسن الله على الظااااااااااااااااااااااااااااااااااااالم ( وعزتي وجلالي لأنصرنك ولو بعد حين) حسبي الله ونعم الوكيل |
لاحول ولا قوة الا بالله حسبنا الله ونعم الوكيل شكرا لك على دعم عاشقي الموج الازرق ربي يوفقك والله يكتب اللي فيه الخير |
مشكوووووور ايها القلم الرائع الله على الظاااااااااااااااااااالم الله يمهل ولا يهمل يااااااللجنة الانحطااااااااااط بااااااالتوفيق للزعيـــــــــــــــــــــــــــــــــــــــــــــــــم |
اشكر الجميع على مرورهم بموضوعي المتواضع |
يعطيكي العافيه .. وسن الهلاليه طرح جميل ورائع وتذكير بأن الله يمهل ولا يهمل ومصير هاللجنه نشوف مصيرهم وأخبارهم بعد مده من الزمن دمتي بود |
| الوقت المعتمد في المنتدى بتوقيت جرينتش +3.
الوقت الان » 12:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd