ماذا يجب أن يحدث ليتأهل الزعيم لدور نصف النهائي؟؟؟؟؟(مهم)
 

السلام عليكم/

في هذا الموضوع سوف ابين فرص تأهل زعيمنا لتحت 23 سنة(ترا الفرصة كبيرة لا تيأسون)


منيب متفلسف عليكم الزبدة ياا خوان ان القادسية لازم تنهزم من الشباب في الرياض يوم الجمعة القادم 20/7 باي نتيجة بينما الهلال يفوز على الرياض يوم الخميس القادم19/7 بفارق جيد من الاهداف (لو يوصل الفراق الي 3 او 4اهداف الامل يكون كبير ان شاء الله)

في حالة حدوث هذين الامرين وهو المتوقع ان شاء الله لان القادسية ليس بقوة الشباب علما ان مباراة الذهاب في الدمام انتهت بفوز الشباب2-0 فكيف ومباراة الاياب في الرياض؟؟؟؟!!!!!!

اما الاحتمال الثاني وهو فوز الهلال على الرياض فهو متوقع ان شاء الله بنسبة 100%100 بس اهم شئ فارق الاهداف لازم يكون جيد يعني فرق 3او 4 لاننا بنحتاجه بعدين.

اذا انتهت الجولة القادمة بهذه النتائج يكون لدى الهلال 15 نقطة ومتساوي مع القادسية وتفرق بينهم الاهداف(اللي بيحدد منهو الاول او الثاني فارق الاهداف يعني لو نفوز على الرياض بفرق 3اهداف نصير حنا الثاني شفتوا وشلون الامل كبير)



اما في الجولة الاخيرة فيحكمها مباراة الرياض والقادسية في الرياض في حالة هزيمة القادسية وهذا غير متوقع فانه يكفينا التعادل مع النصر للتاهل اما في حالة التعادل مع الرياض (لو شدوا الرياض حيلهم في اخر مباراة قد يظفرون بالتعادل) فانه يكفينا التعادل او الفوز(لاننااكثر منهم بالاهداف وهذا طبعا في حالة فوزنا على الرياض بفارق جيد كما ذكرت)
اما في حالة فوز القادسية وهذا المتوقع فانه لا بديل لنا الا الفوز على النصر بفارق اقل بهدف اقل شئ يعني لو فازوا على الرياض 4-0 لازم نفوز على النصر 3-0 او فازوا هم 3-0 لازم نفوز 2-0


كيف تكبر فرصتنا في التاهل؟؟؟؟؟؟؟؟؟؟؟؟؟

اننا نفوز على الرياض بعدد كبير من الاهداف يعني 5-0 او 6-0 وفي هذه الحالة نكون ضمنا التاهل بنسبة 80%100 لانه اذا فاز القادسية على الرياض 4-0 مهب لازم نفوز اننا على النصر 3-0 لاننا فنا على الرياض بنتيجة كبيرة فقد تكفينا 1-0 مثلا وطبعا كل ما زاد الفارق كل ما عظمت الفرصة(صدقوني لو الخراشي والعلي يركزون ان نفوز على الرياض 6-0 او 7-0

هذي صورة للجدول بعد الجولة الثامنة/

http://alzaeem.com/news/14285/ta1.jpg

وكيف نفوز على الرياض بفارق جيد؟؟؟؟؟؟؟؟؟
1- تغيير هالحارس الدلخ.
2-حضور الجماهير.
3- الإستعداد بالتشكيلة الممتازة.
4- الدخول بخطة هجومية وعدم اهمال الجانب الدفاعي(خاصة اذا حرس بندر الماس)

مع تمنياتي بالتوفيق للزعيم

(ارجوا تثبيت الموضوع لفترة لانه بجد مهم وخاصة ان كثيرا من الهلاليين يظنون ان الهلال فقد الفرصة على المنافسة على التأهل وشكرا)

تحياتي/عاشق الزعيم2222

4 اهداف سهله على لاعبي الهلال وهم قدودها وقدود ..
والجمهور لازم يقول كلمته في المباراة ....

انا اتوقع الهلال مــتاراح يتأهل وخيــــرها بغيرهـــــها :cry:

اخوووووووووووي عاشق الزعيم


ضمنت مباراة الهلال مع الرياض ميه في الميه

ياخوك ماتدري ايش بيحصل في المباراة

ونتمنى للهلال التوفيق

يليت يلعب الجمعان المباراه الجايه امام الرياض وانشالله بتنتهي 3 أو4 للهلال

السلام عليكم و رحمة الله و بركاتة :
انا متفائل و احب المتفائلين امثالك تعجبني - و مستوانا اللي لعبنا فية ضد الاتفاق في الشوط الاول ممتاز بس و الشوط الثاني بعد بعض اوقاتة حلو حلو - بس شويت تركيز و تترجم كل هجماتنا باهداف باذن الله - و الاتفاق كانوا محظوظين - يعني المستوى حلو و الامل موجود
الحارس طبعا نقطة الضعف - و احمد خليل علية نكبات - بس بمباراة الاتفاق دخل مزاجي - - - الحارس من وين لنا بحارس - ما فية الا الدفاع يضغطون و يركز هو شويتين على الاقل علشان ما تدخل اهداف كثيرة
انا صراحة خايف ان الهلال يستهترون بمباراة الرياض - بس لا انشا الله
اما مع النصر الله يعين النصر و شايف الهلال لة فرصة بالتاهل بيجيبون طبلونهم - و لو بيديهم يجيبون رونالدينيو بها المبارة مو مقصرين :bluesky: :laugh: :laugh: بس باذن بنفوز الصرحة نفسي يجي يوم الجمعة على خير و نشوف وش يصير و باذن الله خير - - - باذن الله بتاهل
= = و اذا ما تاهلنا الحمدلله و الشكر كسبنا لاعبين شباب
تحياتي لك

في مثل هذه المواقف يكون الزعيم له وقفه و سوف يتأهل ان شاء الله وانا قد كلمتي ان الهلال بيتاهل بس احضروا وجهزوا الثنيان لدور الاربعه :)

مرحبا ...

والله انا رايي عشان يتاهل الهلال انه تقام المباراة بدون حكم.



وتحياااااااااااااااااااااااااااااتي

علشان يتاهل الهلال لازم يغيرون الحارس

ان شاء الله نجوم الزعيم قدها
اللعب اللي لعبوه ضد الاتفاق لعب راااائع :) :)
وكان من المفترض فوزهم بالثلاث نقاط...لكن المشكلة كانت في حراسة المرمى
المهم إن شاء الله يكسبوا اللقاءالقادم بعدد كبير من الأهداف

الفرصه كبيره والامل كبير

لكن اذا ما كان فيه غير الأعتماد على نتايج الفرق الأخرى في التأهل فمانبي نتأهل والله


أما بالنسبة للتثبيت فشلها من راسك للأسف , انت في شبكة الزعيم

جزاكم الله خيرا

يعطيك الف عافيه اخوي عاشق الزعيم على هالموضوع بس ودي اقولك كلمة راس ترى كلنا مو راضين على مستوى هالحارس وصراحه مادوي انك قلت هالكلمه في حقه انشالله تكون فهمت قصدي ومع الــــــــــــــــــــــــــــــسلامه

بأذن الله الهلال راح يتأهل

أنا متأكد إن الهلال ما هو متأهل