][(تم الاجابه)اطرح سؤالك على ضيف المجلس الرسام :: رشيد السليم ::][ - صفحة رقم 6 - نادي الهلال السعودي - شبكة الزعيم

blue.blo0od · #76 13/01/2010, 07:17 PM

شـــــــب عليـــهـــم لا يوقف لا يوقف لا يوقف

الازرق يلعب · #77 13/01/2010, 08:54 PM

مبدع دومآ يأخ رشيد ورسوماتك تغني عن الكلام وتعبر عن واقع رياضتنا وأنديتنا بشكل عام والاحداث الدائره
السؤال هو
نلاحظ انه فيه تعدي سافر لمواقع الأنديه الأخرى ولا فيه داعي لذكرها وأضن الجميع يعلم ما أقصده
تعدي على رسوماتك وتحويرها لمقاصد أخرى ليش مايكون فيه حفظ لحقوقك كصاحب فكره ؟؟؟
نرجو منك المحاوله لحفظ حقوقك ومطاردة سارقي أفكارك قضائيآ أو العمل على تسجيلها رسميآ لإنه شئ يقهر إنك تجد شخص تافه ومفلس ويتعدى على حقوقك وأفكارك الجميله ويقوم بتشويهها ......ودمت دومآ راسمآ الابتسامه لكل جمهورك .....الله يحفظك.

كود بلو · #78 13/01/2010, 10:06 PM

سؤالي للأستاذ رشيد السليم
لماذا لاتفتتح لك موقع على الانترنت
مع تحيات مشجع هلالي عاشق لرسومات رشيد السليم

جار الزعيم مميز · #79 13/01/2010, 10:26 PM

مهندس اللقاء : أبو طلال.
اعداد ومتابعه : الكلاسيكي
تصميم : !.{..الهلال..}.!

الف شكر لكم على ماتقدموونه
اسئلتي لرشيد السليم س1: وش رايــك بمسـتوى احــمد الفريدي
س2؟ ليش انت شاب بس على النصر يعني ماشفناك شاب على الشباب ولا الرائد ولا انديه اخرى
ثالثا
ابي ترسم لي رسم من ابداعاتك وتكتب عليها ابو كرم تكفى قلت تم
الله يعطيكم الف عافيه

يا مجاديف القدر · #80 13/01/2010, 11:40 PM

في البداية اشكركم على استضافة ( المبدع ) رشيد سليم

وأحب اسأل عدة أسئلة وهي :

س1/ ألا تتفق معي يارشيد على الرسم الكريكاتيري هو من أكثر ما ينشر التعصب بين الجماهير ؟

س2/ هل حدث في يوم وأن أنتقدت أحد عبر رسم معين ووجدت تجاوب منه , بحيث أنه يحاول إصلاح النقطة التي أشرت إليها ؟

س3/ هل هناك خطوط حمراء يجب ألا يتعدّاها الراسم ؟ لأننا نشاهد رساما في جريدة الرياضي يتجاوز كل الخطوط ولا يجد أحد يردعه.

س4/ بالنسبة للرسام الذي في جريدة الرياضي ( أو غيره ) هل حدث وأن ردت على إساءاته عبر رسم معين ؟

هـــ الشماسيةـــلالي · #81 14/01/2010, 12:23 AM

ابوطلال :
طارئ على البال أرغمني العودة وإضافة الرد , وهو طلب بسيط من استاذنا وضيفنا الكريم ابوسليم الله يحفظه ,, أطلب رسمة تجمع أعضاء المجلس الحاليين بصورة كاريكاترية كما هي صورة السالفين لنا في الصورة التالية :

0000

هلالي رغم الجروح · #82 14/01/2010, 01:16 AM

اولاً: اشكر المجلس على استضافتك لانك بكل صراحه صوت المشجع الهلالي
سوالي هو
هل حصل لك مضايقه في الجريدة من مسئولين بسبب رسوماتك ؟
هل عرض عليك نقل الى جريدة اخرى ؟ السوال هذا فيه بثارة شوي بس
هل تم حجب رسومات ومنعها من العرض في الجريدة حيث اني لاحظت انه تم حجب جزء من مقاله للكابت صالح السليمان من نفس الجريدة ؟

qassam boy · #83 14/01/2010, 02:36 AM

ابي رقمك علي الخاص لاهنت

ابعزمك

مجنونة يـآسر · #84 14/01/2010, 10:02 AM

عندي سؤال وآحد بس ..
متى بترد علينآ ؟

عصر الخيانة · #85 14/01/2010, 11:55 AM

كل الشكر لكم اخواني على اللقاء الجميل :-
سؤالي :- كم قيمة اشتراك جوال رشيد سليم وهل تصل رسومات او اخبار الرسام؟

المـشـاكـس · #86 14/01/2010, 12:21 PM

الله يسامحك يا ابو طلال

.. فضحتنا ..
خلاص يا المشرفين .. غيروا اسمي الى رشيد السليم

..
<<< تخيلوا اطلع انا هو

..

ما علينا ..
انا صراحة جاي اقول كلمتين ..
وراكم ساحبين على الشباب واسئلتهم ؟!

..
وبعدها ..
ابريش بالاخ رشيد لأنه صراحة يستحق الترييش ..
يا شيخ قسم برب البيت ياللي يشوف كاركتيرات ربيع وطقته انه يجيه مغص

..
اما انت .. غيييييير ..
صدق انك ترسم شيء يشق الوجه من الضحك ..
ويرفع معدلات الضغط الصفراء فوووووووق

..
اشكرك على كل شخطة قلم بكاريكاتيراتك .. وان كنت بشكرك على شيء معين ..
فاشكرك على كاريكتير اللي رسمت فيه طلال الرشيد وهو قافز له قفزة بنت كلب يبي يطب على المشجع

..

اهنيك صراحة على كل شيء ..
على الافكار .. وعلى طريقتك في رسم الاشخاص ..
وعلى حتى الالوان .. وعلى اهتمامك بأدق التفاصيل ..
وحتى على الخط المميز اللي تستخدمه ..
واكثر شيء اهنيك عليه .. انك ما عمرك رسمت شخص بنفس تفاصيله كلها ..
وانما تأخذ شغلتين ثلاث من اللي تدل عليه وتحطها .. وباقي التفاصيل تحطها بشكل مضحك ..

اتعب وانا اقول انك بطل ..
هالكلام قلته قبل ما اشوف هاللقاء .. واقوله لك هالحين ..

وبعد هالترييش

..
نجي لشوية اسئلة .. قلق وقروشة لا اقل ولا اكثر

..

س1 / ما مليت من كثر ما تقرأ كلمة " في الصميييييييم " والا " روووووووعة يالسليم " والا " الييييييييييييمة " ؟

..

س2 / وش رائك في بعض رسامين الكاريكتير اللي يحط له شخصية معينة ؟

س3 / هل تعرف تذب بالردود مثل ما تذب الرسم ؟

..

س4 / وش سوى البلوي عشان تتفلت عليه وتنتفه بهالاسلوب المؤلم ؟!

..

س5 / ما تحس بالغصة اذا شفت كاركتيرات يزيد .. وسبب الغصة انه يسمى برسام كاريكتيري (بغض النظر عن الافكار اللي يرسمها ) وما تشعر انه ينزل بالرسم الكاريكاتوري الى مستويات خايسة

؟! ..

س6/ والله العظيم انه ودي انك تجمع كاريكتيراتك بكتاب او موقع او اي شيء .. المهم اننا نروح لها كل ما بغينا .. وش رايك ؟!

اخيرا / هذا طلب اكثر مما هو سؤال .. تكفى .. ارسم ماجد مقبل اذا قابلته .. اذا ما قابلته .. تراه يشبه البلوي

.. <<< القلب لماجد وللبلوي

..

ابو طلال .. واحد شكرا على هالضيف

..
السليم .. واحد شكرا على قبول الاستضافة

..
كل من له علاقة بهالاستضاقة من قريب او من بعيد .. واحد شكرا

..

عا الكاسر شق · #87 14/01/2010, 02:52 PM

ياهلا برشيد

ودي اشوف كل كراكتيراتك وشلون يعني جديدك وين هوبه اشوف ياليت تجاوب علي يعني كان لك موقع بس هالفقراويين اخترقوه

ابي شي لك اي كراكتير تزينه تنزله وين

بس هذا اللي عندي

هلالي...القريات · #88 14/01/2010, 03:28 PM

تحياتي لك .. الاستاذ / رشيد السليم..

انا من اشد المعجبين فيك.

بس عندي كم سؤال..

1/ جوال رشيد السليم ليه ماهو مثل اول؟ ماصار يرسل حصريات

2/ كم لك سنــه بالجزيره؟ وهل انت مرتاح فيها؟ وهل جاتك عروض من جرائد اخرى؟

وسلامتك.. وأتمنى لك التوفيق والنجاح..

دميـ ازرقـ · #89 14/01/2010, 05:47 PM

بصرآحه مآعندي سؤال

لكني حبيت آسجل شكري وآعجآبي الشديد جدآ برسومآتك وآفكآرك الرآئعه

وآآآصل الابدآآع فنحن عشآآق رسومآتك

" السليم دآئمآ في الصميم " ^^

آختكم ^^

الامير المدريدي · #90 14/01/2010, 06:34 PM

رشيـد سليم وهـ بس فديت قلبك والله ..
قسم بالله إني مآحـبيت جريدة الجزيره إلى منك والكاتب الاستاذ صالح السليمان ..
رشيد السليم انت ظاهره وكفى ..