|
.... قضينا شمااته !!!!!!!!!!!!!!!!!!!!!!!!!!!!!!!!( غطرسه وكبر ) ..... بسم الله الرحمن الرحيم بداية لموضوعي أتحدأ اذا فيه أحد ماكان يستقبل ويرسل نكت تتمسخر وتتشمت بالنصر وجمهوره .. حتى بعد مباراة الاتحاد ,, النصر ماسلم مناا ,, بصراحه وصلنا لدرجه الغطرسه والتعالي والكبر والتشمت ,, وانا أول واحد فيكم ,, كانت تجينا رسايل عن النصر وجمهوره ولاعبينه كنا نضحك واكلف ماعلينا خيارات .. إعاده ارسال .. تحديد خمسه ولا ستة اشخاص ونرسلهم والله العظيم من بدايه الشوط الثاني وانا اقول للي كان حولي هذي نهايه الشماته .. والمثل الشعبي اللي يقول ( الطنازه مدة في اليد ) الفريق كله سيئ لو كان لاعب ولا لاعبين كان تهون وهذا شيء طبيعي يصير بعالم الكوره .. لكن فريق كله سيئ ولا يعرف يمرر وكأن شيء صابهم بلحظه .. ولااحد يبرر ان فيه مباراه انتر ولا غيرها لان اللاعبين يعرفون ان الجمهور لايرحم وخاصه في مباراة ديربي ,, قبل نهايه المباراة ارسلت رساله لجميع الهلاليين بجوالي وكتبت حنا كمجهور سبب هالانتكاسه يعني بعقلكم مافيه لاعبين تجيهم هالرساايل ..؟؟ وهل يعقل ان رب العالمين ماراح يعاقبنا بهالاستهتار اللي وصل حده ؟؟ انا يا واحد من اللي يرسلون احيانا لاقارب لاعبين ؟ يعني معقوله مايتأثرون لاعبينا بهالاشياء .. تبون الصراحه حنا متغطرسين ومتعالين واللي مايبي يقتنع لايقتنع لان هذا الواقع وتبغون اثبت لكم من امس اسئلكم بالله كم رساله جتكم بعد المباراة تتمسخر بالنصر ؟ تخيلوا حتى وحنا مهزومين و بمستوى سيئ مازلنا نتشمت ونتمسخر فيهم .. رجيتكم خلو عنا هالاسلوب السيئ .. لانصير مثلهم .. وش علينا من نصراوي قالت زوجته ولا نصرواي راح لمطعم ولا من هالنكت والاستهتار والتشمت انا من المباراة عاهدت نفسي اني مااعاد ارسل ولا رسااله واذا استقبلت اني امسحها مباشره .. والله اني اكتب هالكلام كلي حرقه على ماوصلنا له ,, اما بخصوص المباراه فوالله ماسائني ماصار فيها لأن هذي الكوره فوز وخساره ,, ودمتم في رعاية الله سالمين |
طيب ليش ربي ماعاقبهم ورئيسهم يصفنا بإسرائيل وسكرآن ويدخل بالذمم ؟ وجمهورهم يصفنا بأردى الأوصاف؟ الزعيق مثلاً!وإسرائيل ويهود .. إلخ ترى راس مالها كورة .. لا ندخل فيها الدين وعقاب من الله و.. و.. في النهاية كلنا أخوآن ولا تأخذ الأمر أكثر من حقه .. سبع سنيين مافازوا وآلحين يوم فازوا صار عقاب بسبب غطرسه!! ترى الكورة فوز خسارة .. وخل بالك طويــــــل وترى النصراويه عقب المباراة تنكيت في تنكيت ولازم نرد عليهم :) إقتباس:
الدعوة كلها كورة .. تلقى أنت أخوك نصرواي أو انا اخوي نصرواي وننكت على بعض الأمر عادي وهذي حلاة الكورة .. لكن لو نعيش طول عمرنا لا تنكيت ولا ضحك أجل مالها داعي الكورة !! لا تقلب الدعوة رسميات!! |
مشكوور على النصيحه وبعدين ترا النصر ما سلمت منهم مع انهم مهزومين الخمس السنين اللي مضت امام الهلال ومع ذالك يقولون اي كلام عشان يضايقوونا وبعدين الهزيمه هذي ما فيه نادي ما ينهزم في العالم على العموم هذي كبوة جواد وبالتوفيق للزعيم ان شاء الله في الجولات القادمه تقبل مروري |
إقتباس:
يعني الاستهتار والشماته بالرسائل ... شيء جائز ؟ اما بالنسبه لبدايه ردك .. ان النصراويه ربي ماعاقبهم عند وصفهم لنا باسرائيل ... اول شيء هذي بامور الغيبيات ... ثاني شيء انت معجبك حال النصر وهو له 11 سنه ماحقق بطوله وحالهم من سيئ لأسوء ... اما قضيه ادخالي للدين وان هذي كوره مثل ماقلت .. انت بكلامك كأنك تنادي بفصل الدين عن الدنيا ؟ ياخوي حتى لو هي كوره اعتقد انه ماتوصل للاستهتار والتمهزء ولا ازكي نفسي وانا واحد من الجمهور .. واذا كانت ماتوصلك الرسايل ولا اعتقد ذلك فحاول انك تبحث عن الرسايل وتشوف لحد وين وصل فينا الامر انا انادي اننا نبعد عن هالطريق اللي كلنا وقعنا فيه ولا نجعل الفرق الثانيه هدفنا |
يارجل لاشماته ولا شي صح خسرنا بس يكووون لي الشرف اني اشوووف جمهووور الفقر يتجول ويحتفل بفوزه على نادي القرن فهدا شي افتخر به....... بالتوفيق اللزعيم في باقي المباريات ........ |
عادي حنا ننكت 14 جوله ونفلها على روسهم وخلهم يفرحون وينكتون لو بجوله ويالله يارب انهم يطيحون في مجموعتنا في البطولات الثانيه وهذي فلة الكــوره |
| الوقت المعتمد في المنتدى بتوقيت جرينتش +3.
الوقت الان » 11:43 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd