سبحان الله..

وكأني كنت حاس باللي صار..

بصراحة.. اللي يقرا المشاركات قبل المباراة.. يحس كأننا فزنا وخلصنا من النصر..

ياشباب مو فريقنا بس اللي قاعد يشتغل.. كل العالم يشتغلون ويعملون..

ولكن للأسف.. التحقير في الغير نهايته وخيمة..

لما يدخل اللاعبين المنتدى ويلقى كل المشاركات تعطيه انطباع انه داخل المباراة تحصيل حاصل..

بكل تأكيد بيدخل المباراة في غاية التخاذل..

النصر واضح عليه من مباراة الشباب انه فريق روحه عالية بالمرة..

واللي ساعدهم قدامنا ان كابتن فريقهم المشاكس دوماً وأبداً.. كان متفرغ للعب على غير العادة..

مما أثر على باقي لعيبة فريقه بالإيجاب..

مدرب الفريق كان أول المغرورين بصراحة وكان أول الضامنين للنتيجة واللي أكد هالشي تصريحاته بأنه راح ينتقم من اللي تعادل منه في الدور الأول..

وهالشي انعكس على لعيبة فريقه.. وأتمنى ان المدرب العجوز أخذ درس جيد في التواضع واحترام الخصم..

هل كان ياسر يفكر في مولودهـ الجديد؟؟ فقد كانت مباراة النصر بالنسبة لياسر مباراة للنسيان.. فلم يحرك ساكن..

تضييع أهداف..

تمريرات خاطئة..

تحرك سلبي..

على العموم مبروك يا ياسر ما جاك.. وعسى (عبدالعزيز) يتربى في عزك..

وعساااهـ يارب عون لك على الطاعة.. والتفوق في حياتك العملية مع الهلال.. وعسى الفرحة ترتسم دايم على محياك..

فأنت ياما فرحتنا.. صحيح انك تمر بوعكة في المستوى.. ولكن بإذن الله تعود بعد هالفرحة الحلوة لك في حياتك..

دروس مستفادة..

التواضع للخصم شيء مهم.. سواء من الجماهير، أو المدرب أو اللاعبين..

ولنا في إدارة عبدالرحمن بن مساعد.. أقوى مثال.. ولكن بغيابها عن الديربي وضعت مليون علامة استفهام..

اذا كانت الإدارة لا تريد جلب مهاجم اجنبي محترف، فأظن انه من الأولى إحلال عيسى المحياني مكان ياسر وبالذات في ظروف مثل هذهـ..

وبالذات ان عيسى أثبت انه مهاجم نادر في التمركز.. فلو لم تحصل ضربة الجزاء، لكان أجدر بعيسى أن يحرزها في المرمى، والعلم عند الله..

اولا بسم الله الرحمن الرحيم

اكيد كلنا زعلنا بعد الهزيمه بس الاكيد ان الفووز مو دايم مره لك ومره عليك

يستاهل النصر قدم واحده من اجمل مبارياته واستحق الفوز بكل جداره

عن الهلال لا جديد الزوري وياسر والغنام بصرااااحه شيء يحير العقل انا لو مدرب وربي مايجلسون ع الدكه مو يلعبون الكوري مانبيه ياخي اللي ندفعه فيه ندفع اكثر ونجيب الرهيب ولا كامل المر نيفيز سألتكم با الله ماذا قدم لهلال منذو قدووومه يأستثناء مباراة الاتحاد اللي ساعدنا فيها الحض واللي اكبر غياب روح الاتحاد وقائده محمد نور وغياب اسامه المولد وتعرفون مواقفه معانا سيدي الامير عبدالرحمن بن مساعد ابي اعرف شغله على اي اساس تم التجديد مع ولي اذا كان ع لاعب ركض انا اتفق تماما انه مكسب لهلال اما ع لاعب صانع وجناح يحدث الفارق لا والف لا ولي يلعب مباراه تقول هذا نجم و3 تقول هذا عداء فقطمو لاعب يسجل من نص فرصه ومو لاعب يجيد التسديد ولا هو لاعب يرفع كوره ع راس مهاجم صحنسيت اصلا احنا عندنا مهاجم راااادوي انا اشهد انك فنان بس تعالو بذمتك رادوي مو اخلاقه زفت ولاعب جزااار الصدق ياناس والله لو انه يلعب بفريق غير الهلال كان قومنا الدنيا عليه اتمنى تسريح ولي والكوري واحظار مهاجم اجنبي هداف ويجيد اللعب خلف المهاجم كما اتمنى اعطاء الفرصه لعزوز الدوسري والعابد ونيفيز نصير عليه طول الله بعمرك مع انه لاعب ثقيل وغير مهاري لحد الان ...همسه بأذن كل هلالي مباراتنا مع الاهلي فزنا بشق الانفس مباراتنا مع النصر الدور الاول تعادلنا بشق الانفس مباراتنا امام الشباب كاد ان يتحول فوزنا لخساره جريتس ولي يرحم امك شفلك حل وعدل تغييراتك وفكنا من الغنام والزوري ولعب المحياني اساسي ...ع فكره اخوي احنا معانا عيون ونشوف وش يشغل دفاعه والدفاع يسجل فينا اقول ياسر ناززل مستواه زياده ولي لاعب سباق ونيفيز لمن الحين ماظهر وفوزنا ع الاتحاد ربك جابها وكنا نلعب ضد نصف فريق تخيل لو الغيابات اللي في الاتحاد في الهلال ....