01/01/2010, 08:09 AM
|
| زعيــم متألــق | | تاريخ التسجيل: 16/07/2005
مشاركات: 1,083
| |
يا ليت الكل يفهم ( انا ما اضع الخساره فقط على ياسر )
لكن اللي ابي اوصله ياسر حالياً يعتبر نقطة ضعف كبيره بالفريق
ومو من المعقول انه نعتمد في كل مباراة على لاعبين الوسط انهم يسجلون الاهداف ومهاجمنا يتفرج؟!!!
هاذي مشكلة الهلال انه حاليا يعتمد على الوسط فقط بالتسجيل واذا قفل الفريق الخصم ما فيه مهاجم تعتمد عليه يجيب لك الاهداف ويفكك الدفاع
اقرب الامثله على فشل ياسر حالياً عشان تعرفون انه كلامي مو تجني على ياسر :
- امام النصر في الدور الاول ياسر طول المباراة ما سوا شي لما دخل الصويلح بدقايق سجل التعادل . .
- امام نجران طول المباراة ما سجل ياسر ..لما دخل العابد سجل التعادل
- امام الاتحاد 5 اهداف وكان الاتحاد فريق مهزوز ومع هذا ياسر ما سجل ولا هدف
هاذي مجرد امثله بسيطه ولو طالعنا في كل المباريات بنحصل اشياء واشياء على ياسر وحنا ساكتين
طيب الى متى؟؟؟؟
قدامنا الاسيويه اذا ما سجل ورجع مستواه من الحين وش ينفعني اذا طلعنا من الاسيويه كلمة ( والله ياسر مو بمستواه )
خلاص شبعنا كل سنه وحنا نطلع من الاسيويه وكل سنه نجامل ياسر . . .
نقطه اخيره : اللي ما يعرف تاريخ الهلال يروح يقرا ويعرف انه الهلال كانت البطولات الاسيويه بجيب مضمونهه مع المهاجم الاجنبي وكلكم شفتوا سيرجيو اللي شارك في اعتزال حمزه هذا جاب لنا هاتريك في مباراة حسم بالاسيويه
وين ياسر عن مثل هالمستويات؟؟؟؟؟؟؟؟
|
الوضع العادي
