الزعيم لم يزل في الصدارة ياجمهورالعاطفة .. قل الحمدلله .. قدرالله وماشاء فعل ..ربك ماكتبها للهلال ..!! - نادي الهلال السعودي - شبكة الزعيم

هدف تسلل · #1 01/01/2010, 10:18 AM

سبحان الله ..

14 مباراة متتالية لم نخسرمنها ولاجولة وحصدنا منها نقاط ثمينة
ورصيد وافر منها ولله الحمد ..جعلتنا في الصدارة رغم الخسارة ..

ولكن للاسف هناك شريحة من الجماهيرتسمى جماهير العاطفة..
من خسارة واحدة أ قامت الدنيا ولم تقعدها ..!!
وجعلت في قرارة نفسها أن خسارة فريقها في عالم المستحيلات ..!!
سبحان الله ..!!

ألم تعلم أن كل شيء في هذا الكون يسيربتدبيرالله وحكمته
فلماذا الضجر ..!!

جمهورنا العزيز.. لانريد أن نصل لمستوى التعصب الممقوت
مثلما بلغ به بعض مشجعي الجار وغيرهم هدانا وهداهم الله..
(الحمدلله الذي عافانا مما ابتلاهم به).

أيعقل من خسارة واحده تنسيك أفراحك السابقة.
وتخرجك عن سمات أخلاقك العالية..

يجب أن نتحلى في مثل هذه الظروف بالهدوء والعقلانية ..

فالفوز والخسارة بارادة الله عز وجل ..وفي ذلك حكمة واعتبار .
فالقوي لاينتصر بقوته أبدا الابتوفيق الله .
ولنا في القرآن والسنة والسيرة العطرة خير دليل واعتبار..

يجب أن نعلم علم اليقين أن الانسان مهما بذل من عمل وتفاني وجهد
في سبيل تحقيقه لن يكتمل ذلك العمل والطموح بأي حال من الأحوال
الا بتوفيق الله ..ونعم بالله.

وفي هذه الحاله يجب على الانسان الرضى والتسليم لقضاء الله وقدره ..
والحمد لله على كل حال ..

الزعيم هذه السنة بفضل الله وتوفيقه قدم لنا كل شيء في المثالية والانضباطية والجهد الملموس وأسعدنا بمستوياته الرائعة ونتائجه المبهرة
منذ انطلاقة الدوريحتى بلغنا الصدارة رغم هذه الخسارة رغم عدم تأثيرها
على سلم الدوري ولله الحمد.
بل يجب أن تعطينا هذه الخسارة مزيدا من العزيمة و الحماس والاصرار
على بلوغ الدوري بإذن الله ..

جمهورنا الغالي ..الحياة لاتخلوا أبد من ( أفراح واحزان ) وهذه سنة الله في خلقه
ودوام حال الانسان فيها من المحال ..وقس ذلك على واقع حياتك ..

ولنعلم جميعا أن التشاكي والتباكي لايجدي في بلوغ شيء مضى وانتهى ..
بل نبقى يحدونا الأمل مصحوبا بالجد والعمل ..
والتوفيق بيد الله وحده ..والحمد لله على كل حال ..

ودمتم بود ..

@P-ALZAEEM-d@ · #2 01/01/2010, 10:32 AM

القهر كله مهب علشان الخسارة وفقدان الثلاث نقاط

القهررر كله اننا نفوز على كل الفرق واذا قابلنا النصر مدري وش يصير باللاعبين كانهم مضيعين

أجل اول خسارة تجي من فريق متهالك زي النصر؟؟؟؟

ياكل الغرام أنت · #3 01/01/2010, 10:41 AM

انت صآآدق متصدررين الدوووري وبااقي مباارياااات بس يخوووفي من

المباااريااات الجااايه والله يااان آآستاااذ الملك فهد الدولي فيه شي يآآخي يووم

يلعب الهلال في ذااا الملعب يااا تعاادل يااا هزيمه واازيدك من الشعر بيت ان ارربع

مبااريااات في ذاا الملعب بس الله يخرجناااا

انا دمي أزرق · #4 01/01/2010, 10:42 AM

اول شي

فريقنا مازال متصدر يانااااااااس

وفي حال فوز الاهلي على الشباب اليوم

راح تبقى الامور مثل ماهي ... وتصير خسارتنا مالها اي تأثير ويظل فارق 5 نقاط

وكأن النصر مثل ( قوطي ) دعست عليه وانت تمشي وبغيت تطيح .. لكن ربك ستر .. وقدرت

تستعيد توازنك .. وتواصل المسير !!

الشيء اللي ماحد يعرفه وأولهم الفقراويين ... يحسبون ان فريقهم هو اللي مسوي العجايب ومتألق

مايدرون ان فريقهم هوا هوا ماتغير وكديشهم هما هما ما تغييروا ..

الهلال هو اللي كان سيء وغايب ... لذلك ظهروا ،،

مافيه شي إسمه ان النصر كان أفضل ..

لا يوجد شيء اسمه ظلام في الحياه أصلاً .. لكن عندما يختفي الضوء .. يولد الظلام ,,

يعني لولا إختفاء الزعيم ... لم ولن يظهر هذا الفريق المتهالك بهذا المظهر ..

الاخ اللي فوقي ... يقول كل مالعبنا مع النصر يصير كذا ،،،

ياخي اللي يسمعك يقول كأنهم فايزين علينا كل مره نقابلهم فيها !!

لنا ست سنوات واحنا نفرك خشومهم ... وهالمره احنا اللي هزمنا انفسنا ..

لاتعطون الموضوع اكبر من حجمه .. ولا تظهرون حزنكم على 3 نقاط لا اكثر ولا اقل ..

(( عندما يبتسم الخاسر ... يفقد الفائز لذة إنتصاره ))

فكرروا في القادم ,,\\

ابو فارس

ولد هبآل · #5 01/01/2010, 10:45 AM

كـــلآمك علي عيني ورـــآسي والله ..~

لكن نكون بكل مباره نلعب لعب راقي ونهزء الفرق الأخرا .!

ولما يلعبون مع النصر يتغير الفريق 180درجــه ...؟ ليييييييييييييييييييييييييييييييييييييييييييييييييييييييييييه طيب..!

تحيااااتي لكـ

هلاليه زي القمر · #6 01/01/2010, 10:55 AM

طيب حنا نتقبل اي خساره لكن بهالمستوى اسمحلي مانقبلها

كيف لو دخلوا المباراة الجايه بهالسمتوى

خلينا نعلمهم انهم كانوا سيئين عشان كل لاعب يراجع نفسه والا عاد يقدمون هالمستوى اللي فريق درجه ثالثه ماراح يقدمه

وقدامك ترا مباريات اصعب من مباراة النصر الاهلي والشباب والاتحاد اذا ماتفوز فيها سلم على الدوري

شوف العام خسرنا قدام الاتحاد والا عني ما زعلت لانهم لعبوا وكسروا روس الاتحاديين برغم النقص مع انها مباراة بطوله مي دوري

بالتوفيق للزعيم

يعطيك العافيه

(*الهلاليه*) · #7 01/01/2010, 01:11 PM

انت صادق مازلنا متصدرين

حتى لو الشباب فاز على الاهلى

فارق نقطتين

علي سلطان · #8 01/01/2010, 01:22 PM

شكراً على هالكلام العاقل والمتزن ...بصراحه هذا الكلام الصح ..الهزيمة عادية جداً ووارة ليش نزعل وليه ننسى جهود الادارة والمدرب والجهاز الفني وجهود الاعبيين بسبب خسارة الموضوع كله 3 نقاط والهلال ما زال متصدر ..ياجمهور الهلال لازم نكون مع الهلال في الفرح وفي الحزن في الفوز وفي الخسارة وياليت نتعقل شوي ونهدا ...وعلينا مساندة النادي بالدعم الجماهيري وبالتصويت وتقبل اي خسارة بكل روح رياضيه ..انشاء الله الاهلي يفوز اليوم ويرجع كل شي زي مكان وياليت نخف شوي على الاعبين تراهم لحم ودم ويتعبون ويرهقون ويمرون احياناً بضروف ..ياليت نهدا ونكون جمهور راقي ومهذب وواعي وهذا هو جمهور الهلال .

ابومايكل النجدي · #9 01/01/2010, 01:44 PM

أخي العزيز

كلامك جميل ومناسب خصوصا الذين لم يعرفوا سلبيات الهلال الا بعد مباراة النصر

لكن من شاهد الهلال في الدوري يعرف بان هناك لاعبين يجب وضعهم في دكة

الاحتياط والبحث عن بدلاء لهم (الدعـيع وياسر) وهناك اشباه لاعبين يجب ابعادهم

عن النادي اذا اراد الهلال تحقيق الاسيوية(نامي , الزوري , الصويلح , الغنام,

الذياب) اما بقاء هؤلاء في الفريق وعدم وضع ياسر والدعيع في دكة الاحتياط فثق

أخي العزيز بأن الهلال لن ينافس على الدوري والبطولة الأسيوية وسوف تستمر

معاناة الهلال بسبب العلاقات والواسطات وعاطفة الجماهير التي تريد أن يبقى

الدعيع حارس للهلال الى قيام الساعة وأن يستمر ياسر مهاجما الى الأبد!!

وفقنا الله واياك لما يحب ويرضى,,,

الاحمري909 · #10 01/01/2010, 02:00 PM

ياسر لااعب كبير والكل يحترمه ويحب بس هو ما اثبت انه يحرق نفسه علشان الفريق ونلاحظ هروبه من الكرة بسبب الاهازيج المسيئة اما بنسبة للدعيع ما يتحمل الاهداف الاول خطأ دفاعي والثاني سوء تغصية من المدافعين ومن منطقة الستة فطبيعي تكون هدف

والحمدلله على كل حال