السلام عليكم ورحمة الله وبركاته ..

هـآردلك الخسـآره .. قسم بالله اخر شي اتوقعه الخساره من النصر !! :no:

يعني قسم بالله شي مُخجل وربي هالمستوى , وأيضاً شي مُخجل الجمهور الكبير يطلع زعلان !

المهم .. الموضوع عبر نقـآط :

التقطه الأولى :

* الدعيع ؟! انا عندي رغبه خاصه فيني انك تعتزل وتحفظ محبيك ومن زمان طـآلب هالشي :)
الحين الهدف الأول يجي بـ حارس مُميز وخبير مثلك ؟ هالهدف مايخطي فيه ولا الحارس الناشئ !!

اضف إلى ذالك الشي اللي اقسم بالله اجزم بأن 80% أو 90% من الجمهور الهلالي لايرضى عنه !
وهو الخروج من المرمى في كثييير من الضربـات الحره أو الركنيه .. !
اليوم في اول ربع ساعه كاد يُفاجئنا النصر بـ هدف ثاني من حسام غالي بسبب خروج الدعيع الذي لامبرر له .

وانا وربي من زمااااااان اطالب بعدم خروجه نهائياً .. لكن مثل ماقالو لاحياة لمن تُنادي !
كثير من المباريات بغا ينكبنا لكن تجي سليمه , لكن من الأن اتمنى يضبط وضعه . :)

,

النقطه الثانيه :

* غرور غريتس .. قد لاتصدقون ان غريتس طاح من عيني لأنه استهان بالنصر !
بتقولون ليه استهآن بالنصر ؟ الدليل مشاركة خيرات !!
يعني اللي سمعناه ان المرشدي جاهز ومافيه شي ولله الحمد لكن عدم إحترام الخصم تسبب الهزيمه ! :)
وها نحن هُزمنا بسبب " عدم إحترام الخصم " من غريتس ..

يعني لو تلاحظون الهجوم النصرآوي مستانس على خيرات , يمر ويلعب على كيف كيفه ,
لو فيه المرشدي الوضع بينقلب 180 درجه ,
لكن حسبي الله ونعم الوكيل .

,

النقطه الثالثه :

انا اعتقد بل أجزم ان سبب خساراتنا هي عدم إحترام الخصم لكن ليس المدرب ولا الجهاز الفني بل الجمااااهير !

اغلب الرودو اللي اشوفها .. فيها ثقه مب صاحيه وغرور بـ نفس الوقت !

مثلاً بعض الردود ( مب فايزين النصر علينا إلا بعد قرن , النصر فريق فاشل وبتشوفون خماسيه ومن هذا القبيل .. إلخ ) !

الظاهر مايعرفون الكوره .. الكوره تقدر تفوز فريق حارتنا على الهلال .. تقدر تفوز النصر على الهلال !
تقدر تفوز الرائد على إيطاليا .. الكوره فيها عجائب وغرائب مثل اليوم بالضبظ .

في الختام .. هاردلك وبإذن الله نعوضها بالإنتر <-- :d:smilie47:

ملاحظه : - منيب موري الناس وجهي 3 ايام كاملات ض1 :d
والله فشيله الخساره امام النصر .. :no:

استغفرالله الذي لا إله إلا هو واتوب إليه .. ولاحول ولاقوة إلا بالله !

وكما قال شبيه الريح <- له فقده :cry:

( الحمدلله ولاحول ولاقوة إلا بالله ) .. :smilie47:

الرسالة الأصلية كتبت بواسطة الزعيم الشرس (مشاركة 13950105) والله ما فيه مستوى والله فريقنا اليوم زي مستوى الوطني او ابها

ياعيال والله قهر سبب الهزيمه :

1-الثقه الزايده

2- بروده الاعبين

3- عدم احترام الخصم

وهارد لكم