جماهيرنا الغاليه بين مثقف ومتخلف (مؤيدومعارض) اسف
 

السلام وعليكم ورحمة الله وبركاته

الى احلى واغلى وافضل جمهور (الشعب الهلالي الغيور)

بصراحه انا مبتعد لي تقريبا خمس شهووور ماكتبت مواضيع باغلى منتدى

ولكني من اشد المتابعين والحريصين بهذا المنتدى

لا احب ان اطيل عليكم ولكن لادخل بزبدة الموضوع واسمحوووولي .....؟

لفتني وشد من انتباهي بعض الجماهير الهلاليه الغاليه اللي بصراحه مدري كيف تفكر

في كتابة مواضيعها بخصوص اللاعب الدولي المقاتل والمحب لناديه / خالد عزيز

وشنو عليه هجوم لايرحم بمقوله انه مرتشي وذلك بسبب خروجه من امام الاتحاد في النهائي

وتناسوا طرد ماجد المرشدي ولم يلقبوه بالخائن واذا عذرهم انه من دون قصد ولكن الخطا الذي ارتكبه عزيز
سبب ضياع الدوري احب ان اقول ايضا المفرج وايضا الدعيع وايضا وايضا وايضا من اللاعبين الذين تسببو
في ضياع بطولات ونقاط كانت تزفنا لنهائيات الدوري السعودي

ولكن ياخوان ماتوصل الى ان نطالب بتنازل الاداره عن اللاعب وايضا عليها 10 ملايين مقابل شهيل لاعب الشباب
او بصفقه مبادله بين عزيز والحارثي ياناس توصل لان نطلب من ادراتنا ان نتنازل عن لاعبنا اللي كتم نور ومالك وغيرهم من نجوم الدوري بلاعب راجع من اصابه رباط صليبي وهو بلامجامله بنظري من افشل المهاجمين ويازين العنبر عنده

اتمنى منكم وهذا طلب من احد عشاق الكيان :

بان نوقف وقفه واحد ونرفع من معنويات لاعبنا المبدع المقاتل ونشد من ازره ونبتعد عن التحطيم الذي يدمر نادينا قبل اللاعب
فلا ننسى محبوبنا محمد الشلهوب كيف كان مستواه الموسم الماضي والموسم هذا ياناس الشلهوب الان هداف الدوري والسبب ايش ؟ لاننا وقفنا معاه مادمرناه مثل ماتفعلون الان مع عزيز ارجوكم اعقلووووا



ياناس ترى فيه انديه منافسه لنا تتمنى اللاعب ولو باغلى الاثمان بس صدق من قال ماتعرف قيمه الشي اللي انت تملكه الا اذا فقدته


انا ادري باني اطلت عليكم ولكن اتمنى بان نرفع من عقليتنا فالاعب بدا يتمرن وانظبط مع الفريق


عـــز يــــــز لاتاخذ بخاطرك منا فنحنا نحبك
كـــلــــنــــا عـــــز يــــــــز

شكرا لكم لاطلاعكم على موضوعي

بالنسبه لي انا مافيه اي رد او موضوع لي يتكلم بمثل اللي ذكرته في موضوعك
صحيح الكل كان يطالب بمعاقبة عزيز لأنه اخطأ وهذا اكيد مو عيب وكلنا نخطئ
وكلنا نعاقب .


يمكن بعض الجماهير نفذ صبرها او انها ماتتقبل مثل غيابات عزيز عن التمارين
لكن يبقى عزيز محور مميز ولاعب مهم في كل فريق يلعب له .


الف شكر

ياخي ذا اللاعب خرااااااااافي
مجنون في المحور لكنه عبيط ومزاجي

الجندي المجهول هـلالي لين اعتزآلـه ان شاء اللــه ..

ولا يحتاج الا الدعـم ويرجع لـ مستوآه واحسن ..

يعطيك العافيـه على الطرح ، وبالتوفيق لـ عزيز ،

يعطبك العافيه على الموضوع على الرغم انني اتوقع وقته مو مناسب حسب وجهة نظري ...

بمعنى ان عندنا مباراة مهمة ومانبي نفتح مواضيع تشغل الجمهور ويزيد الكلام والنقاش فيها .. ويفنح موضوع خالد وطردة وغيرها اللى نتمنى ان الجمهور ينساها على الاقل في هذي الفترة وهي فترة حسم وحصاد ...

انا معك ان عزيز جاه مايكفيه من الادارة والمدرب والى هنا وخلاص المفروض مانزيد الضغط على الاعب ...

لكنني ايضا اختلف معك بعنوان الموضوع ... فليس هناك من جمهور الهلال من هو متخلف ربما تقول مخطىء ولكن ليس متخلف ..

نحن جمهور الهلال نختلف بوجهات النظر لكن نحترم بعضنا البعض ويجب ان يكون الاحترام بيننا والا اصبحنا نشبه جمهور الجار ..

يعطيك العافية اخوي وتقبل وجهة نظري ...

اشكر لك اخوي الغالي هذا الموضوع الرائع

صدقت كم افرحنا القائد الكبير خالد عزيز بوقوفه في وجه الهجمات

ونتم تذكرون في كل مباريات الفريق انه اي لاعب لايستطيع تجاوزه مهما كانت براعته

واتمنا انا مانسويله زي ماسوينا للمفرج من تدمير كبير

وانتم شفتو وش سوي الجار كجمهور ولاعبين كيف رفعو ودعمو لعبهم العنزي ورجع في مبارات الامس الحزين

تحياتي لك وللجميع

بصراحه
لا تعلييييييييييق

اول مره اسمع بهذا الاشياء ؟؟ يمكن غيابك خمسه شهور اثر على ذاكرتك او ان الموضوع كان في منتدى اخر ..

ولكن لا يصل انك تصف جماهير الهلال بالتخلف .. فهذي وجهات نظر ...ومجرد ذكر الشخص وجهة نظره فهذا هو منتهى التقدم والرقي ..

والحمد لله على السلامه .. مع ان توقيتك سيئ ..