الحرب خدعة يا رجال + والله العظيم وقسم بالله إن اللاعب هذا .........!! - نادي الهلال السعودي - شبكة الزعيم

أبـو زآيـد · #1 29/12/2009, 07:52 PM

بسم الله الرحمن الرحيم

نواف الهلالي يعود لكم من جديد

شوفوا أنا متفاءل أشد التفاؤل بالفوز في مباراة النصر .! طيب هل معنى هذا إني مستهتر

بالخصم ..!! لا طبعا لكن واثق من قدرات فريقي وأعرف بأني الأفضل وثقتي هذي

ما تفقدني الاحترام للخصم أياً كان واحترامي للخصم ما يعني إني أعطيه أكبر من حجمه !!

^^^ درر وحكم << ايه لا يسمعك أحد بس

الكلام هذا هو اللي يجب إننا نستوعبه ونعمل فيه كإعلام هلالي وإدارة ولاعبين

وحنا عمرنا ما استهترنا بأحد لكن سبق وأن عطينا أنديه أكبر من حجمها

فزادت ثقتهم ونقصت ثقتنا بأننا الأفضل وأكلناها مثل مباراة أم صلال ومباراة النصر الماضية !!

غير كذا بوجه رساله لإدارتنا الموقرة شبيه الريح والكابتن سامي وهي إن ( الحرب خدعة ) ..!!

يعني لو تلاحظ دائما تصاريح الإدارة لما نواجه أي فريق ومنها فرق ضعيفة مثل الرائد أو القادسية

أو نجران أو النصر دائما تصاريحنا بأن الفريق اللي أمامنا لا يستهان به وأننا لن نقلل من الخصم وغيرها ..!

طبعا الكلام هذا صحيح لكن في نفس الوقت أنت عطيت لاعبي الأنديه هذي دفعة وثقة بأنفسم تخليهم

يدخلون المباراة بقوة ويقدمون مستويات ضدنا ..!!

بينما لو طبقنا مبدأ الحرب خدعه وحطمناهم إعلاميا وفي المقابل بيننا وبين اللاعبين نقول لا تستهينون فيهم

وهذا مثل بالضبط طريقة وما يقوم به الذهبي الأمير بندر بن محمد

بالشكل هذا أعتقد سوف تسهل علينا الكثير من المباريات بإذن الله !!

فيه عندنا مشكلة هنا بالمنتدى ألاحظها كثير هاليومين وهي لما يجي عضو يبي ينتقد أحد اللاعبين

نقول مثلا اللاعب س << يبي يغثهم بالرياضيات

أجل خله حمود الفشقه .. تلقاه يسوي مقدمه

قبل الانتقاد يقول فيها ( أحب أوضح في البدايه لجميع الأعضاء إني قسم بالله من أشد المعجبين

بحمود الفشقه والله إني من جماهيره وقسم بالله إني أعشقه ووالله وبالله وتالله إنه من أفضل اللاعبين

عندي وقسم بالله إني أعشق مشيته ونقزته وضخامة خشمه .......الخ )

^^^ كل هذا عشان ما يجي لمه عضو أو أكثر من جمهور اللاعب ويقولون له أنت مندس

!!!

وفعلا هذا اللي حاصل فأنا أتمنى من الأعضاء إنهم يغيرون الثقافة هذي ويبعدون عن تكرار هالكلمه !!

واللي يبي ينتقد يصير ينتقد براحته لكن من دون تجريح ومن دون مقدمات بايخه ولا عليه من أحد

أبي نجر السامرائي

ذكر حجة الزمان أبي نجر السامرائي في كتابه المنتهى في الفراسة ما نصه ( وعندما يتقابل رجال يلبسون رداء أزرق

بأوغاد يلبسون رداء أصفر فإن الدائرة تدور على الصفر لا محالة وكما هو معروف عن جميع حجج هذا العصر

ولكن ليت شعري كم ستدور عليهم الدائرة ؟! وأظنها تدور ثلاث مرات )

يعني بإختصار أبو نجر يتوقع تنتهي 3 - 1

لكم مني أرق التحايا ،،،

مساعد الحكم ~~ · #2 29/12/2009, 07:59 PM

اهم شي الثلاث نقااط ..

عواافي ..

النقطة الأخيرة · #3 29/12/2009, 08:00 PM

^_^ يا هلا ابو نجر

يا ليت يكونون على منهج الذهي الأمير بندر بن محمد

بس يمكن التصاريح الأداريه تحفز اللاعبين .!!

بالتوفيق لزعيم

وأتوقعها 4-2

سلمان الخالدي · #4 29/12/2009, 08:14 PM

ان شاء الله بنفوز بدون اي استشهاد من كتاب بحر الانوار

والازرق بيثبت قاعدة العقدة باذن الله

اكوي لاني · #5 29/12/2009, 08:51 PM

هلا والله نواف

دائما على الجرح يا فتى

وسلم لي على رفيقك أبو نجر

mhmmd · #6 29/12/2009, 08:59 PM

معليش لا اعتقد ان كلامك في محلة حول تصاريح الأدارة

عبدالله ابوخالد ولين · #7 29/12/2009, 10:47 PM

لو سمحت لا تجيب طاري الروافض في المنتدى لا بارك الله فيهم :mad

هـلالــي · #8 29/12/2009, 10:45 PM

كلام حلو

لكن التصاريح بالعكس
تذكر منتخب الكويت في خليجي 19 كيف كانت تصريحات الفهد

ومحد كان يتوقع ان الكويت تتاهل من دور المجموعات

وشوف تاهلت الى ربع النهائي وما فزنا عليها الا بشق الانفس

تحياتي...

أحبك لو تجافيني · #9 29/12/2009, 10:47 PM

أخوي وش الحرب خدعه وماخدعه ..... هي منافسه وبس ...

والنصر اللي بيضيع الهلال أنه يعطي المباره فوق حجمهامن ناحية انه فريق قوي وغيره ... ولانستهين به بعد ..

أعتبره مثل الفرق الاخرى وعبدالرحمن بن مساعد قالها اكثر مانخشاه فرقالمؤخره السايع وتحت النصر نجران الرائد القادسية ..

الله يستر على الهلال من الهلال ...

والله لو لعب كل لاعب بنص مايملك من مستويات ان تكون نتيجه للتاريخ ...