أحترم وجهة نظرك كثيرا ... ولكنها خاطئة ولاتمت إلى فكر الذهبي بو بندر بصلة ...

إحترام الخصم لايعني ثقة زائدة أو تقليل من إمكانياتي ... أنا أعرف فريقي جيدا .. أثق فيعه ولكن يجب أن يحترم الخصم ...

النقطة الثانية و حبيت أصححها لك .. ماحد عطا النصر و أم صلال أكبر من حجميهما في تلك المباريات و لكن أخذوا أقل من أحجامهم بكثييير .. لم نحترم لا النصر ولا أم صلال فدث ماحدث ...

أحترم الخصم وقول إن شاء الله بنفوز ... وخلاص ....

عذرا ... لكن مثل مواضيعك تسبب تخدير و كفى

باذن اللي ماتنام عينه يارب الفوز والحصول على الثلاث نقاط من النصر ونحصل على الدوري يارب يارب يارب

تشكر اخي نواف الهلالي على

هذه النقاط الجميلة

ولي ملاحظة بسيطة ارجو ان تتقبلها

وهي بخصوص ( اسم الكتاب )

ارجو ان يكون ما اقصده قد وصل وتقوم

بتغيير اسمه وتعمدت الا اعيد الاسم في ردي

ولك جزيل شكري وامتناني

(( ارجو كل هلالي يقرأ كلامي)) يا خوان الزعيم اكبر من ان يرد على الممسوح ولا تنسوا ان الان لا يحب الهلال الا الهلاليين بمختلف الميول وهذا طبيعي لان كل ذو نعمة محسود . عندما نصبح (لا سمح الله) خارج المنافسات ومتفرغين للتفرج في الفرق الاخرى ونتنقل من قناة الى قناة ومن تصريح الى اخر مثل فريق الممسوح عقليا النصر نبدا نرد على التصريحات اما الان لدينا استحقاقات للتاريخ ونترك لهم النباح ولكن اطلب من جمهور الزعيم غدا ان لا يجاري جمهور الخصم بأي شي خارج الروح الرياضية لانهم ليس لديهم شي يخسرونه اما الزعيم لديه ما هو اهم صدقوني لو اهتمينا بالهلال والروح الرياضية يصبح فوزنا بإذن الله له طعم خاص لا نترك لهم فرصة يشوهوه بإخلاقه المعروفة عنهم

بالتوفيق للزعيم ان شاءالله 1-3

إقتباس الرسالة الأصلية كتبت بواسطة نـواف الهلالي بسم الله الرحمن الرحيم نواف الهلالي يعود لكم من جديد شوفوا أنا متفاءل أشد التفاؤل بالفوز في مباراة النصر .! طيب هل معنى هذا إني مستهتر بالخصم ..!! لا طبعا لكن واثق من قدرات فريقي وأعرف بأني الأفضل وثقتي هذي ما تفقدني الاحترام للخصم أياً كان واحترامي للخصم ما يعني إني أعطيه أكبر من حجمه !! ^^^ درر وحكم << ايه لا يسمعك أحد بس الكلام هذا هو اللي يجب إننا نستوعبه ونعمل فيه كإعلام هلالي وإدارة ولاعبين وحنا عمرنا ما استهترنا بأحد لكن سبق وأن عطينا أنديه أكبر من حجمها فزادت ثقتهم ونقصت ثقتنا بأننا الأفضل وأكلناها مثل مباراة أم صلال ومباراة النصر الماضية !! غير كذا بوجه رساله لإدارتنا الموقرة شبيه الريح والكابتن سامي وهي إن ( الحرب خدعة ) ..!! يعني لو تلاحظ دائما تصاريح الإدارة لما نواجه أي فريق ومنها فرق ضعيفة مثل الرائد أو القادسية أو نجران أو النصر دائما تصاريحنا بأن الفريق اللي أمامنا لا يستهان به وأننا لن نقلل من الخصم وغيرها ..! طبعا الكلام هذا صحيح لكن في نفس الوقت أنت عطيت لاعبي الأنديه هذي دفعة وثقة بأنفسم تخليهم يدخلون المباراة بقوة ويقدمون مستويات ضدنا ..!! بينما لو طبقنا مبدأ الحرب خدعه وحطمناهم إعلاميا وفي المقابل بيننا وبين اللاعبين نقول لا تستهينون فيهم وهذا مثل بالضبط طريقة وما يقوم به الذهبي الأمير بندر بن محمد بالشكل هذا أعتقد سوف تسهل علينا الكثير من المباريات بإذن الله !! فيه عندنا مشكلة هنا بالمنتدى ألاحظها كثير هاليومين وهي لما يجي عضو يبي ينتقد أحد اللاعبين نقول مثلا اللاعب س << يبي يغثهم بالرياضيات أجل خله حمود الفشقه .. تلقاه يسوي مقدمه قبل الانتقاد يقول فيها ( أحب أوضح في البدايه لجميع الأعضاء إني قسم بالله من أشد المعجبين بحمود الفشقه والله إني من جماهيره وقسم بالله إني أعشقه ووالله وبالله وتالله إنه من أفضل اللاعبين عندي وقسم بالله إني أعشق مشيته ونقزته وضخامة خشمه .......الخ ) ^^^ كل هذا عشان ما يجي لمه عضو أو أكثر من جمهور اللاعب ويقولون له أنت مندس !!! وفعلا هذا اللي حاصل فأنا أتمنى من الأعضاء إنهم يغيرون الثقافة هذي ويبعدون عن تكرار هالكلمه !! واللي يبي ينتقد يصير ينتقد براحته لكن من دون تجريح ومن دون مقدمات بايخه ولا عليه من أحد أبي نجر السامرائي ذكر حجة الزمان أبي نجر السامرائي في كتابه المنتهى في الفراسة ما نصه ( وعندما يتقابل رجال يلبسون رداء أزرق بأوغاد يلبسون رداء أصفر فإن الدائرة تدور على الصفر لا محالة وكما هو معروف عن جميع حجج هذا العصر ولكن ليت شعري كم ستدور عليهم الدائرة ؟! وأظنها تدور ثلاث مرات ) يعني بإختصار أبو نجر يتوقع تنتهي 3 - 1 لكم مني أرق التحايا ،،،

احلى شي نقطة اللاعب س

لاشف ، اللحين بعض العيال هنا الله يهديهم اذا شاف عضو ينقد لاعب على طول يعتبر مندس
وللأسف هذا اكبر غلط وترا النقد مطلوب ولا ماكان نجح احد اذا مافيه نقد وتصحيح اخطـاء .


وبالنسبه لمباراة اليوم فــ اتمنى احترام خصمنا ،، ونتمنى التوفيق لزعيمنا