نادي الهلال السعودي - شبكة الزعيم - الموقع الرسمي - في عصر الخميس أعصـار الزعيم بيعصر خصمه عصر + تجنب زحمة الدخول

بسم الله الرحمن الرحيم

مسائكم الله بالخير يامعشر الزعماء ومبروك علينا وعليكم هالصدارة الي بأذن الله مستمره الى نهاية الدوري

ادخل بصلب الموضوع على طول الكل علم بتقديم موعد المباراة الى العصر بسبب خسوف القمر

ومن زمان عن مباريات الديربي عصراً الي لها ذكريات حلوه تذكرنا بجيل الثنيان ونضاو واشرف قاسم والكتيبه الزرقاء والزعيم اجيال وراء اجيال من الابداع والامتـاع

طبعاً المباراة ان شالله بتكون بأستاد الملك فهد الدولي والملعب بيتم تقسيم المدرجـات 50% لكل الفريقيـن
ومن المتوقع حضور الرقم الصعب مبكرا وملى الامكان المخصصه للموج الازرق بينما الطرف الثاني يمكن مايكملون الواجهه

في هذي الحاله اذا اكتمل المدرج الازرق وبقى اعداد من جماهيرنا خارج اسوار الملعب ماحصلو على مقعد بالمكان المخصص اتمنى الذهاب الى خلف مرمى مدرج الخصم حتى نرهبهم باهزيجنا وصيحتنا عاد حارسهم مايحتاج لو يصفر الجمهور يمكن يبكي وينهار ولاينام الليل :(

وبالنسبه للتذاكر بما ان اليوم الثلاثاء وبكرا اربعاء اتمنى من الجمهور شراء التذاكر مبكرا حتى يتجنبون مشكلة اغلاق منافذ بيع التذاكر عصرا مثل ماحصل مباراة الوحده وفي هالحاله بيكون اكبر عدد من الجماهير متواجد بالملعب قبل بداية المباراة ويتيح الفرصه وان شالله يمتعنا الزعيم مستوى ونتيجـه

الزعيم يدخل هالمباراة وعينه على الثلاث نقاط لمواصلة صدارته والنصر يبحث عن فوز تاريخي من الزعيم لكن بوجود جريتس والكتيبه الزرقاء اتوقع حال الجار بيتدهور بعد المباراة ونتيجتها وبتكون فيه استقالات وتشتت وان شالله نشوفهم من هالحال واردى

جمهور الزعيم كونو بالموعد فالدره مشتاق لانتصاراتنا والي متشائمين من الاستاد اوضح لهم ان اخر ثلاث مباريات بالاستاد خسارة ام صلال بسبب التشتت بعد اقالة المدرب ونهائي الدوري من الاتحاد نفس السبب ومباراة النصر الاخيره الي خسرناها بالتعادل كان بداية دوري ونيفيز وبعض اللاعبين ماكان بينهم انسجام لكن بعد الانسجام الي واضح امامنا والدليل نتائج الزعيم اتوقع والعلم عند الله انها بتكون تاريخيـــه