|
جاااااااااكم العالمي .. اربطوا الاحزمة ... مساحة تفاؤل كبيرة غلبت على الجماهير الهلالية بتحقيق الفوز في موقعة الخميس امام الجار النصر .. هذا التفاؤل جميل وحق مشروع وهو بالمناسبة صفة حميدة يجب على كل مسلم ان يتحلى بها .. لكن ومن خلال مروري على مواضيع كثيرة في الشبكة ومن خلال ايضا جلسات الزملاء وجدت ان هذا التفاؤل وصل الى درجة الافراط في التفاؤل والجزم بالفوز على النصر ..والادهى والامر ان بعض الاعضاء راح يطالب بنتيجة تاريخية امام النصر وبكوم اهداف تستقبلها شباك العالمي !! مع احترامي لمن افرط في التفاؤل لن اقول امام انه .. واما انه .. لكن ساقول وبكل تجرد هم جهلة بدرجة امتياز .. جهلة بتاريخ الديربيات والمباريات التنافسية .. جهلة بان مباريات الديربي معاييرها نفسية اكثر منها فنية .. جهلة بان الاعداد النفسي لمثل هذه المباريات اكثر من الاعداد البدني والفني .. فقط .. دعونا نعود بالذاكرة قليلا الى احداث المباراة الشهيرة بين الهلال والنصر .. اظنكم تتذكرون عندما تقدم الهلال بـ 4 ـ 0 على النصر وعندها ظن الجميع ان المباراة انتهت بعباراة [ اكتب يا تاريخ واشهد يازمن ] .. اظن انكم تتذكرون كيف ان المباراة كانت في منعطفها الاخير وكيف كنا نعد العدة لموكب فرائحي تاريخي .. ماالذي حدث .. احرز النصر الهدف الاول ولم ييأس ؟ واتبعه بالثاني فتولد لدى لاعبيه شعور بالقدرة على العودة في الوقت الذي لاعبي الهلال ناموا على وسادة فارق هدفين !! وجاء الثالث فانفجر حماس لاعبي النصر بحثا عن تعديل النتيجة وبنفس الوقت ظل لاعبي الهلال يراهنون على تسرب الوقت .. جاء الرابع بتعادل اشبه بالفوز واشبه بموقعة كبيرة خرج فيها النصر منتصرا بعد ان كانت راياته البيضا ء ترفرف على اهداف الهلال الاربعة .. ولماذا نجتر الماضي البعيد ؟ يوم الجمعة الماضي امام الشباب عاد النصر للمباراة مرتين ولولا فقر حارسهم الفني ربما فرحنا بفوزهم الذي سيوسع الفارق بيننا وبين الشباب الى 8 نقاط ..وللمعلومية فان النصر لعب منذ الدقيقة الخامسة من بداية المباراة بنقص عددي بعد طرد الحارس راضي ومع ذلك عاد وكاد ان يفوز !! يا جماعة النصر فنيا والله دااااجن هاااج وما عنده الا الفقر الفني !! ودام النصر داااجن هاااج فنيا وما عنده قدرة على مجاراة الكبار فالاكيد انه راح يلعب بورقة الروح والروح والروح ثم الحماس فقط !! فريق يتعادل مع الرائد ومع نجران مهب كفو يفوز على الزعيم ...ولا هووب كفوا يوقف للهلال ... لكن الاولين ما خلو للتالين شي .. يقولون .. البندق العوجااا فيها رمية .. والاكيد ان البندق العوجاا ما رمت مباراة الشباب والله يستر ما ترمي مباراة الهلال ... شخصيا ما يخوفني النصر فنيا ولا عمره خوفني .. خوفي من تسرب الثقة المفرطة الى لاعبي الزعيم ..وهنا المووت الحمر ... فريق ما عنده ما يخسره ومباراة الزعيم بطولته المنتظره وما يهم بعده حتى لو ينزل درجة اولى !! اذا المسالة واضحة 1+1=2 فريق يبي يلعب بورقة الروح والحمااس ومباراة الشباب خير دليل .. فريق راح يلعب على تقفيل المنطقة باكبر عدد من اللاعبين وهباااا مرتدة وقووول وبعده الكورة لا يرده الا شارع التخصصي ... يعني بالمتخصر المفيد لعب رجولي من اول دقيقة واحترام الخصم وفرك خشووم بهدف بعدها يشرع لك الملعب ... غير هذا نبي نردد يحلمون .. مهارة وتكتيك وتكنيك وفن ولياقة ما يترجمها بالملعب الا الروح والحمااس وغير كذا يحلمون ... ادري ان كل اللاعبين مدركين اهمية اللقاء واعرف ان الخبير جرتس والمحنك سامي الجابر اعرف وادري مني بما يجب ومالايجب على اللاعبين لكن انا قارئ للواقع فقط كمحب لهذا الكيان اتنفس حب الزعيم ... ارجع واقول انتبهوا البندق العوجااا فيها رمية ... بالتوفيق للزعيم وان شاء الله تستمر مسيرة الانتصاارت ومواكب الفرح وسلامتكم ... |
كلام جميل من كاتب جميل ... رؤية فنية واقعية فمباريات الديربي لاتعترف بالقوة الفنية والانضباط التكتيكي بل بالحماس الذي لايظهر الا في هذه المباريات ... رائع يــــا ( ضربة زاوية ) :yes::yes: |
المباره لاتقبل التوقعات فمن كان في يومه ومحترم خصمه اضمن له الفوز صاحب الموضوع رائع اخي بطرحك تقبل مروري |
المباره لاتعتمد على معايير معينه من يجتهد في المباره سيحصل على مايريد النصر احرج الشباب مرتين في كأس فيصل والدوري واحرج الاهلي التفأل والافراط بنتيجة سيكون مردودها عكسي .. كل التوفيق للهلال في مشوااارهـ.. |
اتفهم وجهه نظر الاعضاء اللذين يتفائلون بنتيجه تاريخيه .. واعتقد ان كل الادله والظواهر تشير الىآ ذلك .. لكن يجيب احترام المنافس مهما كان .. لا يوجد انسان فاهم يقارن فنيا او ادرايا بين الهلال والنصر .. الا ان كان بمنظور تعصب اعمىآ وحتىآ وان كان متعصب فقد لا يستطيع .. اعتقد ان المبارهـ هي بيد الهلاليين اذا قدموا مستوىآ فسوف يفوزون وقد تكون نتيجه كبيره تنسينا نتيجه الاتحاد .. ولكن اذا لم يقدموا المستوىآ فقد يتعادل النصر او يفوز علىآ الهلال بمساعدهـ ظروف الكورهـ ( الحظ+التحكيم ) .. ولكن يبقىآ العمل في لاعبين الزعيم لاثبات علوا الكرهـ الهلاليه علىآ نظيرتها النصروايه .. |
حتى ولو ان الهلال اقوى من النصر بمراحل مو حلو الواحد يشطح بالنتيجه للاربعه والخمسه لان يمكن يجيك ظرف وقت المباراة ويغير كل شي وتميل الكفه للنصر عني اثق بفريقي ولاعبي الزعيم لكن احترم اللي بقابله اذا انا ابغى الفوز الصراحه ابدعت بالطرح ويعطيك العافيه موضوع يستحق التثبيت |
كلآآمـ حلو لآآكـن البعض طآآلب في مبآآرآآة الاتحآآد بنتيجـة تآآريخيـة وبأذن الله حصلت هي مجرد امنيـة امآآ قصة انآآآ ضآآمنين الفوز لا والله لآكن انشألله اللآعبين يستغلون النقص |
الف شكر لك عزيزي كاتب الموضوع كلام سليم 100% النقاط 38 او النقطه ال39 او النقطه 41 كلها وارده ومحتملها احترام الخصم وعمل الف حساب له والتركيز من اول ثانيه الى اخر ثانيه بالمبارات من اساسيات كرة القدم فالكره تتحرك مع من يقوم بتحريكها بلجري والمجهود وليسى بالأمر يارب وفق نادينا نادي القرن بكل زمان ومكان |
لا تخافون على الزعيم من هالناحيه صدقوني الاداره مهيئه الفريق بأذن الله وعارفين وش شعوركم شكرا |
مشاءلله عليك مبدع ولا خليت لنا شئ نعلق ,, لكـن الله يوفق الهلال يااارب الفوز هلالي مع المستوى العالي ,, اللهم وفق الهلال أمام النصر ,, اللهم وفق الهلال امام النصر ,, اللهم وفق الهلال امام النصر .. ياذالجلال وفق الهلال .. |
إن شاء الله وبإذن الله هلاليه |
كــــــــــــــــــــلامك جـميل بس غير عنوان الموضوع لاتكتب العــآلــ... بمنتدانا اكتب الحالمي |
كلامـ جميــــــل : يجب احترآآآمـ الخصمـ مهمــــا كان ضعفهـ : أحييكـ على الموضووع الاكثر من رائـــــــع تسلم يالغلا ,, وأنشاءالله نفرح كلنا يوم الخميس بفوووووز الزعيم بآآذنــــ اللهـ .. |
عنوان أخر لموضوعك المفروض كان جاكم الحالمي لأنةيحلم بالفوزعلى الزعيم بنفوزلأن الحالمين بينشغلو باللعب بالبلاستيشن |
البندق العوجااا فيها رمية ... والله انك صادق بس الله يخارجنا من الثقه الزايده لاخوف على الهلال الا من الهلال نفسه يعطيك العافيه دمت بود |
| الوقت المعتمد في المنتدى بتوقيت جرينتش +3.
الوقت الان » 07:36 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd