|
^^ اليوم المباراة العصر عشان فيه خسوف بالليل :) بعدين حتى لو عشان البرد الدوري الانجليزي يلعبونه العصر وش فيها يعني ؟ :D |
إقتباس:
مثل الكامب نو .. و اذا عندك معلومة السنتياقو يكون افضل .. تحياتي .. :rose: |
شـباب الله لايهـينكم التـواقيع ! الشـبكة خـلقة يـ الله تفـتح وبـ التـواقيع نص ساعه ! برب ديربي :D |
َ حسبي الله عليك يا الزوي !! ذبحتنا !! |
غير الزوري .. لا يهون المدرب وش يحس فية وهو يلعب خيرات .. :d يازن من جاب شهيل ولا حسن معاذ للفريق بسس .. ! وخلا بيونج يلعب يسار .. ! :d برود اليوم غير طبيعي في الفريق .. ! بس اتركو عنكم هذا كلة جماهير النصر كانت تنتظر التتويج في الملعب هههههه يبون يشوفون الفريق يجري ومعه كاس ههههههههههههههههههه 6 مواسم تقريباً من الكبت والهزائم نسو فرحة الفوز ع الهلال .. ! :d اليوم خسوف في الارض وخسوف في السما .. ! :d |
الزوري مباراة وعدت .. لكن الى متى يبقى ذا على قلوبنا ؟؟؟!!!! http://up.fcmancity.com/upfiles/gpO65721.jpg |
6 سنوات ما فازو !! كلمت آخوي اليوم آقوله الهلال خسر من النصر قال تكذب :d !! محد توقع الخسارة لكن سووها عيال خبيلان و فازو بـ البطولة !! [ ثقة زايدة و مفرطة جداً - آستهتار بـ النصر - هجوم ميت - قيرتس خطأ ] كلها آسباب خسارة النقاطط الثلاث [ البطولة العالمية لـ اخويانا ] !! ياسر ؟ اقسم بالله كرهتك يا شييخ !! خالي اللي ماله في اووم الكورة يقول شكل ياسر آنتهى !! خلاص آرحمنا و آذلف !! و الله العضيم صرت آكره آشوفك !! يا آخي ما تسمع بـ " لك زمن دولة و رجال ؟ " !! آرحم حالنا تكفى يا ياسر !! الزوري ؟ الشيء من مئتاه لا يُستغربُ !! هـ النفر من زماان و رايي فيه ما يتغير !! ليتك كملت ع اليد يا زوري و لا لعبت كوورة !! الشلهوب ؟ ذبحت والدينا !! كل الآعبين عادي الآستفهام جنبهم ! لكن الآستفهام الكبير ! هوساوي :smilie47::cry: ؟ غلطة و تعدي يا ثقة :smilie47: ! هاردلكم شباب :smilie47: |
ياسر إنهو الشاب الوسيم التكتيكي . لعن الله لاعب التكتيك , العام انهزمنا من ام صلال بسبة ولهامسون التكتيكي , والسنه ذي شكلنا بنضيع كل شي بسبب اللاعب الوسيم التكتيكي البطل ياسر :D |
السلام عليكم هاردلكم الخساره من النصر .. وتعوضونها في المباراه الجايه :d |
صحيح ياعيال أن ياسر مستواه هابط وأنه لازم يقعد بالاحتياط ولازم يحاول يرفع المعدل اللياقي ويرجع خفيف مثل أول لكن تراه والله لازم نعذره بسبب وحيد أن الإداره والجمهور مو واقفين معه يعني بالعربي نفس مشكلة الشلهوب العام الماضي اللاعب تراه مضغوط نفسياً بــ سبب الهتافات المتكرره من قبل جماهير الانديه الاخرى يعني عل بلاطه لو جمهور الهلال رددو البالتوك ولا نيجريا ولا اي لفظ يسيء لـ اي شخص ايش راح يصير على الهلال علشان كذا تراه كثر الدق يفك اللحام ---------------- وبــ إنتظار مباراة الريال لإنه بالعربي الدوري السعودي أقل من أنه يسمى دوري |
^^ هآردلكـم .. يمكن عشآني مآحضرت المبآره خسروآ :razz:..!! روقنآ انت ويآآه ! يآسر كبير وسـ يضل كبيير .. ولـه تصريح اليـوم عن جمهور المنتديآت ياليت تسمعـونه :naughty:.! اللاعبيـن كلهم مآكآنوآ في مسـتوآهـم .. مسكـت على يآسر ..!! دخـول " خيرآت " ماكان لـه دآعـي .. تباً لــ فلسفتك يآجريتس :s2: ! ولاتنسـون آن غيآب آبـو فيصـل كآن له الاثر الاكبر في عدم استمرآر العقـده :cry:..!! / والله مآكآن لي خلق آكتـب .. بس شفتكم شآبين في يآسر ونآسين البقيـه :s5s:..!! متى يبداء دوريـكم :d ! |
يا جماعة .. ارحموا عقولنا ... ابو دحة وفي رواية حمود السلوة يقول ان ياسر لاعب خدم تكتيك جريتس . . قلت له بالحرف .. ليه نرضى بـ الـ 60 % ونقدر ناخذ الـ 100 % .. قال جيب لي مهاجم سريع و ذكي و يصنع ويسجل حاليا .. نسى انه ذكر يسجل .. كلمه نسينا ان ياسر يعرفها الله يستر لا يكون ياسر .. راؤول الهلال !!!!!!!!!!!!!!!!!!!!!!!!!!!!!!!!!!!!!!!!! ليت عندنا مهاجم يقاتل على كرته كما فعل سعد اليوم ! |
السـلام علـيكم اشـوف العـالم شـغالين سـب في يـاسر وانا مـعكم صـراحة ! لـكن لـ درجة انـكم تقـولون مفـروض يـطلع من النـادي عـاد اطـلعوا مـن مخي :D وخـاصـة بـندر :P الـيوم الي قـتل الهـلال الزوري وخيـرات الـي الهـدف الأول بـ سبب هو وهوسـاوي ! وجيـرتس الي لـ الحين مدري ليـه مـالعب المـرشـدي ! يـاسر الـيوم سـئ و أي واحد يـشوف مستـواه ومستـوى سـعد الي كان جاي من إصـابـة قـويـه [ ربـاط صـليبي ] وشـفناه اذا انقـطعت منه رجـع وأخـذه والهـدف الثـاني لـهم خير دليل ! والـسبب الأهـم الي اشـوفه هـو عـدم حضـور ابو فـيصل الي كـل ماحضـر نشـوف الاعبيـن قـاعـدين يـقاتـلون ! اكثر شـي زعـلني الـيوم هو الجمـهور الي حضـر وهـو أكثر من جمـهورهم وطـلع زعلان ! رادوي هـو الأفـضل الـيوم ! وفي الأخير لانـبخس حـق النـصر الـيوم قـدم مبـاراة لـ التـاريخ ! مبروك لـهم وهـاردلك لنا :) وأهـم شي شـيلوا تـواقـيعكم << كل(ن) على همه سـرى هههههههه :D |
ِِِهاردلك ! :cry: , مستوى سيء لأبعد الحدود , دفاع مافي , خيرات حاطينه زينة في الدفاع ماسوي شي ! الزوري , ياخي والله غريبة باقي انك في الهلال , مفروض يطلع :ranting: هو ولعبه البايخ , الوسط نايم وأناني الشلهوب نايم وكل ماتجيه الكورة يشوتهـا , ويلي اناني وكل شوي يطيح , ياخي والله فضيحة النصر يهزمنا ! :s3s: , تياقو نيفيز , صباح الخير , وين وين وين وش ذا اللعب والله كأنه مجسم في الوسط مـا سوى شـي , ياسر , يرحم والديك شف لك حل , قريتس يرحم امك لعب المحياني بدال ياسـر ! والله مايصير كذا , لآزم يشوف له حل ياسر , يايرجع لمستواه يا يقعد في الدكة . ياسر ترى طولتها عاد صبرنا الى النهاية . يا تلعب زين يا الباب يوسع جمـل , ترى مو بس عشان اسمك كبير ما نطلعك ! سلطان :rose: |
اللي يقول ياسر كبير ونجم و و و و و مسوي نفسه جايب شيء جديد ههههههه . كلنا نعرف ان ياسر كان بطل وفنان وهداف لا غبار عليه :D لكن توصل به الوقاحة :D ويكون عاله على الهلال . وأي كورة تكون برجلة تعتبر ضاعت خلاص , يجيني حمود السلوة الحين ويقول يسحب معه 4 مدافعين وثلاث محاور ههههههههه لا قل ساحب الفريق كله بما فيهم الاحتياط ياناس ياعالم حنا اول ماعرفنا ياسر وش كان وضعه .؟ كان هداف + مراوغ + ذكي ويضرب بالراس ونادر ما تجي مباراة الا ويسجل فيها بـ راسة , لاكن حاليا , لا مراوغ ولا ذكي , واذا ضرب رأس يغمض عيونه والكورة تحلق في السماء :D ولو تلاحضون الأهداف اللي يسجلها حاليا كلها اسهل من السهل , زي هدفه في الفتح الباب مفتوح هههههه , وهدفه في الوحده الباب مشرّع , يعني ماهوب ياسر اللي دائما عودنا على انه لازم تكون له بصمة واضحه في كل مباراة , يجيني جمهور الوسيم ياسر , ويقولون ياسر كبير وراح يرجع , ندري انه كبير وراح يرجع :D جايبين شيء جديد هههههه , لاكن متى بيرجع .؟ ماراح يرجع الا لين يحس انه يلعب بمركز حساس في نادي كبير مثل نادي الهلال , وكفاية حرقة يا ياسر , ذبحتنا ضد كوريا الشمالية وقلنا ماعليه المنتخب كله سيء واعداده سيء , وضيعتنا ضد ام صلال ومشيناها وقلنا ضروف الفريق ماتساعد والمدرب هو في الاصل مدرب لياقة , واستمرينا نتعذر لك كل مباراة , لكن طفح الكيل ياكابتن ياسر :D اعرف قدر نفسك وقدم شيء يليق بـ اسمك وبـ اسم نادي الهلال ولا ترى مركزك يتمناه كل مهاجم سعودي بما فيهم عيسى ابو قدعه :D . الرد هذا قابل للنقاش من جميع الأعضاء ,, إلا العضو والمحلل الكبير والقدير [ حمود السلوه ] لان كلامه حول هذه النقطة بيكون كلام فارغ ومأخوذ خيره :D |
| الوقت المعتمد في المنتدى بتوقيت جرينتش +3.
الوقت الان » 11:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd