أناظر مسرح الدنيا واشوف الناس غير الناس .. [ صور ] .. :$ - نادي الهلال السعودي - شبكة الزعيم

حتى ظلالي هلالي · #1 18/12/2009, 08:22 PM

.. {

على طاري الزمان اللي مضى واصبح حديث الناس
ووقتٍ يا حلى وطرهـ قفى واندثرت أخبارهـ
لكنْ نقول لا دوّل علينا واستفز الياس
وعاند واقعٍ مجهول علينا يفرض أفكارهـ :
سقى الله يوم تتلاقى قلوب أصفى من الألماس

مخوة صدق وايامٍ طواها الوقت وآثارهـ ..

..
..

يا مساء الخير
والاحساس
والطيبهـ

مساء مايليق الا بأحبابي

مسائكم أنا

بقول نبذهـ عن المكان الي بنزل الصور عنهـ /

لكل منا ماضي .. حياة عاشها قبل
اماكن تذكرهـ بأجدادهـ
بحياة ابوهـ وامهـ
وطريقة عيشتهم قبل

يوم الاحد
الموافق 29/ 11/ 2009 م

طلعنا انا والعائلهـ الكريمهـ
برحلهـ لبيت ابوي واجدادي قبل

عمرهـ تقريبا 50 سنهـ

كنت داااايم اسمع فيهـ
ودايم ابوي يكلمنا عنهـ
بس ما قد رحنا لهـ

كان يقول لنا انهـ بهالبيت
كان يرعنا الغنم وهو معهـ كتابهـ يدرس

سبحان من رزقهم حب الدراسهـ
كانو يخلصون اشغالهم كلها
من حرث ورعي وتطليع ( المويهـ) < تسمع يا علي

من التسليب أو الدزليب والله اني مدري كيف تطلع

بس بالعربي اسمهـ القليب

الي هو البئر اظن

كل هذا يسوونهـ وكتبهم بيدهم ماشاء الله

^
اشوى مير يابيي ان شهادتكـ بالابتدائي طايحه بيدي

بس حبي لكـ مايسمح لي اطلع فضايحكـ قدام اخواني

والا اقولها بوجهكـ لي يوم

وتجلدني

لذالكـ اقالي ماشفت شي تراني

..

المكان عبارهـ عن بيت
بس كأنهـ 4 بيوت
ومسجد ومزرعهـ
وغرفهـ لحالها خاااصهـ

< اذا جت قلت لكم وشي

سؤال محيرني بصراحهـ ..!
ليهـ بالبيت فيهـ مسجد ..؟!
يصلي فيهـ جدي واعماني بس

لاني اشوف حولهم مافيه بيوت ولا مزارع ولا شيء

بس يالله هو المخرق عاوز كدا

نبدأ بسم الله

(1)

هذا التسليب = الدزليب = القليب = البئر

اصورة وانا خايفهـ

يهزأني ابوي يقول وخري لا يخسف بكـ

تخيلو اني طايحهـ ..!
بعدين مايتهـ ..!
بعدين مافيهـ انا ..!
بعدين << اش بس

هذي صور ثانيهـ لهـ /

هذا درج ينزلون منهـ لهـ

بس لاحد يسألني ليهـ

مدري

هذي مكينهـ داخل
بس برضو ليه مدري

ابوي كان مشغول بلقاء صحفي مع اختي

تلحقهـ بالجوال وتسجل التعليقات

(2)

هذا المسجد من برى
وياضح لكم حق الامام الي يصلي فيه قدام

< ابد ما ابتلشت بالاسم

هذا باب المسجد

هذا شبّاكـ المسجد

من داخل المسجد

< مو عند الباب ابد وهي تصور

(3)

سقف البيت كيف جاي

(4)

(5)

(6)

(7)

(8)

(9)

(10)

^^
هذي الله يسلمكم شبّاكـ غرفهـ

مسويهـ اقالي لقطهـ احترافيهـ

(11)

الدرج

وانا ارقاهـ

وانا انزل

< تقل خبلهـ ترقى وتنزل

شكل الدرج من برى البيت

(12)

المطبخ

مككككككشخ الحين شبابيكهـ مثلثات

وركزو على الرف الي على اليمين

(13)

هذي غرفة ابوي وعماني

(14)

هذي الصورة لاحد يدقق فيها

هذي غرفة جدي الله يرحمهـ

وكانت بااااااااخر البيت
وانا وصلت الاخيرهـ للغرفهـ

وانا بصور الا كلهم منحاشين ومخليني لحالي

واخذ الصورة وانا اركض

مالقيتني الا واقفهـ عند الباب الخارجي ببضع ثواني

وماطحت ابد يوم بغيت اوقف

(15)

صورة من اخر درجهـ قبل السطح

وعند الباب هذا وفوق الحصاتهـ الي بالوسط بغيت اطيح
يوم اطلع طايرهـ من الخوف

(16)

اهاااااااااااااا هنا الصورة لي بنتكلم عنها بالبدايهـ

هذي الله يسلمكم
يقول ابوي انها غرفهـ لجدتي اذا جتها الولادهـ

هنا تجلس تصارخ

وهنا تطلق

وهنا طلع ابوي

< وهنا اطلعي برى

(17)

لا احد يسألني وش هالغرفهـ

بوقتها كانو فجأهـ كل اهلي بالسيارة وانا واختي لحالنا

ولقيتها بطريقي وصورتها
بس مدري ليهـ كانت لحالهـ بطرف البيت

(18)

على هالشجرهـ هنا كانو يربطون حمارهم

(وانتم بكرامهـ)

(19)

هالصورة صورتها وانا بالسياره
لان بعد ماركبنا جانا اعتراف يروع

يوم خلصنا الجولهـ وككككككل شي
قال ابوي ترى البيت مسكون

يعني فيهـ جن

يعني بسم الله الرحمن الرحيم

بهالصورة هذي الي فوق تو
يقول كانت جدتي بالليل تشوف ناس يرقصون هنا

تخيلوا اني داريهـ قبل ادخلهـ

كان ماوالله تحط رجلي فيهـ

بس انا من شفت ابوي يلاحقني وين ما اروح
ويبينا نمشي جميع
ولاحد يروح لحالهـ
وانا شاكهـ بالوضع
بس تعوذت من ابليس وقتها
لكن طلع حدسي بمحلهـ ولأول مرهـ

..
..

} ..

أناظر مسرح الدنيا واشوف الناس غير الناس
واردد من خفى الخافي ترى الايام غدارهـ
يضيق بنا الفضا الخالي اذا ضاقت بنا الأنفاس
ولا تسعف خطاوينا عن المكتوب وأقدارهـ
دروب الحي ما ندري تودينا شقى واتعاس
سلامة ما بقى فينا من الماضي وتذكارهـ

..
..

شكرا بحجم اشتياقكم لي

^
طاقّتها ابو الثقهـ من فترهـ

بمان الله

< يا اجمل واطيب قلب حبيتهـ

عقـل الهلال · #2 18/12/2009, 08:26 PM

لو سألتي أبوك أيهم أفضل عيشة أول أو عيشتنا اللحين !؟

أنا أشوف عيشة أول كانت برغم بساطتها وانعدام وسائل الترفيه الحاليه فيها إلا أنها حياة رائعه هادئه حنونه .

عيشتنا هاللحين ماني قايل وش فيها لأن ما ابي اسوي اني شايب

يالله يا غرفة جدتك حقت الولادة ليت بنات الجيل التالي يشوفون وش قد كانت جدتك تعاني .

صور حلوة وكويسه مرة ,, بس ماندري وين موقع التصوير

عوافي حتى ظلالك هلالي , ورحلة سعيده

لكـ مودتي

الســفيرة · #3 18/12/2009, 08:34 PM

اهلا وسهلا

الحمدلله عالسلامة وين كنتي يابنت وحشتينا (قلب)

لي عودة باذن الله

................

سبحان الله حياتهم بسيطه ومع هذا ماكان عندهم زي هموم هالحين ، كانت القلوب وحده مافي شي يفرقهم والحين حتى الاخوان صارو متقاطعين

كيف كفت ابوك واخوانك كلهم

يالله

والله كافحو حريم اول

الحين صارت الوحده تحجز اكشخ جناح بالمستشفى

يعطيك العافية حتحت رحلة مميزة وسلمينا عالوالد

ஜ ₣ ฮ เ ṥ λ Ŀ ஜ · #4 18/12/2009, 08:35 PM

تقـريـر خيـآآآآآآآآآل

بس هـ المـكان ويـن فيه !

أبو سواج · #5 18/12/2009, 08:36 PM

ماشاء الله تبارك الله
مجهود أكثر من رائع

على صعوبة الحياة في وقتهم إلا أنها تميزت بالعمل والجد ولاغير ذلك
وأنتجت رجالاً ونساءً يعرفون واجباتهم ويؤدونها على أكمل وجه

هنا في مايسمونه بيت الدرجه
كانوا يضعون لبنات جاهزة للإستخدام وذلك لترميم البيت في موسم الأمطار

إقتباس


	هذا المسجد من برى وياضح لكم حق الامام الي يصلي فيه قدام < ابد ما ابتلشت بالاسم

اسمه المحراب

شكرا لك على مجهودك
وجزاك الله خير

عسيريه · #6 18/12/2009, 08:37 PM

.

.

هلا وغلا بـ حت حت

تصدقين عاد ,
أمنيتي اروح لأماكن مثل كذآ

ودي أصوّر مثل هالبيوت

كان أخذتيني معك الله يصلحك بس

رحلة جميله جداً , حلو الوقوف ع الأطلال

أهم شي شفتوا تراث أجداكم

الله يعطيك العافيه حت حت

ام متعب التميمي · #7 18/12/2009, 08:41 PM

هلا بك وهلا بيت جدك

اكره شي عندي الرحله للماضي خاصه اذا انا مااعرف شي فيها

وش نسوي بخرباتكم اذا شفناها

هم عندهم ذكريات يشوفونها انا وش اشوف^_*

صدق الضيق بالانفس

هذي ماتكفين اتسدح فيها^_*

تحياتي

مـوت ومـيـلآد ! · #8 18/12/2009, 08:42 PM

الللللللللللللللللللللللللللله على ايااااااااااااااام زمااان.

.

والله بيووتهم شي..

وسوااالفهم شي ثااني..

شكل رحلتكم فللله..

الله يديمهاا عليكم..

موووضووع حلووو..

تشكرين عليه اختي..

miss zozo · #9 18/12/2009, 08:49 PM

اهلن حت حت

كل سنة وانتي بخير

نجي للصور

المكان رهييييييب بس لاتقربينه بالليل

يالله رهيبه الشبابيك ولا الرفوووف حاجه ثانية

هذي العيادة الخاصة حقتهم

هذي انا اعلمك وشهي شكلها غرفة الخدامة

استمتعت صراحه بالصور رحلة ولااروع بس زين ان ابوك ماعلمكم انها مسكونه الا عقب ولاكان رحتوا فيها (خووووافه تراي

)
تسلمين والله عالجولة الحلوووة بس لاهنتي نبي صور بالليل

الدخل والمخرج الييييييييم اهنيكـ عليه

متابعة بجنون · #10 18/12/2009, 10:00 PM

,‘

له له له .. وش هالزين وش هالذكريات >> والله ثمر الدمج فيكمـ

هلا بحت حت ..

...

ههههه وهو صادق أبوكـ يقولون فيه حجه تدعـ ي انه ربي يرزقها
الناس اللي يتفرجون عـلـ ى البئر ..وبالذات الصغاار

>> كان آهلنا يخوفونا

بهالعباارة واحنا صغااركل مارحنا لمزرعة جدو بالديرة
وجينا نتفرج عليه .. واحنا نصدق .. حتــ ى صرنا نتخيل ان التراب اللي حول
البئر يخدعنا ويطرحنا فيه ..
:
" والله يحفظكــ ويخليك للمجلس ولنا "
.........

ههههههههه هاذي الصورة بذات .. ذكرتنـ ي بغرفة مثلها بالديرة
كنا نلعب فيها "حريمــ "

.......

ياحالات الجلسة هنا بعد الأمطااااار والتراب باااااارد ..

.........
يعافيكـ ربي ...

,‘

ỸàśśèṜ∫20 · #11 18/12/2009, 10:08 PM

رحلة جداً رااائـعه ,,
الف شكر لك ,,,

...][ هلالي الخبر ][... · #12 18/12/2009, 10:09 PM

له له له شوهيدا الحتسي

حت حت منزله موضوع

عودآ حميدآ ياهانم

صووور توووحفه وماضي عريق وموثق من الفوتوغرافيه حتحت

خذي شمي

هلاليه محترفه · #13 18/12/2009, 10:43 PM

اويلاااه جاني مغص ..وضاق صدري

صراحه احيناً اهوجس ودي أعيش حياة ابوي ودي أحس بطعم الحياة والشقا على أصوله ..
بس كل ماتذكر ماعندهم مكيف ولاغيرة .. اهووووون

بس بيتكم وينه فيه لأن مشاءلله الأثار موجوده
مو مثل بيت ابوي الاثارمختفية ومابقى الا جدار ..

عوافي خيتوو

الهنوووف · #14 18/12/2009, 10:52 PM

وعليكم السلام ورحمه الله وبركاته

هلا هلا بحتحوته

يازين الماضي ويازين بيوت الطين
والله احسد الاولين على حياتهم

تمنيت اني عشت بهالبيوت

المكان حلوو ويحمس للتصوير

امنيتي اروح مكان قديم علشان اصور

-->كلن ع همه سرى

القليب

ذكرني بالديره

يمه يخوف ماحب اقرب له

\

/
عوافي ع هالرحله

وبسم الله عليك اقري الاذكار قبل تدخلين شي
ترا ماعندنا الا حتحت وحده

الهنوووف

كانت

هنا
ورحلت

الكلاسيكي · #15 18/12/2009, 10:57 PM

هلا بك حت حت ..

ماشاء الله على ابوك , الله يحفظه ويطول بعمره ..
شي طيب ان الاب يزور مع ابناءه بيوتهم القديمه ومزارعهم ..

حتى يبين لهم الفرق الشاسع بين الماضي ومشقته والحاضر وترفه ..
وكيف كانت العيشه صعبه , وحلوه رغم صعوبتها وجمالها ببساطتها ..

التقاط جميل منك .. وعجبتني الصور .. ولكن فيه صوره وقفت عندها كثير ..
الحين الدرج يبين من برا .. يعني لو جدتك طلعت فوق الدرج تنكشف

!!

حتحت , الف شكر لك ع الطرح ...
وتقبلي احترامي وتقديري ..
دمتي بخير