دخولي الملعب وخروجي من سجن الملز ( الى ابو فيصل ) - نادي الهلال السعودي - شبكة الزعيم

عشقي هلالي15 · #1 25/12/2009, 03:08 AM

السلام عليكم ورحمه الله وبركآته

آولا آبارك للكيآن الهلالي على الثلاث نقآط وتوالي الصدآره والمستوى المتميز
وعقبآل حصاد جميع نقآط الدوري والحصول عليه .. ومن بعده الاسيويه

::

لا آعلم من آي آبدآ وماذا آقول على مانرآه من سووء تنظيم في دورينآ السعودي عآمه وخصوصآ في مبآراه الهلال
وحيث آننا نعآمل من قبل رجال الامن والمسؤلين كـ بهآئم (( آكرمكم الله )) ..

::

لكن يعلم الله بآنني آكتب لكم ماذا حدث لي وماشهدته ولم آزل فيه بحرف واحد ..
بدآيتن كنت متررد في الحضور للملعب بسبب سوابق سوء التنظيم ومعامله رجال الامن للجمهور مما يسب لك كره الكوره بشكل عآم .. لكن حبآ للكيان الهلالي ولعيوون (( آبو فيصل )) حاظرين حآظرين
طبعا الجميع شآهد الاستقبال المتميز من قبل اداره ملعب فيصل بن فهد للجمهور .. بحيث ان المبآراه بدت وتقريبآ اغلب الابواب
الخارجيه مغلقه تمآما ولا اعرف مآهو السبب .. الذي جعل الالاف الجماهير الهلاليه واقفه تتسائل عن هذه المهزله التي حاصله
مباراه تبدى ولا يسمحون بدخول الجماهير ومقفلين الابواب !!!؟؟؟

طبيعي بتكون رده الفعل غير من الجمهور الهلالي .. بعد التزاحم والتدافع من الجمهور الهلالي المزدحم على بوابه الاستاد
اظطرو رجال الامن بفتح الابواب مما سبب دخول الجماهير بطريقه وشكل غير لائق وقؤبلو بضرب ودفع ايضا من رجال الامن

::

عند وصولي لجهة التفتيش وفرز التذآكر كان ايضا ازدحام مو طبيعي وسب وشتم ولعن من رجال الامن للجمهور
اظطريت اني استغل الموقف واخذ كم صوره من كاميرآتي للوضع والمهزله الي صايره .. لكن بدون ما آحس
حظرو عندي ثلاث عساكر وبدون اي تفاهم يبون يسحبون مني الكاميرا ويمكن يكسرونها مني .. طبعا انا قاومت الشي هذا بصراخ ولا رضيت اعطيهم الكامير بحجه ان فيه صور لهلي ومحارمي .. وانا اقاوم ,ورب الكعبه امسك الكاميرا في يد واليد الثآنيه احاول
اتصدى لضرب العساكر الثلاثه الي بيآخذون مني الكآميرا طبعا كل هالشي عشان يمنعون اني انشر الصور والمهزله الي صآرت
تجمعو عندي اكثر من ضابط وفرد لكن برضو ماستاطاعو انهم يآخذون مني الكآميرا .. لاني قاومت وصرت اصارخ عليهم واقول ان فيها صور خاصه .. طبعا جميع الضبآط يقولون لازم تمسح الصور قدامنا ولا بنكسر الكاميرا .. سلمت امري لله ومسحت الصور قدام عيونهم
طبعا فيه واحد من العساكر واقف عندي يقول عطني فلم الكآميرا .. ارد عليه واقووله هذي ديجيتل مافيها فلم .. طبعا الاخ مو فاهم ولا عارف وش قاعد اقوله .. فآظطر انه يآخذ بطاريه الكاميرا برضوو رفضت وقلت له بدون ما آحس وانا معصب ماتفهم
من بعد هالكلمه استلمني هو بسياره الشرطه وطاح ضرب فيني وقطع [ ازرار ثووبي ]<< هذي الحركه قهرتني خخ

.. طبعا انا صرت اقاوم واضرب بعد ماشفت الوضع مزري للغايه .. لطعوني اكثر من ساعه بالسياره ولا قدرت اتابع المباراه وكل شوي يمر علي ضآبط وافراد يقولون انت راعي الكاميرا الي تصوور ؟؟

طبعا كلهم متضايقين وعارفين ان الزم ماعليهم ماتوصل ولا اي صوره لسوء التنظيم الي صار ..

وبالحرف الواحد جاني ضابط يقول انت مجنون جاي تصور الي صار وتبي تفضحنا ..؟؟

بعدها كتبو فيني تقرير واني متلفظ علىا العسكري واخذوني لسجن الملز والحجز لين الساعه تسع في الليل ولا طلعت الا بكفاله وملعنه ..

ومركز شرطه ستين الملز برضو كان لهم نفس الكلام وليه كنت اصور الاحداث ماكانو يبون احد يعرف ..
وكان معي اثنين من الجمهور الهلالي صؤدرت كاميراتهم ولا قدرو يرجعونهآ وهم من الاسآس ماكانو مصورين شي لكن مجرد كانو ماسكينها ..

لكن ماقول غير حسبي الله ونعم الوكيل عليهم وعلى الي تسببوه لي ..

لكن سؤالي الوحيد الى متى هذه المهازئل الي تصير في دورينآ وخصوصآ في نادينآ !؟

ويعلم الله اني مازليت ولا حرف وتغاضيت عن اشياء ماودي اقولها احترآم للذوق العآم ...

وأتمنى يوصل صوتي لبو فيصل بوضع حد لهالمهزله
وانا واثق ثقه تامه بأذن الله لو عرف ابو فيصل ماراح يقصر معنا

كل الشكر للمتابعه ..

عشقي هلالي15 · #2 25/12/2009, 04:01 AM

وبأذن الله مثل هذي الاحداث لم ولن تقف عائقاً امامنا في مؤازرة الزعيم

انا دمي أزرق · #3 25/12/2009, 04:02 AM

ياحبيبي

اذا ماعندك صور

اذكر اساميهم ورتبهم هنا !!

واكيد بتوصل لابو فيصل ,,,

لابوهم عسكر همج ...

والحمد لله على السلامه ...

كيف التوقيف

ههههههههههههههه

عشقي هلالي15 · #4 25/12/2009, 04:09 AM

يارجل وربي انا والعساكر مذابح يبون ياخذون الكام
لكن معصي ماصارلي شاريها بـ3000 يجي هالطعس ياخذها بارده مبرده ويحطها في الجيب
اخرتها يروح يبيعها

وانا والله مسحت الصور قدام الظابط ومع هذا كان يبي ياخذ الفلم على قولته مع ان الكام له ميموري مو فلم

ذئب وعشقي الزعيم · #5 25/12/2009, 04:15 AM

الله لايوفقهم بس
وحسبي الله ونعم الوكيل

دمي أزرق&أبيض · #6 25/12/2009, 04:25 AM

سؤال بسيط ,

الى متى؟؟!!

الانترااوي · #7 25/12/2009, 04:25 AM

حلوه عطني الفلم شكل الرجال يسمع بالكاميرات ,,,,

والله المفروض الجمهور كلهم اتفقوا عليهم وجلدوهم ,,

والله من سوالف الشباب ذكرتموني بالي يطلع من سجن

ابو غريب وشرح المعاناه وطرق التعذيب,,,,

واعتقد كل هذا علشان ما نجي لمباراه النصر لكن ان شاء الله حاضرين من ورى خشومهم ,,,

انتراوي الاسياح...

نمله مفحطه · #8 25/12/2009, 04:27 AM

والله ابو فيصل مو ساكت وله كلمه بأذن الله

هلالي مدمن · #9 25/12/2009, 04:31 AM

حسبي الله ونعم الوكيل

أهم شى حمدلله ع سلامتك

و الشكوى لله

إلا ياسر 20 · #10 25/12/2009, 04:33 AM

ياخوي حرام يصير كل اللي صار لك وبالأخير ينتهي موضوعك بكتابه موضوع بيختفي بعد كم يوم

ليه تمسح الصور؟ وليه ماكلمت ضابظ كبير من اللي بالمركز؟

ماكان معاك أحد تعرفه جاي للملعب؟ وإذا كان معاك أحد ليه ماصور هو بنفسه الموقف اللي صار؟ ياخي المفروض إنك لما شفت نفسك بهالموقف تآخذ الكاميرا

وتنزل نعالك وتركض للشارع والله محد يقدر يجيبك والله

ياخي حرام عليك يسوون فيك كل هذا وتسكت عشان بس تحضر المباراه .. المباراه بدالها ألف مباراه بس لما تفضحهم وتنشر صورهم بالنت

والله والله إن يفنشون كلهم من أكبر إلى أصغر كلب فيهم

الله يلعنهم كلهم ويلعن اللي جمعهم وحطهم بهالأماكن اللي المفروض تكون أنظف وأرقى أماكن

الله يجعل كل يد أمدت عليك أو على أي مشجع للكسر والشلل .. اللهم آمين

عشقي هلالي15 · #11 25/12/2009, 04:34 AM

الله يسلمك
وشاكر للكل على التواجد

وللاسف المباره شفتها اعاده على الجزيره الرياضيه
ومانقول غير يارب ان تعدي مثل هالامور وتزيل من الملاعب السعوديه

ابداعات 20 · #12 25/12/2009, 04:38 AM

حسبي الله عليهم

يا رجل انا معتزل الملاعب والسبب العساكر

اجلس ببيت اهلي بكرامتي ولا انذل !!!!

عشقي هلالي15 · #13 25/12/2009, 04:39 AM

إقتباس

الرسالة الأصلية كتبت بواسطة إلا ياسر 20


	ياخوي حرام يصير كل اللي صار لك وبالأخير ينتهي موضوعك بكتابه موضوع بيختفي بعد كم يوم ليه تمسح الصور؟ وليه ماكلمت ضابظ كبير من اللي بالمركز؟ ماكان معاك أحد تعرفه جاي للملعب؟ وإذا كان معاك أحد ليه ماصور هو بنفسه الموقف اللي صار؟ ياخي المفروض إنك لما شفت نفسك بهالموقف تآخذ الكاميرا وتنزل نعالك وتركض للشارع والله محد يقدر يجيبك والله ياخي حرام عليك يسوون فيك كل هذا وتسكت عشان بس تحضر المباراه .. المباراه بدالها ألف مباراه بس لما تفضحهم وتنشر صورهم بالنت والله والله إن يفنشون كلهم من أكبر إلى أصغر كلب فيهم الله يلعنهم كلهم ويلعن اللي جمعهم وحطهم بهالأماكن اللي المفروض تكون أنظف وأرقى أماكن الله يجعل كل يد أمدت عليك أو على أي مشجع للكسر والشلل .. اللهم آمين

والله وانا اخوك من دون ماادري ماالاحظ الا وثلاثه من العساكر ماسكيني
ويحاولون انهم ياخذون الكام
ويوم شافو اني جالس اقاوم اني مااخليهم ياخذون الكام بداو في الضرب لحظتها جالس احاول اتصدى لضربهم واحاول اضرب الي اقدر عليه وامسك الكام في الجهه الثانيه

وللاسف لحظة دخولنا للملعب تفرقنا انا والشباب فللاسف ماعرفو عن سالفتي الا بعد نهايتة المباره لن وقتها جوالي تقفل

ولو باليد حيله والله ماوقفنا الموضوع كذا لكن شنسوي الدعوه اني متلفظ على الظابط بشتم واني مديت يدي على العكسر

لكن للاسف عادي احنى ننضرب وحرام اهم ينضربون
مع ان الخطاء عليهم

إلا ياسر 20 · #14 25/12/2009, 04:48 AM

إقتباس

الرسالة الأصلية كتبت بواسطة عشقي هلالي15


	والله وانا اخوك من دون ماادري ماالاحظ الا وثلاثه من العساكر ماسكيني ويحاولون انهم ياخذون الكام ويوم شافو اني جالس اقاوم اني مااخليهم ياخذون الكام بداو في الضرب لحظتها جالس احاول اتصدى لضربهم واحاول اضرب الي اقدر عليه وامسك الكام في الجهه الثانيه وللاسف لحظة دخولنا للملعب تفرقنا انا والشباب فللاسف ماعرفو عن سالفتي الا بعد نهايتة المباره لن وقتها جوالي تقفل ولو باليد حيله والله ماوقفنا الموضوع كذا لكن شنسوي الدعوه اني متلفظ على الظابط بشتم واني مديت يدي على العكسر لكن للاسف عادي احنى ننضرب وحرام اهم ينضربون مع ان الخطاء عليهم

ما أقول إلا حسبنا الله ونعم والوكيل . والله يستر عليك أخوي ويحفظك وكل هلالي يارب

العقربيه · #15 25/12/2009, 04:50 AM

الى متى هالمضيقات بالا ستاد هذا بالذات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟