صور لتذاكر المباراة..... + صورة لعلم البرازيل اللذي سيكون متواجد مساء الغد لعيون نيفيز .....+ همسة في أذن جمهور الزعيم بالرياض.....+ المزيد...........
يسعدلي مساكم ياجمهور زعيم نادي القرن
بصراحة طلعت من الجامعة الساعة 7 ومرتفع ضغطي من الدختور لافوزة وقلت مالك ألا العريجا وبالتحديد نادي الهلال
وطبعا أمشي 200 وخلال ربع ساعة وأنا عند شباك النادي وناظرت يمين ويسار ومافي غيري جاي يشتري التذاكر
لكن قلت أكثر الشباب بيشتروها بكرة من ملعب الملز قبل المباراة
وجا ع بالي أشتري أعلام منتخبات بلجيكا ورومانيا وكوريا الجنوبية والبرازيل لتحية اللاعبين الأجانب ومدربنا العالمي
وأخوكم بحكم أنه مو من الرياض ((طالب في جامعة الملك السعود)) ماأعرف في الرياض ألا نادي الهلال وشمال الرياض والبطحا
و3 ساعات وأنا أدور عن الأعلام بهذه الأماكن وللأسف ماحصلت ألا علم البرازيل
يعني تكفووون اللي يعرف وين أحصل باقي الأعلام لايبخل علي
وبصراحة أستغرب من جمهور الزعيم بالرياض في كل مكان تحصلهم بالدراسة بالعمل بالأماكن العامة بالمقاهي ودايم يدافعون عن عشقهم الزعيم ودايم صوتهم عالي
لكن يوم نشوف مباريات الزعيم بالرياض بصراحة يجيني أحباط منهم
مثلا بكرة الزعيم بيلعب مع الحزم وماعاد تشوفونه بالرياض ألا بعد 32 يوم في مباراته ضد الشباب
بصراحة أهل الأحساء وبريدة أحرجونا قدام أبن مساعد بحضورهم وقووول وفعل
تكفون خلونا بكرة نقول يابن مساعد شوفنا أحنا حاضرين...نبيه يتباهى بجمهور الزعيم بالرياض مثل ماتباهى بجمور الهلال ببريدة والأحساء تكفووووون لاتخذلونه
وبالنهاية أترككم مع الصور ودعواتي للزعيم بحصد النقاط الثلاث
أخوووكم // ماهر الخالدي
الوضع المتطور
