اول شئ الف مبروك الفوز والمستوئ الي ابهرنا فيه الهلال ..

بس اليوم وانا رايح المبارراة تكررت احداث مباراة الهلال ونجران والطريقة الفوضوية الي يعملنا بها رجال الامن يعني الا متى هالحاله احس ان كرامت الواحد تنهان على ابو حساب انا ندخل نشوف المباراة .

يعني رحنا وتزاحمنا وبالطقاق شرينا تذاكر ويوم بغيت ادخل مافيه بوابات مفتوحه الا البوابة الرئسية .

يوم بغيا ندخل للمدرجات كل البوابات الداخلية مقفلة واذا رحت اكلم عسكري ابتفاهم معاه يبدئ يصارخ ويمد يده .

يعني والله العظيم اني كرهت الملعب وكرهت الروحة له والسبب هالتنظيم الزفت .

ماعليش انا ترئ من زود القهر الي فيني ودي اطلع كل شئ بقلبي .

ومره ثانية اقولها مبروك الفوز وعقبل حصد النقاط كاملة .

حسبي الله عليهم
هذي طرق لتطفيش جماهير الزعيم.. عقب ماشافوا الحضور العظيم لة
وانة واقف مع فريقة والكل يتغنى بة..
جيروا خططهم الدنيئة لتطفيش وابعاد هذا الشعب الهلالي
بس حبيت اقولهم معصصصصصصصصصي..
والجمهور بيحضر وبيمتلي الملعب وبندعم نادينا..بإذن الله
وسلامتك اخووي الملك ياسر .. بالتوفيق وكلنا بنوقف رغم المصاعب مع نادينا..
تحيتي لك

الله يعينكم
انا جاي من الساعه 1 الظهر
شريت تذاكر
ودخلت بدري ما فيه يمكن قدامي الا 100 شخص فقط

بالتوفيق
وحسبنا الله على من كان السبب
انا صراحه استغربت دخول الجماهير بكثرة
نهاية الشوط الاول تقريبا

لا زلنانعاني نحن الجماهير من سوء التنظيم

ومن ( عنجهية ) (بعض ) رجال الامن في الملعب

سواء عند البوابات او التفتيش

والي يزيد الشخص قهر انه الدور الثاني من المدرجات ماتفتح من البدايه

ماتفتح الا قل المباراه بلحظات ويكون تزاحم كثيف

ليش ما ادري وش السبب الله اعلم

نتمنى من ادارة النادي اتدخل في الامر والنظر فيه

ختام الف مبروك هذا الانتصار

والله مهزله الي صار في الملعب اليوم انا حضرة الساعة 2:45 والبوابات مغلقه يقولون التذاكر نفذت والجمهور الي برا اغلبهم معهم تذاكر والملعب فاضي وسوو تكدس جماهير عند البوابات وصار مالايحمده عقباه وتضاربوا الجمهور مع الامن ودخلوا بالقوه وانا والي معي دخلنا بالقوه والا شرينا تذاكر والا شي نبي تحقيق في الموضوع الخاسر في الموضوع هذا هو الهلال

وتلومون جمهور الرياض ليش ما يحظر ببعض المباريات

صراحة انا رحت وعجزت ادخل الا بالدقيقة 28

يجب التحقيق في الأمر

وايصال مثل هذه المعلومة لشبيه الريح

ليوقفهم عند حدهم فالوضع مريب جداً

الله يعينكم

وننتظر التدخل من شبيه الريح ،،

طالبنا كثير وتكلمنا ,,

مابقى الا يكون الحل بيد سمو الامير عبدالرحمن ,,

اتمنى تصعيدها اعلاميا اكثر اكثر ,,

كل الود ,,

ما دخلوا الجمهور الا بعد البداية بعشرينن دقيقة هذا من غير الضرب من العساكر

حتى الجمهور منعوه يدخل الجاكي
ت
ا
ت
حسب ي الله

مهزلـــــــــــــة

بكل ما تعنيه الكلمة

صديق لي حظر المباراة وأتصلت عليه لأسأله سبب دخول الجماهير بكثرة في منتصف الشوط الأول

فقالبي الجمهور من الساعة نصف ساعة قبل المباراة وهو متكدس خارح الملعب والبوابات مغلقة بوجههم ولم يسمح لهم بالدخول الا وقت ما شاهدتم

المسألة لازم ما تمر بالساهل

نطالب بتحقيق ومحاسبة المخطئون على جماهير نادي القرن