|
ويلي أفضل لاعب اجنبي في السعودية وافضل من طارق وافضل من نيفيز حاليا في نظري ومستواه في تحسن ويصنع اهداف بالهبل 8 اهداف صنعها بنفسه الى الان وسجل 7 بينما مهاجمين الاندية الاخرى ماتعدت اهدافهم 2-3 لحد هاللحظة وكيف تقول ادواره ممكن يأديها اي لاعب غيره في الفريق ؟ (والله مدري انت تشوف مباريات والا لا) وانت تقول جيبو مهاجم اجنبي؟ (ياسر عيسى والصويلح والعنبر ماعجبوك غيرك يتمنونهم) لنفرض الادارة عملت بكلامك المهاجم الاجنبي بيقعد 4-5 مباريات بتأقلم مع الفريق وممكن مايسجل ولاهدف ويضيع الدوري ولعلمك انا منيب اواطن ويلي ولا احب طريقة لعبه اصلاً لانها ماتتماشى مع خطة البلايستيشن :s2: لكنه لاعب استفاد منه الهلال بشكل كبير وانا مع اي شي يفيد الهلال ولا تنسى الهلال اخذ الافضلية في آسيا بالنقاط ولم يأخذها بالتصويت فكر من هالناحية وبتعرف وش أقصد نقاطياً(واقعياً) ويلي الافضل تصويتياً ويلي الاسوأ (لان بعض الجماهير اللي مايعجبها العجب مثلي ومثلك مايحبون طريقة لعبه) |
شوف اخوي .. التجديد انتهى وخلاص .. ويلي بإذن الله هلالي الى عام 2012 .. اذكر الموسم الماضي عندما هم عبدالرحمن بن مساعد بمقاطعة قناة ابو ظبي قال بالحرف الواحد : نحن فعلنا الشي اللي نراه صحيح وفق قناعاتنا .. اذا كنا مخطئين .. نتحمل مسؤولية خطأنا .. يعني المسؤولين في النادي سووا الشي اللي يشوفونه صح وفق المعطيات الحالية .. يمكن انت تشوفه غلط ..يبقى وجهة نظر محترمة .. لكن محد يدري حاليا وش الصح وش الغلط .. الاشياء هذي تبين في المستقبل يعطيك العافية .. لكن ياليت موضوعك طلع قبل التجديد موب بعده |
ريفالينــو 10 يبدوا انك لم تقرأ تصريح شبيـة الريح للأعلام بأن التجديد لويلي لايعني بقاءة كل هالمدة وأنما لحفظ حــقوق النادي وعدم التفريط باللاعب وإذا رأى المدرب تغييرة او تغـــيير أحد الاجانب فسيتغير وبالنســبة للأسيوية سيلعب الهلال دوري المجموعات ودور الــ16 فقط في هذا الموسم والموسم القآدم لكل حادث" حديث |
اولا اخالفك الراي اخوي على استبعاااااد ويلي لاعب شف وش قدم للهلال مع جيرتس مستوى رائع ويملك من رصيد الاهداف 7 لاعب تحركاته سريع ومهاري وش تبغى اكثر من كذااا والله اشوف قرار جيرتس بالتمديد معه قرار صحيح ومشكور اخوي على الموضوع واتمنى ان تتقبل وجهة نظري تحياتي لك |
اعتقد ان غيرتس هو المدرب والادرى بالناااااادي |
راجع سيرة اللاعب مع الفريق منذ التعاقد معه ... بعدها تعال حدد من اللي ممكن تستغني عنه :) |
انا اوافقك الراى وبقوة وبصراحة ويلي لو يغيب ماتحس انك فاقد شي الحمدالله لاعبين وسط الهلال يكفون |
كلنا كنا معارضين وجود ولي بالهلال بحكم قيمته الماليه الكبيره الحمدلله جدد بأقل من المتوقع على قول شبيه الريح وهذا هو المهم بالنسبه لمستوى ولي مع الهلال اسأل أي اتحادي من الموسم الي فات عنه هو الي بدلك عليه الشي الثاني تقريبا من خمس ست سنوات ما شفنا سواء بالهلال أو بالأندية السعوديه الانسجام الموجود باللاعبين الاجانب تابع كل فرق الدوري الممتاز لازم يكون في لاعب ما يقدم أي شي هذا الشي كان موجود بالهلال من أربع خمس مواسم لازم نشوف لاعب مستواه أقل من عادي أول موسم منذ سنوات أشوف أربع لاعبين أجانب في فريق واحد يؤدون بشكل ممتاز هذا سر من أسرار نجاح نادي القرن المهم الآن بنادي الهلال هو الاستقرار الفني والاداري واللاعبين الاجانب وان شاء الله بكون هذا الاستقرار لمدة ثلاث سنوات أقل شي وراح نشوف كيف بكون المستوى كبير بالتوفيق ان شاء الله يا رب لنادي القرن شكرا جزيلا لك:rose: |
يعني لاعب له 7 اهداف وصنع 8 اهداف غير اشغاله للخصوم انا ماادري وش تبون قال يمدينا نجيب لاعب سعودي مثله ولا فيه لاعب سعودي حاليا يجيد اللعب على الاطراف مثل ويلي مع احترامي لوجهة نظرك الحمد لله انك منت رئيس الهلال |
صدقني ,, لم ولن تجد لاعب مثل ويلهامسون في الملاعب السعودية,, يساند الدفاع ويسبق المهاجميـن,, ويستمر بنفس اللياقة حتى نهاية المباراة، إلا في حالة وحدهـ,, (إعادة فهد الغشـيان إلى الملاعب) -- خارج النص " أنا أدرس في أمريكـا وجتني اصابه في الكاحل,, واللي تعالجني حاليًا وحده سويدية,, نتكلم انا واياها على منتخب السويد كثير,, سألتها مره عن ويلي,, قالت حتى الآن كل الجمهور السويدي يضع علامة استفهام كبيرة على اخراجه من تشكيلة المنتخب." |
إقتباس:
يناس ياسلام على الرد والعقليه الصح والله ان كلامك احسن من موضوع الالعضو الكريم |
أتركنا من مردود اللاعب الفني التجديد كان أمر لا بد منه بحكم أن ويلي لا عب أجنبي وتحكمه لا ئحة الاحتراف الدوليه من فيفا وفيها أن للاعب الحق في التوقيع والاتفاق مع أي نادي اذا لم يتفق مع ناديه خلال ال 6 أشهر الاخيرة من عقده دون أن يكون لنادي أي حقوق فالهلال جدد مع ويلي للاستقرار وللاستفادة المادية اذا رأي المدربتغييرة في الموسم القادم وأكيد انك تعرف ان في الخليج عروض كثيرة للاعب نرجع فنيا من الناشئ اللي يقدر يقوم بدور ويلي .. |
الله يعطيك العآفيه أخوي على الطرح الجميل ,, وانا اشوف انها آرآء مدرب قبل كل شئ .. لا تعليق : ) ياذالجلال وفق الهلال .. |
الحمدلله انك منتب رئيس الهلال مو قصور فيك وانا اخوك بس لانه طريقتك هذي غير احترافيه لان الرأي الاول والاخير للمدرب وليس لرئيس النادي |
| الوقت المعتمد في المنتدى بتوقيت جرينتش +3.
الوقت الان » 05:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd