لن نعطي البلطان أكبر من حجمة ... وأقلب القناة وإلا هدف الوحدة يجي - نادي الهلال السعودي - شبكة الزعيم

ابو طـــــلال · #1 20/12/2009, 10:06 PM

سبحان الله ...
في بعض المباريات ودك يصير عندك ثلاث تلفزيونات .. لأن الريموت يبي يدعي عليك من كثر ( ماترعصة )

خلصت مباراتنا مع الهلال .. ومبروك الثلاث نقاط وتعادل الشباب مع الوحدة ..
طبعاً انا عين على مبارتنا وعين على مبارة الشباب والوحدة .. وكل شوي ( اطل على الشباب ) وأريوس بسرعه على الهلال ...
كانت النتيجة تعادل 1 / 1 بيننا وبين نجران .. و 0 / 0 بين الوحدة والشباب !
جانا هدف الفوز وأستانس .. وأقلب على الشباب وإلا توهم جايبين هدف 1 / 0 للشباب

وتخلص مباراتنا مع نجران 2 / 1 وأتابع مباراة الشباب والوحدة .. ومازال الفوز للشباب وانا ادعي للوحدة

وأقلب القناة وإلا النصر فايز هناك على الإتفاق .. وفيه تصريح مع الامير فيصل بن تركي .. وسألة المذيع عن تصاريح خالد البلطان ... رد علية فيصل بن تركي : لن أعطيه اكبر من حجمة .. خالد البلطان

وبسرعه أقلب القناة علشان اعلم خالد البلطان بهالكلام

وإلا الوحده يجيب هدف التعادل .. وتجي الصورة على البلطان ونسيت اعلمة من الفرحة

بس ماعليكم ادخل منتدى الشباب الليله واعلمة بتصريح فيصل بن تركي .. نبي نظحك شوي

مصطنفتات ( مقتطفات ) >> ساعة وأنا ودي اكتبها .. تهجيتها عشرين مرة عجزت اجيبها ؟!

بس شكلها صح ( بمسساعدة صديق )

* فوز جاء بطلعة الروح
* نواف العابد مبدع .. ممتع
* الهلال بطريقة الصحيح خصوصا بعد تعطل الشباب بالتعادل اليوم
* الجمهور في نجران مبدع .. وماقصر
* الزوري يبيله شحن .. والآوت يروح الوقت وهو مانفذها وإلا ينفذها عند الإحتياط !! مرات هالأمور تحرجنا
* من شاف الحسن اليامي وهو يقول للحكم ( يلعن أبوك )

قالها وبعد دقيقه طلع الكرة علشان لاعبنا المصاب .. شكله ذل من الإيقاف والتقارير وكاميرات الــ art

* الزول اللى يلعب مع نجران وإسمه سليمان موسي .. مدري ليه احس إنهم مجوعينه ثلاث أسابيع واطلقوه مع بداية المباراة .. وش هالخشونه والهبال !

ألف مبروك .. والقادم أحلى بإذن الله

اخوكم الصغير ابو طلال

miss zozo · #2 20/12/2009, 10:10 PM

الف مبروووووك الفوووووز,,

انت تبي 3 تلفزيونات وانا مااقدر اقلب يعلق علي مدري وش سلطه اليوم

وفاتحه النت اتابع كتابياً وموقع كوره بغى يشوتني من كثر مااحدثه

واللي يقهر علق عالهدف الثاني بس يالله اهم شي الهدف

لاعبين نجران منهبلين اليوم مدري وش جايهم وسامي مررره متضايق

الحكم ياليت نطلب حكام اجانب للجولات الجاية

الف الف الف مبروووووووووك الفوز

,,

اما البلطان وفيصل بن تركي حيلهم بينهم

ازرقينهو · #3 20/12/2009, 10:11 PM

يعطيك العافيه يا غالي على الموضوع الأكثر من رائع

وألف مبروك على الفوز

دكتور عيون · #4 20/12/2009, 10:12 PM

تعــــــــــــــــــــــادلوا ؟؟؟؟

الله مير يبشرك

>> و اليامي شكله خربها ..

*تـَمَـَيَـَمَـَ* · #5 20/12/2009, 10:13 PM

الحمدلله على الفوز أولاً

المباراة كل ما فيها سيء ( تحكيم + هتافات جمهور + شغب .... )

رغم الفوز الى اني متعجب من طريقة نجران باللعب

يلعبون على الرجلين ( قسم بالله كنهم لاعبين حواري )

أنا عارف من أول المباراة انها بتكون صعبه

و الحسن اليامي ( لا تعليق )

البدائع بلاد الروائع · #6 20/12/2009, 10:14 PM

الله يرجك يابوطلال

نفس المعاناة معي بالنسبة ((للريموت)) والبطاريات خلصت من كثر ((الرعص))

مبروك الفوز والحمدلله

والبلطان وفيصل بن تركي
بس اضحك عليهم بعد المباريات وتصاريحهم هي بطولاتهم

مشكور بوطــــــــــلال

دمت بود

غرآم أحباب · #7 20/12/2009, 10:14 PM

ههههههههههههههههههههههه

اوووومااا تبي تعلم البلطااان

انا شفته بدون شماغ قبل تصريحه في الاي ار تي مدري من توطي في بطنه

♥ N E V E S ♥ · #8 20/12/2009, 10:14 PM

الحمد لله على الفوز

لاعبين نجران خشونتهم زايده عن اللزوم وملعب خايس واعتراضات على الفاضي

لكن الحمدلله اننا فزنا رغن سوء الظروف وانخفاض واضح في مستوى بعض اللاعبين لكن يمكن يكون معهم العذر عشان ملعب المزرعه ذا..

اما الزوري بصراحه مادري وش الحل معه !

ياسر اليوم صفر على الشمال لكن يمكن ظروف وفاة عمه الله يرحمه أثرت عليه

وافضل لاعب اليوم رادوي اللي لحاله ماسك النص لبى قلبه وماقصر نواف العابد

مبروكين مره ثانيه ومشكور ابو طلال

**جوري الهلاليه** · #9 20/12/2009, 10:16 PM

مبروووكـ الفووز

إقتباس


	* فوز جاء بطلعة الروح

من جدد

إقتباس


	* الزول اللى يلعب مع نجران وإسمه سليمان موسي .. مدري ليه احس إنهم مجوعينه ثلاث أسابيع واطلقوه مع بداية المباراة .. وش هالخشونه والهبال !

هههههههههههههههههه هذا نيجيري لو سمحت

//

من شاف الهندي اللي يسرق الجزمه

يا اني رحمته

عزه6006 · #10 20/12/2009, 10:16 PM

لف مبروووووووووووووووووووووووووووك للزعيم

حصوصه · #11 20/12/2009, 10:16 PM

إقتباس


	* الزول اللى يلعب مع نجران وإسمه سليمان موسي .. مدري ليه احس إنهم مجوعينه ثلاث أسابيع واطلقوه مع بداية المباراة .. وش هالخشونه والهبال !

الحمد لله ع الفوز اللي طلع بالموت

وطلعنا بسلامه لاعبينا هذا اهم شي

والحمد لله من حظنا تعادل الشباب وتوسع الفارق النقطي

وأما رئيس النصر مع البلطان قصتهم مالها نهايه

اذا كذا تصريحات الرؤساء اجل ماينلامون الجماهير اذا طلعت منهم اكثر من كذا

تسلم اخونا ابو طلال ع المقتطفات

(اسير& المحبة ) · #12 20/12/2009, 10:17 PM

يارجال فوز جاء بطلعه الروح لكن هذه اهم شي خاصه مع تعادل

الله يستر منك يالزوري يههتم في الهجوم ومكانه الرئيسي ظهير اتمنى ينتبه زين ويغطي صح

ويفكنا من البرود

خاتمه تسلم راسك يالعابد

بالمنشار · #13 20/12/2009, 10:17 PM

يعطيك العافيه على الموضوع الأكثر من رائع-------

ياسر تعبنا وحنا نعززله-------------------والله مضيع اليوم

algohmani · #14 20/12/2009, 10:17 PM

وين مع الأعصاب اللي بمباراة الهلال اعدل على الشباب والله ماعدلت الا يوم قال المذيع واحد صفر بلقاء الأمير عبدالرحمن احساسي انطلقبي على هناك ..

مبروكين الفوز والى الأمام

هلآلي20هلآلي · #15 20/12/2009, 10:18 PM

يآخي تعجبني الموآضيع اللي مثلك بعد المباريات . .

يغطي كل شي صــآر . . .

وبالنسبه لليامي انا مدري وين اللي يقول لياقتي حدهآ 45 دقيقه ههههههههه

رجع صغير اليوم . .

يعطيك آلع ـــآفيه وآلف مبـــروك آلفوز . .