|
ياسر !! تبي ترجع لمستواك ؟! قسما بالله ما في الا هذا الحل + ولد لندن يقول : كأن ياسر مـ......!! بسم الله الرحمن الرحيم السلام عليكم ورحمة الله وبركاته http://moshwar.com/files/file/yass11.jpg في الآونة الاخيرة , كثرت المواضيع في المنتدى عن ياسر القحطاني ومستواه وهل هو في تدني أم انه بدأ يعود لمستواه تدريجيا أو بحثه عن الاهداف السنمائية ... الخ لا اود ان اطيل عليكم ... يعني بدون لف ودوران شخصيا وحسب رأيي المتواضع مشكلة ياسر موجودة و حل هذه المشكلة متوفر وسهل جدا جدا جدا !! اكيد الكل يقول كيف ؟! أنا اقولكم كيف ... اخر المقابلات لياسر سواء في الاعلام المرئي أو المقروء هناك سؤال يتم ترديده بكثرة من المذيعين أو الصحفيين على ياسر وهو : ليش يا ياسر مستواك منخفض ؟ وتكون اجابة ياسر دائما هي نفسها وهي : هذه كذبة روج لها الاعلام وصدقها !! تدرون وين المشكلة ؟! المشكلة في ياسر انه ( غير ) مقتنع بانخفاض مستواه وهذا ما ( يدمر ) ياسر تدريجيا الحل موجود في يدك يا ياسر !! وهو ان تقتنع ان مستواك انخفض عن السابق ثم تسعى بكل جد واجتهاد للعودة لمستواك السابق ... دائما عند حدوث الخطأ يكون بداية التصحيح ( بالاعتراف ) و ( الاقتناع ) بالخطأ وتأتي الخطوة التالية بتصحيح الخطأ ( بالفعل ) وتكون الخطوة الثالثة وقتا لجني ثمار ( التصحيح ) انها ثلاث خطوات سهلة جدا يا ياسر ... لا تكابر يا ياسر ... فأنت من سيخسر وليس الكيان كلنا نحبك يا ياسر وكلنا سنقف معك ولكن تذكر ان الجماهير تضع ياسر في قائمة ( الاساطير ) والكثير وضعك خليفة ( للذئب ) فلا تخذل هذه الجماهير ... نجي لسالفة ولد لندن ... امس بعد ما انتهت مباراة الهلال جاني واحد من الشباب وهو يدرس في لندن وجاي هالايام اجازة , وهو في الحقيقة موب متعصب او مهتم كثير في الكورة ولكن طبعا هو يميل للهلال ويتابع المباريات المهمة ولكن له فترة ما شاف مباريات للهلال ولا شاف ياسر من فترة ... وحنا جالسين نشوف الاستديو التحليلي وهم يعرضون لقطات للمباراة ولما شاف خويي لقطة لياسر ( تفاجأ ) !! قال لي : كأن ياسر منتفخ ؟! قلت له : والله كثير يقولون بس ياسر حتى بهاذي موب مقتنع الله يصلحه ... وسبحان الله بعدها بخمس دقايق يجي يقول صالح الحمادي : ياسر اليوم واضح ان وزنه زايد شوي !! نقز ابو الشباب من الفرحة وقال لي : شفت !! شفت !! حتى المحلل يقول ان ياسر وارم حبتين :d والادهى والامر ان ايضا مدني رحيمي قالها في وقت سابق ايضا !! هاذي هي النقطة الثانية اللي اود التحدث عنها وهي الوزن ... انا اعلم ان ياسر نسبة الزيادة في وزنه (خفيفة) أي انه يستطيع ان يعود الى وزنه الطبيعي in no time :d الوزن وملائمته مع طول اللاعب وتركيبته وبنيته الجسمانية أمر ضروري حيث حتى اذا كانت هذه الزيادة ( 2 كيلو ) فقط ولكنها تؤثر على الاداء وانا ما زلت مقتنعا ان ما دمر موهبة العنبر وايضا الصويلح هو زيادة الوزن وهذا الشيء يحصل الان لياسر , فقط عودوا الى ارشيف الصور وشاهدوا خفة ورشاقة ياسر في تصفيات كأس العالم ( 2006 ) وكانت تلعب مبارياتها انذاك عام 2005 فرق شاسع وكبير جدا بين سرعة وخفة ورشاقة ياسر عن ما هي عليه الان ... اذا ما تبون الصور عندكم اليوتيوب ما بيقصر انشالله عودوا لمباريات تلك التصفيات وشوفوا انطلاقات ياسر وقارنوها بلقطة حدثت امس ولا ابالغ اذا قلت ( انصدمت ) بعد ما شفتها !! قبل نهاية المباراة احتسب الكثيري خطأ لنجران وسدده المحترف الاردني في نجران ( بن ياسين ) وقفز ياسر واعترض الكرة وانطلق ياسر للحاق بالكرة بعدما ارتدت منه وكان يسابقه عليها الحسن اليامي الذي يبلغ من العمر 36 عاما :to: وكانت الصدمة هي ان ياسر لم يستطع مجاراة الحسن اليامي في الركض بل سبقه الحسن اليامي للكرة !! :ranting: نرجع ونلخص الموضوع في نقطتين :- 1- يا ياسر اذا تبي ترجع لمستواك ( اقتنع ) ان مستواك منخفض اولا 2- انتبه من المفاطيح يا بوقحط :d بالتوفيق للزعيم |
كلامك صحيح 100% لكن فين إللي يفهم الاعب نفسه ماهو مقتنع يعني معقولة الحمادي ورحيمي وربع جماهير الهلال وانا وانت وخويك نقول وزن ياسر زايد وياسر يقول لا يعني نحن غلطانيين وهو صح |
والله لو الود ودي يا اخت وسن اني اروح لياسر الحين وامسكه واخليه يقرا الموضوع حرف حرف غصب :d |
بكل تاكيد ياسر مستواه نازل وهو عارف ان مستواه نازل يا اخوان مشكله ياسر انه يبي هدف مو اي هدف يبي هدف استعراضي عشان اذا اعتزل يعرضون لقطاته مثل ابو يعقوب وسامي عالعموم يظل ياسر افضل مهاجم سعودي في الوقت الحالي |
إقتباس:
شكرا على مرورك اخوي |
جقيقة من افضل المواضيع اللي قرأتها بخصوص انخفاض مستوى ياسر اداء رائع في الموضوع واسلوب ممبيز لايضال المعلومة للجميع عافاك ربي حبيبي وكلنا بانتظار عودة الكاسر |
ياعالم اتركوا ياسر وتعلموا كيف تشجعون فريقكم.. ياسر عنده مدرب فاهم وادارة واعية... المدرب لو شاف عند ياسر مشكلة راح يسعى لحلها.. دعوا الخبز لخبازه.. مهمتكم أنتم كمشجعين مساندة الفريق ومؤازرته.. وليس مراقبة وتقييم اللاعبين.. لأن تقييمكم لو لم يضر الفريق .. فلن ينفعه... يامشجعين أنتم تملكون فريق متصدر للدوري بفارق 5 نقاط عن الوصيف... وأقوى خط دفاع وأقوى خط هجوم.. ماعليكم سوى التشجيع فقط.. تعلموا الاحترافية..في التشجيع..أفهموا ياجماهير نادي القرن الآسيوي.. يجب أن تكونوا مختلفين عن جماهير الأندية الأخرى.. فأنتم تشجعون نادي القرن الآسيوي.. دعوا المدرب يعمل ... ودعوا الادارة تعمل.. وأنتم شجعوا فقط... أنتم ترون فريق مختلف عن بقية أندية الدوري... نريد تشجيع يختلف عن جميع أندية الدوري.. يجب أن تنظروا لأنفسكم ياجماهير.. ولا أن تنظروا لمستويات اللاعبين.. فالفريق يقوم بمهامه على أكمل وجه... ولكن.. هل ستقومون بتشجيع يليق بمستوى فريقكم في الدوري.. هذا ما أتمناه وما لا أراه.. الزعيم الخالدي :ba: |
اذا ياسر يبغى يرجع لمستواه لازم يعمل شيء واحد يغير رقمه الى رقمه القديم === 9 === |
وتكون اجابة ياسر دائما هي نفسها وهي : هذه كذبة روج لها الاعلام وصدقها !! هذي الاجابة تدل على غروره لكن من يسمع ياخوي اذا كان بوه جماهير محسوبه على النادي تطبله لو ماسوى شي لو يجلس يتقهوى بالملعب قالوا هو ساحب مدافعين هذا تكتيك مدرب والا يقولون انت افهم من جيرتس يعني؟؟؟؟ وشلون تبي اللاعب يحسن من مستواه وعندك جماهير مثل هذولا خله على ربك يارجال بالعربي الجمهور المحسوبه على النادي هم اللي يدمرون اللاعب لا حول ولا قوة الا بالله |
انتو لو تغفلون عن ياسر شوي بيرجع لمستواه هذا الشلهوب يوم خفينا عليه وانشغلنا بياسر رجع لمستواه بس لما يدخل الواحد وحاس ان الكل يراقب تحسن مستواه بيكون تحت ضغط والضغط عمره ماساعد في تقديم مستوى مميز صدقوني لو نترك اسطوانه ياسر منخفض ممستواه ونبدا نردد هجومنا اقوى هجوم بتلقون ياسر 2007 راجع لنا تدريجيا وبالتوفيق للزعيم يارب |
إقتباس:
بأذن الله عودة القناص قريبة |
الله يهديه ياسر ويصبره انشاء في الضروف الي يمشي فيها وكلامك نسبين صحيح تقبل مروري |
مشكووور اخوي على الموضوع الاكثر من رائع وان شاء الله ياسر يقراء هالموضوع ويرجع مثل ماكان بالتوفيق لياسر والزعيم في كل الجولات والبطولات |
إقتباس:
من حق اي مشجع هلالي عاشق لهذا الكيان ان يعبر عن رأيه عزيزي ... المشجع يزعل ... المشجع يساند ... المشجع يوجه ... المشجع ينصح ... هذا هو المشجع ( المتكامل ) أما مسألة اننا نشجع فقط وما نقول اللي بخاطرنا كجماهير !! وش الفرق بيننا وبين الكرسي او الطاولة !! انا في موضوعي لم استخدم اسلوب التجريح او التقليل من ياسر ابدا !! بل جل موضوعي كان ( نصحا ) و ( توجيها ) لياسر لانني احبه !! وهنا يكمن الفرق عزيزي شكرا لمرورك |
كلآمك صحيح ولا يختلف عليه أثنين , لكـن مستوى ياسر نازل لـ ظروف صعبه بالنسبه له هو وقريت موضوع بالمنتدى يحكي عن ياسر وبالمختصر ( ان ياسر بشر ,, له أحساس ومشاعر ) وأتوقع أي لاعب يمر بضروف ياسر كآن ما نشوفه الحين بالملاعب ... الله يعطيك العآفيه أخوي .. ياذالجلال وفق الهلال ,, |
| الوقت المعتمد في المنتدى بتوقيت جرينتش +3.
الوقت الان » 02:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd