أحب أبارك للجميع فوز الهلال على نجران بعد طلعة الروح..وعقبال الدوري ان شاء الله..

صراحة أحلى مافي المباراة التحليل الفني من قبل الأستاذ الكبير صالح الحمادي ومعه المحلل الفني الرائع خالد الشنيف..

بعد نهاية المباراة قال صالح الحمادي ان كرة القدم هي ليست فرد عضلات وركض سريع فقط وانما هي عقل ومهارة..

وهو صاااااااادق ١٠٠ ٪..

يقصد بذلك لاعبنا وليهامسون..

لا يختلف اثنان على لياقة اللاعب وحرثه الملعب ذهابا ايابا..

ولكن!!

حفظنا طريقة لعبه..

دف الكورة والحقها..

أو

حط رجلك لين ما توصل عند خط مرمى المنافس وارفع الكورة عكسية وهو منزل راسه من غير ما يشوف من فيه ما يشوف الا رجول المدافعين..

أو

مرر من يمين اللاعب وانطلق من يساره وهذي الحركة كنا أيام المدرسة نوصي أسرع لاعب فينا يطبقها..

في النهاية أصبحت فرد عضلات..

طيب يا ويلي ارفع راسك وانت منطلق انت شايف مدافع منبرش عليك شغل مخك وحضن على الكورة واسحب اللاعب بعدين يا شوت يا ارفع يا مرر..

صح لسانك يا صالح الحمادي وفعلا ملينا هالطريقة..

ما أنكر ان ويلي يبدع أحيانا لكن في حالة انه كل الفريق مبدع أو في حالة الفريق المنافس ما عنده مدرب صح أو لاعب ظهير صح أو مدافعين صح..

واستدل صالح بذلك على اللاعب الكبير مستوى وأداء وعقل اللاعب الكوري لي..

صراحة فعلا مكسب للهلال..

شوف كيف انطلاقاته وتمريراته ورفعاته رغم انه ظهير..

انطلق وساحب معاه مدافعين استخدم العقل الكروي وبدهاء حضن على الكورة وسحب اللاعبين ورافع راسه شاف نواف العابد ولاعب هلالي ثاني فاضيين وبالمسطرة رفعة ولا أحلى برجله اليسار..

ومب أول مرة يسويها الكوري..

دايما وما نروح بعيد هدف الهلال الأول على القادسية ورفعته للشلهوب..

بالله عليكم قد شفتم ويلي يلعب بمخه..ما عنده وقت سريع سريع!! مب دايما تفيد السرعة..

وفوق كل هذا جاه المحلل الكبير خالد الشنيف وأكد على كلام صالح الحمادي ومدح أداء اللاعب الكوري وقال بالحرف الواحد هذا وهو كوري!! كوري!! يا صالح..

يقصد انه مب اذا صار ويلي أوروبي ولا عقده ملايين يعني نطير بالعجة..

أتمني صراحة انه الكابتن الكبير سامي الجابر يكون تابع التحليل الفني بعد مباراة الهلال ونجران من أجل توصيل آراء المحللين للاعبين ومن قبلهم للمدرب الكبير ايريك..

ومب بس هذي المباراة!! كل مباريات الهلال لأنه بصراحة فيه محللين كبار..

مب عيب نسمع للغير وناخذ ما يفيدنا ونترك اللي ماله فايدة..

وأتمنى لو قرروا الاستغناء عن لاعب أجنبي يكون ويلي..

بالنسبة لرادوي ولي فهما لاعبين قيمين وأصحاب فكر كروي عالي وروح قتالية..

يعطيكم العافية وشكرا وان شاء الله الدوري واسيا للهلال..