|
حرام والله نتعادل مع نجران...!!! مدربنا عفس الدنيا...!!! اسامه ياسر نيفير في الضياااااع...!!! نعم هذا هو الكلام والحديث الذي سيدور في المنتدى لو حدث ان تعادل الفريق مع نجران ولم يكرمنا الله بهدف قاتل للمبدع القادم نواف!!! يا جماعه اقسم بالله انحرقت اعصابنا.. والواحد معد يعرف من اللي حوله وقت المباراة!! نفس وضعنا في مباراة القادسية بس دبله عشر مرات!!! المدرب دخل بتشكيله مباراة النصر التي اثبتت عدم جدواها من خلال تلك المباراة!! وكان الاولى بدل خسارة تغيير و احباط عيسى "اللي ما صدقنا تسلك الامور معه"!! ان ينزل بديل عن الفريدي من البداية علشان ما تتغير طريقة اللعب على الفريق!! وبعدين يا اريك تدخل محور وتشيل صانع لعب!!! والشلهوب كمان!! كان نيفيز اولى بالتغيير!!! وهذي النقطه بالذات لو ما فاز الفريق راح تحصل نص مواضيع المنتدى عليها!!! اسامه كقلب دفاع غلطته بهدف..وهدف اليامي يتحمله 100% طريقة تحضينه على اللاعب ذكرتنا بصالح الداوود يوم كان يتمشى مع المهاجم لين يوصله الباب!!! وتعليق صالح الحمادي مع انه قاسي جدا لكن كان منطقي!!! لكن والله حسناتك بالموسم تشفعلك يابو كلبشه :) نيفيز بصراحه توقيت سفره وزواجه في هالوقت ما كان ابدا مناسب خصوصا في ظل تتابع مباريات الدوري..وضح عليه ان جسمه بنجران وعقله في ساوباولو!!! يبيله كم مباراة علشان يرجع للفورمة مع الفريق بعد هالتوقف!!! ياسر وما ادراك ما ياسر...رقعناها يمين رقعناها ياسر..قسم بالله خلصت الاعذار وصرنا نعيد من جديد ولكن للاسف لاجديد!!! ياسر يبحث عن مجد لنفسه مو عن الهلال!!! وللامانه علشان ما نظلم احد..لا حظ ان كل اللاعبين "حتى الزوري" تلقاه بدع على الاقل في بعض المباريات ويقدم مستوى..ما عدا ياسر!!! كل مباراة نقول المباراة اللي جايه!! ياخوفي من الاسيويه تطير ونتحسف بعدها اننا ما جبنا مهاجم اجنبي!!! ياسر لو ما الناس تحبك وتنتظر منك الكثير ما انتقدتك... رادوي امس بصراحه شفت فيه روح ابو فهد صالح النعيمه..حماس قتال..حرقه وهدف عالمي... ابو عبدالعزيز كان مميز جدا..نواف برافو يا بطل والله ان فرحتنا بموهبه هلالية قادمه اكبر من فرحتنا بالفوز... الشلهوب كان عنده افضل للفريق يقدمه لكن على الاقل كان يحاول... في الختام...خلونا من العاطفة... مدحنا الفريق واحد واحد يوم مباراة الاتحاد "حتى ياسر" واليوم لنا الحق اننا نقول انهم مقصرين.. والدوري هلالي هلالي بإذن الله s13s |
بصراحه الفريق ادى المطلوب ولو قلتوا انه انخفض مستواه ... لا ننكر صعوبة المباراة ونجران على ارضه ويصارع على الهبوط ... خلونا عقلانيين شوي المهم والزبده صار وهو الثلاث نقاط .. رادوي بصراحه ماشاء الله تبارك الله .. كل الشكر للفريق الهلالي على التصدر المنشود ... تقبل مروري .. |
يا هلالي تفكر ما اقول الا الله يكثر من امثالك والله يعينك على المعرفات الياسرية .. كل شوي نعيد نفس الاسطوانة ياسر بيرجع وياسر عنده ظروف وخذ من هالاعذار الواهية .. وتضيع البطولات وحنا نقول ياسر بيرجع لمستواه .. لكن هذا هم جمهور اللاعبين اذا انتقدنا اي لاعب نشبوا لنا في كل موضوع ... اذا ضاعت البطولة الاسيوية الاغلى ذاك الوقت خلوا ياسر ينفعكم |
كلام سليــم ~ تدري اني داخـل بزبــد لـك ~ يـوم شفت اسـم المـووضوع ! ههههههههه " بس كلامك سليــم ومليـنا من فلآن وفـلان ~ كل واحد عـامل لي فيــها مدرب ~ وفلان ما ادري وش يبي وفـلان فاشل " ياسر جتـه فتره مستواهـ منخفــض ويوم رجع ما احد تكلـم بالعـكس .. خلقـوا في انفسـهم كذبــه ~ صاروا يتابعـون تحركات ياسر لحـاله ويعيبـون فيــه .. حتى لو غلط غيرهـ ما يهـم اهم شي يـاسر ~ لان العقـده حنـا الي نخلقــها ونكــبرها .. |
أول شي مبروك النقاط الثلاث وبعدين يالغالي الله يطول بعمرك ترى مباراة الامس لها ضروفها ياخي ملعب شبيه ملاعب الأستراحات صغير وثاني الخطه الدفاعيه النجرانيه واكبر دليل أن الهلال في المباراة يلعب ع باب واحد طيب وين المشكله صحيح أن الجولة السابقه مع القادسيه أنهينا المباراة بصعوبه لاكن لاننساء أن الفرق تسعى جاهده للبقاء في الدوري ولاتستغرب الأستئساد منها أمام الهلال مباراة الأمس يمكن أستغرب البعض أن المدرب لعب العابد :ba: بدل طلق المحياء شوف تبي الصدق نقدر نقول ليه مانزله الشوط الثاني بحيث أن المحياني لاعب ممتاز وفي أي لحطه يمكن يسجل لاكن المدرب قال مالها الا الهجوم الصريح خوف من التعادل لاكن قدر الله وماشاء الله فعل الحمدلله على كل حال والأهم من ذالك النقاط الـ 3 وتعثر الشباب وبمشيئة الله سنجهز التورته للأحتفال باللقب وليالي العيد تبان من عصاريها شكرآ لك s13s |
والله بالنسبة للتشكيلة وتغييرات المدرب عليها فأنا أعتقد أن المدرب هو صاحب الشأن في ذلك ..ومن وجهة نظري أن المدرب يقدم حتى الآن قراءة فنية هائلة أثناء سير المباراة ، وتغييراته دائما ماتصب لمصلحة الفريق.. أما عن ياسر فإني لن أتكلم عنه لأن موضوعه قد تكلم الأعضاء عنه مئات المرات..فلن يكون لحديثي أي معنى .. بالتوفيق لفريق القرن.. شكرا لك.. ..سيناتور هلالي.. |
بصراحة انا ماشفت المباراة عشان كذا بعلق على نقطة ياسر .. ياااسر مستواااهــ منخفض بشكل كبير .. والدليل شف مباراة الأتحاد .. ياسركان اول داخل منطقة الجزاء مايتفاهم على القوول على طوول .. بس شف الهجمة اللي في مبارات الأتحاد الأخير اللي عكسها له ولي .. حوالي خمس ضربات برجلة لين شات وفي الأخير شوته ضعيفة اول لمسة والقوول وشوفو هدفه في تونس .. وهدفة في الأتحاد قبل موسمين تقريباً او ثلاثة مشكلة يااسر يفكر كثير قبل مايقرر .. المفروض داخل منطقة الجزاء مايبغا تفكير .. انت مهاجم مو صانع لعب عشنا تفكر .. المفروض يفكر كمهاجم يعني مايشوووف إلا الباب ياسر مهو الأولي وياليت يرجع لنا كاسرنا |
انا معك في نقنطه ياسر مدري وش فيه والله عيسى مجتهد وحماسي ويتحرك يخوي ياسر بطي حتى الحسن اليامي اسرع من ياسر مع العلم ان الحسن اليامي عمره40 سنه متى يرجع ياسر |
إقتباس:
شوف جريتس افضل مدرب مر على تاريخ الهلال من كندينو اذا تذكر... ولمساته على الفريق ما يختلف عليها اثنين...يكفي انه انسانا كوزمين :) ابدع في اغلب مباريات الموسم لكن أمس كان على تشكيلته وتغييراته اكثر من علامة استفهام!!!! جميع المحللين لو تلاحظ بين الشوطين كانوا ينقدون التشكيلة وتغيير المحياني!!! مع الفوز الناس نست كل شي صار "كالعادة"... |
يوم الشلهوووووووب لازم كرسي الاحتياط رجع لنا افضل من اول وبكثير ولا هدااااااااااااف الدوري انا انتظر من جريتس ان يفعل نفس الشيء مع ياااااااااااااااااااااسر والله ان يرجع افضل من يااااااااااااسر اللي كنا نعرفه.. بالنسبه لمستوى الفريق بشكل عاااااااااااام هذا شيء طبيعي لان الفريق لعب 13 مباراة الا الاااااااااان وتبدأ مسالة اللياقه هي العامل الاهم في الفتره القامه بالنسبه لي انا لا يهمني في الفتره الجايه اي مستوى الاهم النقاااااط الباقي 27 نقطه في حالة الحصول على 20 نقطة +35 = 55 نقطه تعطينا الدوري بفاااااارق كبير عن الثااااااني واتمنى عدم الخساره لتكون الفرحه اكبر ياحلااااوه دوري بدون اي خساااااااااااره واقوى هجوم وقوى دفاع يا الله وش باقي لغيرنا |
شوف حبيبي ,, انا بتفق معاك بنقطة ان ياسر ضايع ,, لكن مباراة امس لها ظروف لحااااااالهاااااااااا يا حبيبي نجران صاير كنه برشلونة قدام الهلال ,, الفريق كللللللللللللللله دفااااع ما عدا اليامي ,, وبعدين يالغالي الملعب اصغر من حوض الهايلكس حق ابوي ,, يعني الحارس حقهم صار صانع لعب .. |
وربي انتا فاضي.. وكل مباراة وظروفها.. الجو .الملعب.الارضية.الضغظ النفسي. وبعد دا كلو الهلال فاز وانت بس تتكلم .. والي يقهر انك تتكلم ع المدرب .. المدرب يعرف احسن مني ومنك عشان كدا ماراح يجامل.. واتمنى انك تبدي رايك وبس.. ماتدخل في اشياء ماتخصك.. |
ياخي مشكلتكم انتقادكم زي الزفت انتقاد بتجريح!! مشكلة الي مسوين فاهمين كورة ويتأمر على المدرب لعب فلان ولا تلعب فلان ياخي من قاصرها نكلم الامير يحطك بدل جيريتس ونوفر مبلغ وقدره للنادي مدام انت فاهم الكورة وخبير في ذي الامور نرتقي شوية في نقدنا يا شباب ترى التجريح يحبط عزيمة لاعبين الهلال وانتبهوا انتبهوا ترى والله فريقنا مافي زيه ولا بينوجد زيه بس مطلوب مننا كجمهور الدعم والمساندة كثر البربرة ولاكلام الفاضي بتضر الفريق واسئلوا الجيران خير مثال على الضحالة الكروية |
اذا تبون الدوري اسكتوووووو ياناس تجريح في تجريح اول واحد ياسر كان مافيه الى ياسر تدرون ان ياسر بين 9دفااااع اصحووو بالله هاذي 3نقاط الحمدلله وبعدين الملعب صغير بالله وش تبيه يسويي الله يعـــــــــــــــــــــــــــــــــــــــــــــينك ياياسر |
ارجو عدم القسوة على الفريق لا اقول ان الفريق قدم احسن ما عنده .. لكن لابد من النظر في العوامل اللي ساهمت في ظهور نجوم الهلال بهالمستوى ... صغر الملعب طريقة لعب نجران 6-3-1 وتتحول في حال الهجمة الى 5-3-2 .. لو لعب الاتحاد والشباب مع هالفريق بهالطريقة ما راح يفوزون على ارض نجران وفي ملعبهم الصغير .. الان لا يحق لنا المطالبة بالمستوى .. فالهلال متّعنا في الدور الاول بالمتعة .. وحان وقت الجد وجمع النقاط بأي مستوى .. سجل هدف ... وقفّل .. شيل ثلاث نقاط وامشي ... تعليقا على تشكيلة المباراة .. اولا: اعتقد ان الفريدي مصاب والظاهر (ولست متأكدا) ان الفريدي ما راح معاهم لنجران ثانيا: دخول العابد كان من اجل التسبب في اخطاء وفاولات وفتح ثغرات في وسط دفاعات نجران ووجود نيفيز لتنفيذ تلك الفاولات لكن دفاع نجران لم يقم باي فاولات واعتقد ان مدربهم حذرهم كثيرا من عمل فاولات امام المنطقة .. بشكل عام ... الثلاث نقطة نعمة .. يجب ان تشكر خصوصا من فم نجران على ملعبه وبين جماهيره |
| الوقت المعتمد في المنتدى بتوقيت جرينتش +3.
الوقت الان » 07:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd