|
الحمــــــــــــادي : يصيد دجاج في حضيرة دجاج ....! بسم الله الرحمن الرحيم اهلين بالهلال الكبير .... اهنيكم بالفوز المستحق واشكر الفريق بشكل عام على المستوى .. رغم سوء ارضية الملعب وصغر مساحته الحمـــــــــــــــــــادي وما ادراك ما الحمـــــــــــــــادي هذا الانسان متغير .. مدري وش صاير فيه حاط دوبه بدوب الهلال بالاول : كان يقول ان الهلال يفتقد شخصية البطل ..... وما قصر الامير عبدالرحمن بن مساعد ( شبيــه الريـــح ) رد عليه بعد مباراة الهلال امام الاتحاد بالخمسه وبالثاني : يشبه اسامه هوساوي ويقول ( انه كأنه يصيد دجاج في حضيرة دجاج ) وقت هدف البامي اللي ضربت في ركبة هوساوي ............ بالله عليكم هذا تشبيه هذا تحليل هذا نقد ..... انا ما ادري وش يبي هالآدمي .... انا اتكلم عن هالنقطتين ... مع انه يحلل تحليل بعض الاحيان ابداع بس في الاونه الاخيره مدري وش صاير له .... ماغير يتكلم ..... ولا اتوقع ان اللاعب اذا اخطأ يحمل المسؤوليه ... خصوصا اذا صار مثبت وجوده في الملعب وبعدين اسامه هوساوي لاعب دولي .. افضل مدافع بالدوري من موسمين ... ولا يختلف عليه اثنين واخيرا انا بس حبيت ارد على اي واحد يمس او يتكلم على لاعبين الهلال ... سواءا قاصد او غير قاصد ســــــــــــــــــــــــــــــــــــــــــلام |
صالح الحمادي ؟؟؟؟؟ والله ونعم الرجل واذا تعرف الكتاب الي يلعبونها صح اقراء كتاباته ؟؟؟؟ وتعرف اهدافها ؟؟؟ لا واسال منصور البلوي وشخباره واذاتبي الجد والله هدف اليامي يتحمله هوساوي اجل مهاجم لوحده وثلاثة مدافعين وهوساوي قاعد يضايقه داخل المنطقه !!!! ياخي خلص وشتنتظر شوف هدف اسماعيل مطر زمان بالمنتخب السعودي وهدف الحسن امس نفس الحركه بالذات من هوساوي يتراجع يتراجع حتى يستفيد المهاجم من التسديد ارجع واقول يبقى هوساوي كبير وغلطه بسيطه يستفيد منها وايضا يبقى صالح الحمادي من الكتاب الكبار الذين نعتز فيهم |
يخوي من الحره مقهور عشان الشباب تعادل ههههههههههههههههههههه |
بالله مشبه هالتشبية ما شفت التحليل جالس أفرفر على مبارة الشباب والوحدة !! لزم يعتذر صحيح أن هوساوي غلط وهذا طبيعي يعني ما فيه لاعب بالعالم ما يغلط لكن ما توصل أن تشبة لاعب بهذا التشبة وأنت ناقد رياضي كبير ... |
والله ان نوعيه النقاد والكتاب "الهلاليين" مثل الحمادي هم من اكبر اسباب استمرار الهلال بطل في كل وقت!!! الرجال يقول اللي يشوفه وشفناه.. ولعلمك رد على شبيه الريح بعد مباراة الاتحاد وقال "يا سمو الامير الان شاهدنا هوية البطل".. اكبر ميزه في كتاب الهلال انهم ما يعرفون يطبلون لا لرئيس ولا للاعبين وصالح على راسهم... اختلف معك تماما في رأيك... |
صالح الحمادي ناقد و ليس مُحلل .. ! في البدايه و قبل أي شيء, أرجو عدم الدخول في تراشق عبارات و إنفصام بين مؤيد لـ الحمادي و معارض لهُ و لتصاريحه, هذا أولاً بكل تأكيد . . صالح الحمادي ناقد و ليس مُحلل .. ! هذه هي الحقيقه, و هُناك فرق و فرق كبير بين النقد و التحليل و بغض النظر عن أقواله الأخيره و ما إذا كان تغير على الهلال و الهلاليين, فهذه هي الحقيقه, و بنظره شخصيه لا أرى الحمادي في التحليل على الإطلاق. في الأستديو البارحه, خالد الشنيف يحلل هدف نجران الأول عن طريق الحسن اليامي و يذكر بأن هوساوي و المرشدي كانا يكشفان التسلل الذي كسره الحسن اليامي و سجل الهدف الأول, دخل الحمادي على الخط و بدأ يتفلسف بما ليس لهُ بِه علم, يقول الحمادي: هذا ليس كشف لمصيده التسلل و إنما إندفاع و تهور لأنهما وصلا إلى خط المنتصف .. ! يعني والله يلف و يدور و هو ماهو بحول الدعوه, هم كشفوا تسلل و إغلطوا بالطريقه الي كشفوا فيها التسلل و نعم اليامي كان خلف خط المنتصف لكن هذا سوء تغطيه, كان يجب أن يكون أسامه هوساوي خلف اليامي مباشره و المرشدي في المنتصف و على بعد مترين على أقل تقدير من خط المنتصف. ماعلينا, الأكيد// الحمادي ناقد مُمكن, إنما مُحلل لأ .. ! |
الله يبـــاركـ فيك .. الحمدلله فـــوز مستحق بعد طلعة الروح من فريق يعشق التكسير.. جمهور نجران لاتعليـــــق كنت أفكر إنهم ............. جمــاهير الزعيم في نجـــران شكراً لكم ولازال الهلال يثبت أنه الأكثر شعبية.. بالنسبة للحمـــــــــادي فأسال الله أن يهدية وهو مرة فــوق ومــرة تحت.. |
صالح اللحمادي قال اللي يشوفه بعفوية وهو ما غلط في حق هوساوي ... هوساوي نجمنا اللي كلنا نحبه ونثق فيه غلط غلطة صغيرة جدا ومن حسن حظ اليامي انها تسببت بهدف يفداك يا هوساوي الهدف .. وهو لا يعني شيء ولا يستحق الذكر أمام نجوميتك في النادي والمنتخب سلام s102s |
والله من شفت الجاكيت الي لابسه ذاك اليوم غسلت يدي منه.. |
كل شي قاله الحمادي في الاستديو معه حق فيه ياسر وعيسى يتبطحون واسامه كانه يحجر لدجاجه :) محتاجين للنقد بالطريقه ذي لا للتطبيل :) |
جمهور نجران لاتعليـــــق كنت أفكر إنهم ............. |
شكرا لك .. صدقني الحمادي لم يكن رأيه سخرية بقدر ما هو تشخيص للواقع .. فهوساوي مع احترامي له هو من تسبب بهدف نجران .. بسبب إعطاء اليامي فرصة للتقدم للأمام لتسجيل هدف .. و لم يبادر هوساوي لقطع الكرة منه .. بل أصبح كمن دخل حظيرة دجاج ليصطاد دجاجة .. و صدق الحمادي في ذلك . |
فعلا سمعت كلامه ولم يوفق بالمفردات صراحه قلة حياء الكلام الي قاله اذا ماتعرف تختار المفردات المناسبه يالحمادي مو لازم تنتقد ويقول ياسر وعيسى يتبطحون عسى ماشرر وش تحس فيه |
ان بغيتوا تعرفون كيف يخلص الكره المدافع ببراعه ارجعوا لمباريات الهلال عندما كان الشريده يقود الدفاع الهلالي ......تفرجوا على الطريقه السليمه بتخليص الكرات |
إقتباس:
+1 ................................ |
| الوقت المعتمد في المنتدى بتوقيت جرينتش +3.
الوقت الان » 03:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd