|
فوز بشق الأنفس !! ياسر وزنك زايد + فلسفة زائدة من المهاجمين أمام المرمى !! + أسامة ليه تعطي اليامي مساحة دام جنبك المرشدي !! السلام عليكم : ألف مبروك على الفوز الأشبه بالولادة القيصرية ضد نجران الدفاعي البحت والخشن !! ما حذرّنا منه بالسابق للأسف قد وقع !! فقد قلنا أن نجران ليس هو نفسه الدور الأول !! وخير دليل ع ذلك الفوز الصعب للشباب وبالرياض فما بالك بنجران !! فقد شاهدنا بالفعل فريق دفاعي بحت وخشن يستحق أكثر من طرد !! هناك ملاحظة فنية ع ياسر القحطاني !! كأن وزنه زائد في هذه المباراة !! مما أثّر على سرعته الفردية !! وخير دليل ع ذلك عجزه عن اللحاق بمدافعي نجران في أول المباراة وآخرها !! يجب عليه الأهتمام بالتمارين اللياقية والسرعة الفردية. أيضا انحفاض المستوى الفني لياسر عما هو عليه في المباريات السابقة !! أيضا هناك ملاحظة في مباراة اليوم على المهاجمين ( ياسر + ويلي + المحياني + العابد ) ألا وهي الفلسفة الزائدة أمام المرمى !! تجد المهاجم في وضعية مناسبة للتسديد المباشر ولكنه يتفلسف أمّا بالتمرير أو تأخير التسديد !! وهذا تكرر أكثر من مرة !! نأمل مراجعة الحسابات من مهاجمينا . أسامة هوساوي قلب الأسد الهلالي . نأمل منه مواصلة المستويات العالية وأكثر . وهناك ملاحظة عليه في هدف اليامي حيث أعطى مساحة ووقتا كافياً لليامي رغم انه وحيداً مقابل 3 لاعبين من دفاع الهلال !! كان يجب على أسامة الدخول مباشرة وعدم التأخير خصوصاً وأن المرشدي جانبك . هذا مالدي وبالتوفيق للهلال . |
الحمد لله والشكر لله .. أولآ مبروك الثلآث نقآط اللي جت بعد شق الأنفس .. وبصرآآآحه كل اللآعبين ما قصروا وما ينلآموووون ( الملعب ملعب حوآري ) صغير بالمرررة وثآني حآجه 9 دفآع ومهآجم وآحد <~ بالله قولي كيف بتفوز ...!!!! ومن ناحية يآسر ما نقول الا الله يرحم عمه ويسكنه فسيح جناته ولكن لآزم يوقف مع نفسه ويشوف وضعه .. ما شفنآ الحآسه التهديفيه مع يآسر والهوساوي بصرآحه رفع ضغطي .. ليش ما يخش على اليآآآمي ..؟؟ ليش يعطيه فرررررررصه ..؟؟ لكن ابو كلبشة هذي قطرة سودآء من محيط الإبدآآآع .. وان شاء الله يكون درس له .. ألف مبروك الثلآث نقآآط وعقبآلنا بطولة الدوري .. |
جريتس ماخذ موقف من المحياني ... لماذا اخرجة وهو مقدم مستوى رائع |
.............................................................................. اول شيء يسلمووو على موضووعك الحااار و الفريش..:naughty: ثاني حااااجة مبرووووووووووك الفوز اللي جاا بشق الانفس>>>>>..متعوب عليها. و ثاالث حااااجة مبروووووووك تعاادل الشبااب .. و اوااافقك على كل شيء.. |
ضد نجران الدفاعي والخشن البحت !! انت قلتها في بداية موضوعك فريق دفاعي لاعب قدامه 10 لاعبين وش تبيه يسوي ؟ ارجوا ما ننتقد على طول المهم الثلاث نقاط وكسبنا لاعب رائع وهو العابد تكفون بلا نقد خلاص انتهت المباراه خلونا نفكر في المباراه القادمة والحمد لله على تعادل الشباب مع الوحده بهدف في الوقت بدل الضائع مشكور |
المهم هووووووووووو الفوز وألف مبروك للزعيم ... |
أهم شي الفوز ................ |
ع العموم الف مبروك الفوز..ونجران كان مسكر..وأكيد اللاعبين..بشر..الف مبروووك |
الف مبروك الفوز للزعيم مانقول غير الله يستر من المباريات القادمة كلها راح تكون صعبة وراح تلعب كل الفرق امام الزعيم بخشونة وحماس لايقاف مسيرته |
المفروض خروج ياسر والأبقاء على عيسى ومباراه والله صعبه وفوز صعب بشق الأنفس ولكن الحمد لله على كل حااااال |
صرآآحهـ انا مدري لييش جيريتس طلع المحياني !!!! |
مبروك الفوزززز هو أهم شي + الشباب والوحدة تعادل 1_1 الهلال وحيد منفرد مرتاح في الصدارة |
مابغينا والله,, اصعب مباراة مرت علينا سبحان الله ,, على قد ماتمنيت اننا نفوز بنتيجه كبيره,,كثر ماكان عندي إحساس ان نجران بيكون صعب لدرجة اني كنت اقول الله يستر لايفوز,, |
ايه والله فوز بشق الانفس الهلال اليوم ماقدم اللي كنا ننتظره منه لاكن الحمدلله المطلوب الثلاث النقاط وجابوها .. اما ياسر والله واضح اليوم بالتشيرت الابيض وزنه زايد ويالله يالله يركض .. والاعبين مشكلتهم مشكله وهي الفلسفه قدام المرمى وكل واحد يبحث عن جمالية الهدف ياخي شوت وانه المباراة , مشكله يتفلسف عليك ويضيع النقاط عليك .. اما هدف اليامي لاتنسى انه كان جاي من خانة لي ولي كان متقدم ومافيه احد مغطي مكانه واسامه بطل , وكـل التوفيق لـ الزعييم .. |
إقتباس:
ياخي هذا مستواه نازل من زمان .. قلي بس وش سوى اليوم !! انا قاهرني المدرب يوم يغير المحياني الي كان متحرك اكثر منه .. ياناس حكموا عقولكم واتركوا عنكم العاطفة الزائدة وتشجيع اللاعبين هذا خلوه على جنب شلون نبي ناخذ كأس آسيا الي اشتقنا له كثير بوجود هذا العالة على الهجوم !! ياخي الدعوة واسطة ولا ايش السالفة .. طيب الحين لاعبين الوسط هم الهدافين طيب وش فايدته ؟؟ مهاجم بالاسم بس !! والله العظيم شي يقهر ويرفع الضغط .. شوفوا لنا حل يا ادارة النادي .. المباراة بغت تفلت من يدينا لكن توفيق الله وابداع النجم الصاعد نواف العابد الله يبيض وجهه مثل ما ريحني بعد ما كنت بانفجر ... وياليت المشرفين يفكونا من شرهم ولا يحذفوني ردودي |
| الوقت المعتمد في المنتدى بتوقيت جرينتش +3.
الوقت الان » 03:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd