اختبار القدرات ومزامنته إعتزال نواف - صفحة رقم 2 - نادي الهلال السعودي - شبكة الزعيم

الـعـ كـاكـا ـرب · #16 19/12/2009, 10:37 PM

والله انا اخترت اخر موعد الخميس 1/21 الساعة 7 صباحا

موفقيـــــن بــــإذن الله ,,

سكـون اللـيل · #17 19/12/2009, 10:45 PM

إقتباس

الرسالة الأصلية كتبت بواسطة هلالي فدرالي


	اظن اخوي تقدر تعدل الموعد رح بسرعة للموقع وجرب أو حطه صباحاً

رحت وضغطت على تعديل
وقالي سيكلفك 50 ريال ..
واخاف ما القى غير يوم السبت

I don‘t know · #18 19/12/2009, 11:02 PM

ههههههه جبتها ع الجرح

انا كان اختباري يوم السبت وكنت من جد منقهر ويوم جاء الأسبوع اللي راح غيرته الى الأحد لكن على بعد مسافة 100 كم

كله يهون لعيون نوآف

мя.ħάίţħάм · #19 19/12/2009, 11:22 PM

8888888888888

وووآآآووووتش 100 كيلو

الله يعينك وتجيب 100

alzaeem -4- ever · #20 19/12/2009, 11:57 PM

الحمدلله سجلت 21/1

ولو كنت مسجل وقت المباراة

بلا قيآس بلا خياس (:

ابو طـــــلال · #21 20/12/2009, 12:18 AM

مستقبلك أهم من كل المهرجانات والمباريات صدقني ..

لاحق خير ...

بالتوفيق

وأنا اعلمك وش بيصير من هالحين ..

جمهور واجد .. يصرخون .. يدخل نواف التمايط .. يدور على الملعب .. يلعبون .. الهلال يفوز ثلاثه إثنين يطلع الشوط الاول ويودع الجمهور بيده .. ويطلع فوق لسلطان بن فهد ويكرمونه .. ينتهي المهرجان .. يطعلون الجمهور ( يفحطون كالعاده ) تصير حوادث .. يموت إثنين ثلاثة ... يسولفون بالمباراة لين ماينامون ..

بكرا تلقى الإعاده والجرايد كاتبه أدق التفاصيل .. بريالين جريدة .. وببلاش بالتلفزيون ..

شفت !! قايلك مستقبلك اهم

miss zozo · #22 20/12/2009, 01:34 AM

^^^^^^^^^^^^^^^^^^^^

هههههههههههههههه رهيب ياابو طلال مت ضحكـ عالرد

,,

اكيد الاختبار اهم وصدقني بتمل من كثر ماتشوفها اعاده

هو صدق الحضور شي ثاني عندكم <<<ايقالي مجربه

بالتوفيق لكـ في اختباركـ

وبالتوفيق للكابتن نواف بحفل اعتزاله

Mr.3aSheq · #23 20/12/2009, 03:00 AM

افااا والله مشكله
خـلاص يالحبيب قلي بس كم رقم القاعه
وانا بدق على وزير التعليم يخليهم يحطون شاشه عندكم
وتتفرج وانت تضحك وتختبر بس انتبه الدائره حقت الاجابه لازم تلونها كامله

والا اقـول حط تغيير اختبار عـلشان تختبر في المجمعه والا الخرج

يا كرهي لاختبار القدرات اللحسه لابوه لابو من حطه
وبالتوفيق لك

سكـون اللـيل · #24 20/12/2009, 03:13 PM

والله يا ابو طلال ردك مقنـع هههههه

تسسسسلمون على المرور نورتوا ..

بس عاد تصدقون آستآنست اني ما حطيته يوم الخميس .. وقت مباراتنا مع الجار ..

I B R A H E M · #25 20/12/2009, 03:45 PM

إقتباس

الرسالة الأصلية كتبت بواسطة سكـون اللـيل


	والله يا ابو طلال ردك مقنـع هههههه تسسسسلمون على المرور نورتوا .. بس عاد تصدقون آستآنست اني ما حطيته يوم الخميس .. وقت مباراتنا مع الجار ..

بالله عليك تسمي ذا فريق تحرص تشوف مباراتنا:معهم

المباراة الوحيدة اللي نضمن فيها الثلاث نقاط

بعدين ترى إختبار الخميس يكون الصبح الساعة 7:30

S.SAM · #26 20/12/2009, 11:32 PM

الله يوفقك يا رب
دام هي بالجزيره فخلاص اعتمد بتشوفها أكثر من مره
وموبايلي ما بتقصر معك كمان
بالتوفيق لك ان شاء الله يا رب ولكل الطلاب

ميلانيلو 2099 · #27 20/12/2009, 11:40 PM

انا الاربعاء بليل

مريح الحمد الله

مصدقين قدرات انتم يا رجال بس<< واضح يبي مصلحتكم

Skran London · #28 20/12/2009, 11:44 PM

إقتباس


	ما لنا الا الإعادة

الله يشفيك يارب .

أجل المباراة أهم من مستقبلك ؟ حبيبي تراه مستقبلك ، تكون أو لاتكون

.

وأنا والله يوم الخميس ، فاتتني مباراة الهلال والنصر مافيش مشاكل فيه الإعاده وفيه هلال ونصر إن الله أحيانا كثييير .

أما قياس مافيه إلا أربع إختبارات ، وتحدد مصيرك .

عالعموم أنت إنسان كبير ولديك عقل وتعرف اللي يفيدك واللي يضرك .

بالتوفيق للجميع يارب .

السمسار الهلالــي · #29 21/12/2009, 12:12 AM

هههههههههههههههههه أنت مثل سالفتي أختباري كان في 16 - 1 وأجلته إلى 17 - 1

JOK3R · #30 22/12/2009, 08:52 PM

هههههههههـ
الله يعينك أخوي وبالتوفيق ان شاء الله