|
في بيتنا .. في بيتنا .. سلام عليكم , اول مره يمكن اكتب بهذا الاسلوب في المجلس وعساه بس يوصل الي ابي اوصله لكم !:ax: اعتقد ما فيه بيت حالياً يفضى من الخدم سواء شغالات والا سواقين وفي بعض مكاتب الاستقدام عروض حلوه خدامه وسواق :biggrin2: طبعا مهوب كذا من باب الله معطينك الا علشانه رجلها وتبلش بهم بعدين ويمكن يولدون عندك :s2: على سالفة الولاده .. اذكر وحده من البنات تقول سواق خالتي طلع زوج شغالتنا بعدها بفترة بسيطة اكتشفنا انها حامل :confused: شلون قعدو مع بعض ماندري .. وبعدها بفترة بسيطة طلع لها ولد :dizzy: يشتغل هنا ويبي يشوف امه .. قلت لها الهنود عادي عندهم بكره تلقينهم قد بنو بيت جنبكم و3 وبزارين معهم خخخخخ :biggrin2::biggrin2: ووحده من عماتي عندهم شغاله الظاهر عمرها 100 وشوي .. تقول مره من المرارير وهم يغسلون الحوش يدورونها مالقوها :eek: .. قالو يمكن راحت المطبخ وتجي يحترونها ساعة ساعتين ! dfda وين ذي طست ! .. ويروحون يدورونها شوي يلقونها طايحه ورا الحوش مغمى عليها .. :eek: وطبعا عمتي دقت على طول 911 حقنا :biggrin2: ووصلو بعد كذا ساعة < لزوم الخدمه السعودية .. :tongue: وودوها .. بعد الكشف يقول الدكتور هي مرهقه ! .. شلون مرهقه بالله وهي توها صاحيه ونايمه نومت اهل الكهف :confused: !!!! .. قلنا لها سفريها وجيبي وحده بدالها قالت لا خلوها تسترزق ! :rolleyes: النية الطيبه مننا احيانا مع الخدم حلوه :wink2: .. لكن بعض الخدم ما يستاهلون :mad: .. اعطيكم سالفة بعد ! صديقتي تقول عندهم سواق مهايطي ! :biggrin2: .. ينفخ عليهم يضرب عيالهم الصغار .. ولما يجي ابوهم يقعد يبكي :biggrin2: يقول بابا انا ما فيه سوي انا مسكين كلو بزوره يضرب انا .. طبعا صديقتي مفهيه :confused: تقول ذا نصاب يتمسكن قدام ابوي وطبعا ابوها قلبه طيب ويرحمه يقول خلو ذا الضعيف ما ترك ديرته الا يدور لقمة العيش وش فيكم عليه :sick: ! .. وهذا السواق استمر على هالمنوال لين مره صاده خالها :biggrin2: وكفخه كفخه كفخه ووداه القسم .. بعدين رجع لهم وتاب يسوي ذي الحركات ! .. بس اكيد النفس مهيب طيبه عليه :biggrin2: .. نجي لسوالف الخدم الي تضحك ههههههههه :biggrin2: .. اذكر مره حاظرين زواج وطبعا كل وحده تمشي ووراها بناتها طابور رازتهم يعني شوفو بناتي :pleased: وورا هالبنات شغالتهم شايله عفش البيت :chinees: !! .. لكن هذا شي عادي وتعودنا عليه .. لكن ان الشغاله تصير احلى من البنات وامهم مشكلة :biggrin2: ! .. وزود على كذا مسوين لها مكياج :biggrin2: ! اغلب الخادمات يحبون يجلسون مع الجدات :rolleyes: .. سوالف ونفس طيبه وما يكرفونهم كثير مثل بعض الناس :tongue: .. ومن خلال جلستهم يتعلمون بعض الكلمات الي احيانا ما ودك يعرفونها مثل العيارات s121s .. فشينه تصحين من النوم يا اختي الكريمه وتناديك الشغاله بعيارتك الي يقولونها اخوانك s121s .. فوحده من البنات تقول لنا اخوانها يسمونها " عليبص" للامانه ما اعرف وش معانها بس من النطق تضحك :biggrin2: .. فتقول نزلت المطبخ اشرب لي مويه شوي تقول لي الخدامه "اوليبص" :naughty: ... استغربت شوي :confused: ؟! ما فهمت المقصود .. قلت هاه :bigeek: ؟ .. قالت اوليبص انتي اسم اوليبص :naughty: .. قلت طسي هناك يا كلبه:ranting: #$%#@$@# < كلام مشفر:biggrin2:هههههههههههههههههه .. طبعا خويتنا عصبت وحقدت على جدتها شوي مالها داعي تروح 4 سنوات تناديها كذا ! .. :tongue: كثير نسمع سوالف الخدم الي ينحاشون واغلبهم خادمات .. اما سمعت سالفة سواق انحاش :biggrin2: جديده علي ههههههههههه .. لكن من الغباء ما يعرف ينحاش .. الي ينحاش ما يروح لاماكن مشتبهه :biggrin2: .. فسمعت هالسالفة من بنت خالتي تقول انها سمعتها من صديقتها عندهم سواق انحاش ومن الظهر لين العشاء ما لقوه يوم جا صلاة الفجر جا صلى معهم :biggrin2:هههههههههههه ويمسكه اخوها مع قفاه بعد الصلاة :s2: ! وياخذه معه للبيت ويقفل عليه !! غبي غبي غبي هههههه :laugh: بعض الخادمات حراميه وبعضهم الله يكفينا شرهم ساحرات :cry: ! .. يعني لما شغالتكم بتسافر لزوم تفتشونها :biggrin2: .. فصديقتي تقول لي كل ماجات شغاله عندنا بتسافر نخليها تروح عند شغالة خالتي تسلم عليها وتودعها وبينما هي هناك .. نسوي سطو على غرفتها واغراضها وعفشها ونفتش نشوف اخذت شي والا لا .. قلت لقيتو شي خذته :confused: ؟ قالت اكيد بنلقى لقينا اشياء واجد بس بعضها عاديه العاب اكسسوارات حتى وهي مكسوره ماخذتها :rolleyes: .. وصلت لنهاية موضوعي الي الصراحة ما ادري شيبي لكن هذا الي طلع معي اليوم :biggrin2: .. كنا جالسين وطلعت سوالفنا كلها عن الشغالات ووو وطبعا الي جاب طاري هالموضوع ان شغالة خالتي بتسافر بكره :biggrin2: ههههههههههه لزوم نفتح مثل هالمواضيع ومنها ندردش ونفرفش :biggrin2: .. عاد لازم اعطيكم اسئلة < واجب قراءة :s2: - بالغالب ببيتكم او ببيت احد اهلك عمك خالك جدك عمتك خالتك جدتك اين كان يكون فيه خادمة او سواق ؟ كيف تعامل اهل البيت معها :rolleyes: ؟ - تحبون تطيحون الميانه مع الخدم ؟ يعني انتي يالبنت تسولفين مع الخدامة وضحك واستهبال ؟ وانت يالولد نفس الشيء مع السواق ؟ - مواقف صارت لك مع الخدم :biggrin2: ؟ - نظرتك بشكل عام لهم ؟ - مساحة حرة تكلم فيها بما يتعلق بالموضوع المطروح .. ان شاء الله يعجبكم طرحي الي مدري وش يبي < اثار السهر :biggrin2:.. ونشوفكم بمواضيع ثانيه .. وكل عام وانتم بخير وجمعة مباركة / السنيورة :rose: |
هلا وغلا السنيوره :rose: اول موضوع لك ويكون بالهجمال؟ صدق اعجبني كثير كثير ماشاء الله عليك:smilie47: اتمنى يكون الأنطلاقه والبدايه في طرح الجميل هنا بالمجلس :rose: إقتباس:
اولاً يوجد بيوت وعوائل كثيره لايوجد عندهم لاسواقين ولا شغالات ولا خدم :dالعيال وش شغلتهم ؟ والبنات وش شغلتهن:d؟ تقوم البنت وتفسر ايدياته وتغسل وتطبخ وتطحن :d والولد يودي ويجيب وكلن له شغلته :dاو مقابل النت ومشاهدت المسلسلات الله يهديهم :d والولد دوران مع اصحابه:d لا دقوا عليه الأهل قال انا مشغول بليز لاتكلموني :naughty: إقتباس:
زين هندي لو هو بنقالي تسان تلقينهم توأم خمسه دفعه وحده:dالبنقالي مايوفر الحمل عندهم سته شهور:d إقتباس:
إقتباس:
إقتباس:
الا خبرتني بنت اخوي انها بتسافر بعد اسبوع :cry: قلت خلاص سيتي في روح مافي يجي:cry: قالت ايه قلت انا في زواج انتا فيه موجود انا مبسوط كثير :cry: قالت انا في دعاء :d إقتباس:
إقتباس:
إقتباس:
إقتباس:
وكل عام والجميع بالف خير .. وشكراً السنيوره عالموضوع !! وننتظر جديدك .. تحياتي .. |
بما أني أول رد فا لازم أخذ راحتي اتكلم مثل ما ابي :d << سقط علينا بريماكس الله يهديه ,, يمدي يمدي بريمو ولووو المطرح مطرحك :d لآزم اجاوب على اسألتك ؟؟ :s5s: بالغالب ببيتكم او ببيت احد اهلك عمك خالك جدك عمتك خالتك جدتك اين كان يكون فيه خادمة او سواق ؟ كيف تعامل اهل البيت معها :rolleyes: ؟ وش تحسين فيه بالله انتي !!؟ يعني بمشي عليهم كلهم واقولك هذولا كويسين وهذولا ماهم كويسين وهذولا بنتهم فلآنه تحشر الخادمه بالحمام << تكرمون . بتكلم عن بيتنا ,, أمي بعض الأحيان نقول ياليتني خدامه عند أمي تدلعها دلع آخر كلآم الشغاله عندنا مرفهه ترفيه كامل (( حتى اسألي روح الهلال )) تصحيه من النوم وهي على بعد 10 كيلو تخاف يجيها طاوله كرسي دولاب :d - تحبون تطيحون الميانه مع الخدم ؟ يعني انتي يالبنت تسولفين مع الخدامة وضحك واستهبال ؟ وانت يالولد نفس الشيء مع السواق ؟ يعني معاملة انسانية فقط لآ أكثر :d - مواقف صارت لك مع الخدم :biggrin2: ؟ يقطع شيطانها داني مرة جاي من السفر وقلت لها وش مصلحه عشاء قالت سوي عشاء فطور :s5s: ههههههههههههههاي يقطع شيطانها يعني عشاء نواشف فا مسكنها من عقبها ان النواشف تكون فطور بكل وقت . أنا الي يضحكني بالشغالات ان حتى هم بيناتهم غيرة وسوالف حريم يا انا افطس على سوالفهم هذي داني ماتحاكي شغالة أختي لأن شغالة أختي تقوم الصبح قبلها s121s - نظرتك بشكل عام لهم ؟ نظرة ثاااقبه :naughty: << :d - مساحة حرة تكلم فيها بما يتعلق بالموضوع المطروح .. شوفوا ياناس ترا والله حرام انكم تقسون على الخادمات أو السواقين لأنهم هذولا بشر مثلك مثلهم وعسى الله لا يحدنا على الضروف اللي حدتهم وخلتهم يجون عندنا خدم وسواقين من أولها أعجبتك الخدامه أو السواق والا رجعها للمكتب اللي جابها أما أنك تعذبها أو تهاوشها دايم فا ما يصلح لأن كل شخص فينا ما يحب انه تمس كرامته بشيء . على طاري تفتيش الخادمات قبل يسافرون فيه شغله جديدة طالعه بس اهنيهم عليهم هالطقاقات يقولون انهم بأوقات كساد السوق يشتغلون مفتشات على الخدم اللي بيسافرون يفتشون كلش كلش كلش . عجايب . مشكورة ع الموضوع الترفيهي المفيد ان شاء الله . لكـ مودتي |
هههههههههههه اهنيـــك ع الموضوع والله..! والله نفس الازمة اللي صايرة عندنا جاتنا وحدة جديدة يــآآآآلعنبا الفهــآآآوة والبرووود اللي فيها تقوم الصبح تستقبلك بريحة الفم الكيماوي ونبي نرجعها الله لايعيدها..! بس بجد اكبر هاجس يحوم فوق راسك وقت رحيل الشغالة تيدأ المرة توسوس(وش ماخذه معها من اغراضي وش خذت من البنات وش وش وش) لكن امي الله يخليها ^^مباحث البيت^ قبل لاتروح شغالتنا للمطار تنزل كل الملابس اللي عليها وتلبس غيرها وهذا اللي صار وقعدت تبكي الشغالة ليش مدام ليش بعدها فتشنا ملابسها الداخلية ماحصلنا شي ومع مجريات واعتيادات الحياة مرت علينا عجوز كبيرة حالتها مايعرفها الا رب العالمين وتصدقنا عليها بـ 200 ريال وترجع امي ترتب البيت وتحصل ملابس الشغالة نفسها قبل لاترميها بالزبالة قالت خلني افتش من جديد والله وتفتش الملابس وتستغفر وتذكر ربها ومن دون ماتشوف امي سبحان الله طاحت يد امي ع الجرم المتخبي زي الجيب مخفي ومخيط بطريقة عجييييبة مايتخيلها الواحد ونطلع ونلقى شعر امي وشعري وشعر خواتي واخواني كلهم حسبي الله عليك يابنت الكلب..! والشغالة اللي قبل سارقة حول الف ريال وخاشتها الله يكرمكم بحفايظها..كــآآآآآك مصــآآآيب الى الليل الله لايبــلانــآ >طفشنا من الاندونيسيات الساحرات والسيرلانكيات الزلايب >>ابوي يقول بنجيب روسية يمدحونها>>آآآح اي والله يمدحونها يبه جبها وازهلها ولا من البحرين من قريب..ههههه اما شغالة روسية ببيتكم..ههههه والله يقلب بيت دعارة ياشيخ..! آآآسف ع الاطالة لكن موضوعك يبيله سوالف مو رد>>ماشاءالله عليتس بعد انتي ماخذه طبع النسوان صح |
وش رايك طيب بالي صار عندهم قصة حب بين سواقنا ,,, :naughty::s4s: وشغالة عمي ,,, وربي انواع الرومانسيه عندنا ’’ :d في النهاية ابوي الله يرحمه حن عليهم وزوجهم :d,, إقتباس:
بالنسبه لي اطيحها عاااادي :s4s: سواقنا عمررر صراحه عندنا ,,, من لما كنت انا بالمتوسط ,, :s2: امس راسل لي مسج على جوالي مبروك :s2: الخدم ترا حظ .. احيانا يجون مهبل ,, واحيانا البلا كله منهم ,, :s2: صديقتي مرره جابوا سواق شاف الغرفه حقته الي بينام فيها ماعجبته ,, ثاني يوم رايح لاابوها وقال انا ابغى تفلزيون + مكيف مركزي عشان حر +:s2: + جوال قال ابوها ورا ماتنسدح وانا اصير السواق عندك :ap: اول مره ارد رد طويل كذا :ap: ثانكس قلبوو :wub: |
وعليكم السلام ويا هلا:rose: عندي موقف بسيط فقط:d ولد عمي جابو لهم واحد مدري من وين المهم شكله سيرلانكي ولا ايش مو عارف السالفه صار لها اكثر من سنتين تقريبا عشان كذا ما اذكر كثير المهم المهم اول ما جاء ولد عمي يبي يعلمه عربي يقول له على الانف عين والاذن انف والعين فم وووخربها معه مره:d لما نروح لهم يبدأ يطق طق عليه المسكين ويسأله هذا ايش وهذاك يجاوب تخيلي قدامك اي واحد تسأليه وش ذا يقول لك عين وهو بالأصل أنف:d يا اننا نموت ضحك عليه صراحة مواقف ألييييييييييييييييييمهـ جدا جدا جدا:s4s: علينا استهبال بشكل:s3s: بالنسبة للأسلئلة فالحمدلله حنا كباااااااااااار :d بيتنا باقي فيه أنا واختي الصغيره وأبوي وأمي واحد من أخواني قريب يزوج يعني البيت فااااضي وما نتعامل معهم:s4s: وباقي اخواتي وأخواني مزوجين:smilie47::smilie47: شكرا جزيلا:rose: |
هلا وغلا بالسنيورة</B>:smilie47: بالنسبة للشغالات والسواويق والله انهم نبض الحياة المعاصرة:s2: لاتستقيم اليوميات بفقدهم:wub::ga: ,,,,, والبركة بالعيال اللي مايودون اهلهم مشاوير:ranting: ولا البنات الي مايشتغلن:naughty::s3s::s5s::s2: ,,, عاد تخيلي عندنا سواق له اكثرمن 12 سنة صاير كأنه واحد من العائلة من يوم كنا صغار كتاكيت لحتى كبرناوصرنا حريمات واخواني رياجيل يعرف كل اسرارنا ومشاويرناومداخلينا ومطاليعنا:wub: يزور اهله كل سنتين ويرجع بس فجأة وبدون سابق انذار قرر يسافر وبدون عودة ليه شاسالفة:wub: هانت عليك العشرة ياابن اللذين:ranting: الموهيم كذبله كم كذبه وسافر:cry: واخرتها طلع سبب سفرته:wub: واحد من الجيران من طينة منصور الشادي:s4s: مغريه بكم قرش زيادة وبدلات ومدري ايش يبغيه سواق عنده:wub: مع اننا والله ماقصرنا عليه بشي واذا بغى يسافر نحمله بالهدايا له ولزوجته وعياله ويمكن بنى بيت بالهند من خيرنا:s5s: بس باقي يبني فله بالرياض:s2: طيب يامن اللي منب قايله مابهالبلد غير هالولد:ranting: وكأننا طول السنين جالسين نربيه لك:mad: جد بعض الناس فيهم لعانة مهيب طبيعية يدور النذالة دواره:mad: ومن يومها وحنى مبتلشين بالسواويق للحين ماجانا سواااق ينسينا اللي راح:cry: كل يوم طالعين لنا بمشكلة عاد مدري البلافينا ماهضمناهم عقب ذاك:wub: ولااصلا مافيه زيه نادر بزمانه:ba::s5s: حسبي الله على اللي اخذه:ranting: ,,, اوما الشغالات حدهم سنتين عندناويرجعون ولهم قصص ماتنتهي لوبتكلم من اليوم الى بكرى ماخلصت بس اغرب شغالة جتنا شغالة هندية عمرها59:s2::ga: وتمت 62سنةعندنا:laugh:<<سوينا لها عيد ميلادبعد:to::d عجووووووووووزوالله يبيلهامن يخدمها:wub: ومع ذلك ماتقصرابد شايله البيت فوق راسها:s2: ,,,, عاد اشين يوم وبصراحة يوم سفر الشغالة اواالسواق:cry: يوم حزين كيئب هدوء حذر وكان العالم كلها بتسافر:cry::cry: ,, هم شر لابدمنه</B> الله يعطينا خيرهم ويكافينا شرهم:yes:</B> والله يعين خالتك اللي بتسافر شغالتها:wub:</B> ,,, السنيورة</B> :ba::smilie47: موضوعك مهم</B> وطريقة طرحك وسردك حلوةs13s</B> ماننحرمش يالغلا:rose:</B> |
يا هلا ومرحبا خيتو السنيورة ،، خوش موضوع رايق بصراحة .. :rose: والله الخدم صارت لنا مواقف كثير معهم ! :d بس أنا أشوف أن الشغالة مهمة جداً في البيت :s5s: يعني السواق عادي ممكن نستغني عنه لأن فيه شباب يودون ويجيبون .. بالنسبة للشغلات .. صارت موضة عند الفلبينيات المسيحيات أنهم يجونك بعد فترة ويقولون " نبي نسلم " ويسلمون :s5s: لكن ما تشوفين منهم لا صلاة ولا صيام ولا اي شيء بالإسلام :mad: أكثر من فلبينية يصير معها كذا .. الظاهر يقولون " خلونا نكسب رحمتهم وحبهم لين ما نرجع لديرتنا " :s2: مع أننا نرحمهم ونحبهم من دون ما يعملون كذا . الله يهديهم بس .. عوافي يا الغلا :rose: |
ريمـآ كآتبه هوون نـور آلمجلس يآبعدي لي بآك بعد القرآءه ,, بآك .. :rose: لبىآ آلي منور المجلس بطلته والله s9s ريمـآ موضوع بطل يآ آلبي :smilie47: مآشآء الله اسلوب حلو ويدخل القلب اصلن انتي من زمآن دآخل آلـ :ba1::d *آمـآ آلشغآلآت بصرآحه من يوم طلعت ع الدنيـآ وبيتنـآ شغاله رايحه وشغآله جآيه والحمد الله كلهن طيوبآت وحبوبآت :ba1: الا ثنتين وحده بنقلادشيه حقيره ومنتهيه ودايم بالشوارع وماجلست عندنا اكثر من 4 شهـور :mad: والثانيه من اندنوسيـآ مالت عليها نجاست الدنيا فيها كآنت تضربني s116s :razz: طبعا يوم كنت بزر في اول متوسط وكنت اخاف اعلم ابوي بعدين مره اقبصتني من خدي :cry: وبين اثارها بخدي ويوم درى حمودي اخوي عطها كف برد قلبي وع طول ع المطار طبعا يوم فتشناها لقينا البلاوي كل ابوها وامها بعد s63s قمنا شرينا اغراض جديده لها وحرمناها من عفشها الي عندنا .. *السواقين ابوي رافض رفضآ بات وجودهم بالبيت يقول 4 عيآل وانا الخامس وش فايدتهم بالبيت هم الي يودونكم ويجبونكم اما سواق لا :naughty: .. * الميانه مع الشغالات .. بصراحه اطق ابوها الي جابها خدماتنا الي يجون كلهن مهسترات .. بس كان فيه شغاله اسمها تسرينا :razz::ba1: ياحلوها ياناس هذي جت ايام ثاني ثانوي والبنت كانت تقريبا اكبر مني بسنتين وفالتها معي :laugh: حتى صارت متعصبه للهلال وكانت تحب نواف التمياط :s2: وحافظه جميع لاعيبة الهلال وماتنام الا اذا قلت لها الهلال فاز ارتاحي تسوي فلم هندي من الفرحه :d يوم جت تروح عبيت جوالها كله مقاطع عن الهلال وصور والمشكله ضايق خلقها تقول وشلون اشوف الهلال هنا :s5s: * ريومتي هذرت واجد صوح :razz: بس موضوعك حلو مثلك وبما اني امون عليك تحملي هذري يابعد حيي :smilie47::smilie47: يالله سيـآآآآ :wub: |
هلا بالسنيوره :d:d:d شكلك بالاجازة اللي فاتت مشتغله مديرة مكتب استقدام :d:d:d الخدم والسواويق وماأدراك !! مصايب :dيندى لها الجبين !!! مشكلة البعض انه يثق فيهم في البدايه وبدون سابق معرفه !! والنتيجه ياأنهم يسرقونك ولا يسحرونك ولا تحرش ولا قتل:to::to::to: وفيه شي مهم هو تعامل البعض معم وكأنهم عبيد وجواري !! وليسوا بشر !! والبعض يمد يده عليهم وقد تصل النتيجة الى موت الخادمة او السائق وقد حصلت كثييير !!! المشكله هي في الطرفين الخدم والكفيل !! والسبب انعدام الوعي وعدم معرفة كل طرف حدوده وحدود الطرف الأخر في عقد العمل !! اذكر مره مريت بشارع الساعة 6 صباحا وانا رايح للدوام وأشوف واحد من عمال النظافة حقين البلديه واقف يكلم شغاله من شباك الغرفه وكانت بالدور الأول في مجمع شقق وهل البيت في سابع نومه ولا راح يقومون الا اذا شافوا الشغاله وبطنها منفوخ s121ss121ss121s |
الشـغـالات ومـا أدراك مـ الشـغالات ق1 عـندنا شـغاله لها عندنا تقـريبـاً 10 سنـوات :) خلاص عارفـه لـ الـبيت وعـارفه اشغـالها ق1 يـعطيك العـافـية يـ السنـيوره على هـ الموضـوع الي يـفتح النـفس :) |
للأسف الخدم الحين صارو جزء من البيت ,, - بالغالب ببيتكم او ببيت احد اهلك عمك خالك جدك عمتك خالتك جدتك اين كان يكون فيه خادمة او سواق ؟ كيف تعامل اهل البيت معها ؟ من ناحية المعاملة راااقية جداً سواء سواق ولا شغالة << ذكرت واحد من العيال جتهم خدامه أول اسبوع يجيبون لها عشا من برى :cf: - تحبون تطيحون الميانه مع الخدم ؟ يعني انتي يالبنت تسولفين مع الخدامة وضحك واستهبال ؟ وانت يالولد نفس الشيء مع السواق ؟ بالنسبة لي إذا شفت الخادمة في الصالة أفخت للمجلس أي مكان أشوفها فيه ماتشوفون الا غباري ,, مهوب حيا ولا دين بس كذا مااا أطيق شوفتهن:wub: << هو ياختي - مواقف صارت لك مع الخدم ؟ هالموقف صار لواحد من ربعي يقول جدتي عندها شغاله طولت عندها وصار بينهم عيش وملح وسكر :mad: المهم هالشغاله قالت بروح لاهلي وبرجع المره راجت ورجعت وكم شهر الا وهي حامل :jawdrop: قالو للجده ترانا نبي نسرفها عشانها حامل قالت والله لو سفرتوها ان اروح معها ياليييييل المهم يحاولون فيها يحاولون ماطاعت راسها ميبس تسمع بالعشرة المهم خلوها لين خلااااص وصلت معاد تقدر تشتغل حاولو في الجده لكنه ترفض وبشدة قالو أمرنا لله وهي اللي تولد عندهم وتجيب صبي عين الله عليه شو يخزي العين :dead: فلبيني وش حليييله عاد يقول اروح اشوف عيال خوالي الصغيرين والقاه معهم يضحك مبسوط قلت خله عندكم يصير سواق بعدين مايحتاج فيزا وخرابيط .. - نظرتك بشكل عام لهم ؟ والله هي في هالوقت شر لابد منه وبالنسبة لي لو صار ماصار خدم مافيه لكن الشكوى لله << باين ان كلمتي مسموعه في البيت - مساحة حرة تكلم فيها بما يتعلق بالموضوع المطروح .. ما أعجبني الا كلمة حرة ,, الحين عندنا شغالة عجوووووز لين قالت بس إذا اصبحنا اشوفها تقهوى مع جدتي وامي وبيجي يوم اشوفها تومّـرنا نخدمها والحين نفكر نجيب لها خادمه :to: مارفع ضغطي الا هاللي يزورون في جوازاتهم واقاماتهم تطلب شغاله ام عشرين تجيك ام ستين لا بعد وهي تبتسم يعني لعبت عليكم:ranting: تحيتي:rose: |
اهلاً وسهلاً بك السنيوره .. الحديث عن الخدم يطول ويطول , والحقيقه ان من لا يأخذ خذره منهم قد يقع صيداً سهل لهم .. اما بالسحر , او السرقه , او ايذاء اطفالهم او اي امور كانت يفعلها الخدم .. وحقيقه ان بعض العوائل هم المتسبب الاساسي في ايذاء نفسه .. بمعنى ان الاسره متى ما تعاملوا بقسوه وجفاف مع الخادمه راح ترد لهم هذا التعامل بطريقتها اما بسحر او ايذاء او هروب او غيره .. والعكس الصحيح .. كذلك الحال مع السائق .. وخاصه ان وضع السائق اصعب بحكم ان الكثير يؤمن اطفاله وبناته وزوجته معه .. الحمد لله ما اتذكر اننا تأذينا من خادمه .. الا وحده ايام طفولتي كانت تسجنني وتقفل علي :cry: مع ان طلباتي مو كثيره بس يمكن اضيقها شوي s121s وانصح الجميع بان يقوم بالتفتيش ع الخادمه قبل سفرها , فوالله شفنا معهم نصف اغراض بيتنا :s2: ساعات وخواتم وفلوس وجوالات وكل ماتريدون تجدونه بشنطة الخادمه :s2: كذلك يجب ان نحاول ان ندعوا الخادمات للاسلام , فتوعية الجاليات ماراح يقصرون باي شي .. كتب او اشرطه مترجمه حسب جنسية الخادمه .. والحمد لله خدامتنا اشهرت اسلامها قبل اشهر s13s ما اقول الا هم شر ان لم نحسن التعامل معهم .. الله يكفينا شرهم .. والف شكر لك ع الطرح .. وتقبلي احترامي .. دمتي بخير |
والله انا اربع وعشرين ساعه هووشه مع الخدماات .. وقصتك ججدا حلووه .. |
احمد الله ان الموضوع نال استحسانكم :biggrin2: .. نجي للتعليق على ردودكم .. : بريماكس ’ إقتباس:
هلا فيك بريماكس :rose: .. ’ الله يسلمك اخجلت تواضعنا :biggrin2: .. وان شاء الله ما تكون اخر المواضيع s37s إقتباس:
اكيد من ضمن هالبيوت بيتنا ما نعترف بالخدم :biggrin2: .. المشكلة الاكبر دايم من الولد هو الي يرفع الضغط الصراحة يعني اهله يحتاجون لحاجه او مشوار وهو يطنشهم والا يقول بعدين فما ينلامون الاهل لما يطلبون من الوالد يجيب لهم سواق يخدمهم دام ولدهم ما منه خير :biggrin2: إقتباس:
انا الصراحة ما افرق بين الهندي والبنغالي .. اشكالهم وحده :biggrin2: اتحفنا بخبرتك :biggrin2: إقتباس:
ههههههههههههههههههههههه يا حليلها :biggrin2: مثل هالشغالات ينحبون والله :biggrin2: إقتباس:
طبعا تطيح الميانه علشان تسوي لك سندويتش :biggrin2: < النية الطيبه :biggrin2: إقتباس:
وحياك ربي مره ثانية :rose: عقـل الهلال ’ إقتباس:
المره الجايه علمني امسك لك سرا :biggrin2: < برا :s2: إقتباس:
بلحضه حسيت انك تهاوشني :dizzy: ! بس بعض الخدم ما يستاهلون من يدلعهم يمكن ينقلب هالدلع بشكل سلبي ويأثر عليكم بدال ما يخدمونكم تخدمونهم - من قالت طاش ما طاش :biggrin2: إقتباس:
هههههههههههههههههههههههههه جارات :biggrin2: .. مو بس الشغالات يسمونه عشا فطور .. يعني احيانا حنا من ناحية التريقه والضحك نقول عشانا فطور يعني نواشف :biggrin2: إقتباس:
كلامك درر واضافه حلوه للموضوع :smilie47: الله يعطيك العافية :rose: إقتباس:
العفو , وشاكره لك تواجدك وردك بالموضوع :rose: ’ صديق ويلي ’ إقتباس:
الله يسلمك :biggrin2::rose: إقتباس:
هههههههههههههههههههههههههه حاسه كلمة يالعنبا طالعه من قلبك :biggrin2: .. مشكلة لما تكون الشغالة وسخه ولا تتغير من طباعها بتفشكلم لو جاو ناس عندكم :sick: إقتباس:
زين سوت امك :smilie47: .. من ابسط حقوقنا اننا نفتشهم لما يروحون ما نضمن وش خذو والا ما خذو حتى لو جلسو الدهر كله معنا :biggrin2: بس حاسه ان التفتيش قدامها محرج شوي .. المفروض لما تكون موب فيه :biggrin2: إقتباس:
حسبي الله عليها :frown2: .. الحمد لله الي فتح قلب امك عليها مره ثانيه ’ والله يطول بعمرها ويخليها لكم :) إقتباس:
ههههههه زين انها بحفايظ مو بمكان ثاني .. الله يعينكم ويرزقكم بشغاله طيبه وعلى نياتها وتخاف ربها :smilie47: إقتباس:
ههههههههههههههههههههههه وين الهئية عنكم < اول من بتبلغ :tongue: إقتباس:
ابد عادي خذ راحتك :biggrin2: .. ما كتبت الموضوع الا علشانكم :smilie47: ! ونورت الموضوع بطلتك , وخلنا نشوفك مره ثانية :rose: للبقية ’ لي عوده بإذن الله ~ :rose: <!-- / message --> <!-- sig --> [IMG]file:///C:/Users/MRCE9D%7E1.BRA/AppData/Local/Temp/moz-screenshot-7.png[/IMG] |
| الوقت المعتمد في المنتدى بتوقيت جرينتش +3.
الوقت الان » 06:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd