شي ماشفتوووهـ , رادوي يصفق لعزيز , وش قال الدعيع لعيسى المحياني , عصبية ابن مساعد - نادي الهلال السعودي - شبكة الزعيم

حمـ(الهلالي)ــد · #1 16/12/2009, 02:39 AM

السلام عليكم

الحمدلله على الفوز .. الحمدلله على الفوز .. الحمدلله على الفوز

تابعت ردود فعل الجماهير بعد فوز الهلال على الاتحاد وكنت متخوف جداً من ثقتها الكبيرة وكان خوفي الكبير من اللاعبين , فالنفس البشرية معرضة للخطأ والتكاسل والثقة المفرطة والحمدلله تجاوز الهلال هذه الورطة ( بطلعة الروح ) ولكن القادم أخطر واصعب وأشد والجماهير الهلالية مطالبة بالوقوف أكثر وأكثر مع الهلال والوقوف هنا يتطلب الحضور الجماهيري والوقفة المعنوية وتحفيز اللاعبين وعدم تسريب الثقة لهم وعدم الحديث ان الدوري للهلال وان الهلال يتسطيع الفوز في أي مباراة , فالهلال لاشك انه قوي فنياً ولكن لو أخذ اللاعبين الثقة ولم يجتهدو سنفقد نقاط مهمة وخلفنا خصم ينتظر تعثرنا .
امامنا مباراة نجران في أرضه والهلال شاهدناه يمتع ويبدع داخل وخارج أرضه لكن هذا لايعني الثقة المفرطة ولا الخوف الزائد من نجران في أرضه .. ماأريد قوله ان نجران صعب في أرضه واتمنى عدم المبالغة في تهويل الأمر وكأن نجران لايخسر هناك , بل الأفضل هو دعم اللاعبين وحثهم على بذل المزيد من الجهد والتعب ليحصلو على النقاط ال3 ,, فالحديث الهلالي يجب ان يكون ثقة في اللاعبين وحذر تام من التفائل المفرط .

عن الشباب أحدثكم

مشكلتنا ان المنافس هو الشباب .!!!
اقولها لان الشباب لايملك إعلام قوي ولايملك الجماهير ( وللأمانة جماهير الشباب على قلتها الا انها عاشقة ومحترمة وتملك الفكر ويهمها فريقها فقط )
اقول ان الشباب بعيد عن الصخب والاعلام وهذا يجعل مبارياته سهلة جداً جداً مع الخصوم ( مثلاً ) عندما يتقابل الهلال مع فريق ما فإن المتابعة الجماهيرية تكون كبيرة ويحضر الاعلام ويتحفز الفريق المقابل وتنهال عليه المكافئات وتعتبر مباراة نهائي .!! وكل هذا لأن الهلال يمتلك الجماهير والمتابعة الاعلامية الصحفية منها والتلفزيونية عكس الشباب الذي لايواجه هذا الضغط الهائل \,,
قد تكون هذه النقطة في صالحنا طوال الموسم( وهي تسير في صالحنا حتى الآن بفضل من الله ثم ذكاء وخبرة الإدارة وبالأخص سامي الجابر ) حيث ان المباريات اللتي يخوضها الهلال رغم قوتها الا اننا نشاهد هدوء من اللاعبين وعدم انفعال غير مبرر والآن الهلال مقبل على معترك قوي في الدوري تتطلب هدوء تام وتركيز عالي جداً ( تصاريح , ردود فعل , هدوء اللاعبين , تجنب الاستفزازات الاعلامية , ابعاد اللاعبين عن الضغط لان المباريات متقاربة وقوية وتتطلب تركيز منهم ) لذلك اتمنى من الاسطورة سامي قراءة مركزة للوضع وهو الخبير والذكي جدا .

شيء ماشفتووووووووووووووووووووهـ

بصراحة الجو كان بارد وخاصة ان الملعب مشكوف والهواء البارد يجيك من كل مكان ( عشان كذا لاحد يلومنا ) << تراه موجود من الساعة 4 ونص

الله ياهي طقطقة اسنان سمعها يايا توريه

اغلب الجمهور ماجا الا بعد الساعة 6 ونص والظاهر كلهم متوقعين حضور ضعيف لكن المكان الزين راح للزين << مايقصد نفسه

جمهور الهلال صفق للحارس فهد الشمري وبادلهم التحية وعزمنا على العشاء بس كان بعيد ماعرفنا وين المطعم اللي عزمنا فيه

اللاعبين دخلو الملعب وصفقنا لهم كالعادة لكن الحلو في الموضوع ان جيريتس تأخر بالنزول وجا بعدهم بدقايق وصفق له الجمهور ونفس الكلام عزمنا على العشاء بمطعم بلجيكي بس كل الشباب اعتذرو يبون مثلوثة

والله ياهوساوي مجنن الجمهور الهلالي كل ماقرب صاحو الجمهور ( هوساوي هوساوي هوساوي ) والأكيد هالمحبة متبادلة وهالمحبة لأبو كلبشة لانه يلعب بإخلاص مثل كل اللاعبين لكن مستواه ثابت ماشاءالله تبارك الله

بصراحة رادوي له شعبية كبيرة والجمهور دايم ينادي بإسمه وهو يبادلهم التحية بس ماعزمنا بمطعم روماني

اثناء التسخين جات الكورة عند الواجهة وفجأة واحد من الجمهور يصارخ بن شنق هنق وحنا ما فهمنا وش قصته , طلع اللاعب لي يونق جا ياخذ الكورة

مع بداية المباراة كان لمحمد الدعيع وقفة صادقة مع اللاعب عيسى المحياني وكان واضح من طريقة كلامه واشارات يديه ان الدعيع يحث عيسى على شد الهمة وعدم التفكير الا بالتسجيل والحمدلله النجم عيسى ماقصر والله وفقه .

للأمانة حكم المباراة كان سيء جداً وقتل كثيراً من الهجمات واللعب السريع وفي أحد الأخطاء الغريبة من الحكم انفعل الأمير عبدالرحمن بن مساعد ( مع ان الخطأ غير مؤثر وكان بعيداً عن المرمى لكنه كان غير صحيح على الهلال ) بعدها قام الامير عبدالرحمن من مكانه وانفعل بشده والسبب لأن الحكم كان يوقف اللعب من لاشيء ويحتسب أخطاء تعتبر عادية في عالم الكرة .

مع دخول اللاعب خالد عزيز لأرضية الملعب كان رادوي هو الوحيد الذي صفق له طويلاً في مشهد رائع من البطل رادوي يدل على ان اللاعب رادوي قيادي في ارضية الملعب ويفهم في نفسيات اللاعبين .

سامي الجابر كان حماسي بشكل كبير وكان يخشى من خسارة غير متوقعة لذلك كان واقفاً أغلب أوقات المبارة واعترض على الحكم وعدم انتباهه لإضاعة الوقت من لاعبي القادسية .

للأمير عبدالرحمن بن مساعد [ مانت رايق ,, فيك شي ومتضايق ] الله يسعد قلبك ويبعد عنك الضيقة

مافي نقاطي برعاية موبايلي لأن الجوال مفصول

الى اللقاء مع انتصار قادم ان شاءالله