بسم الله الرحمن الرحيم ...

السلام عليكم ورحمة الله وبركاته ...

اقدم هذا الطلب الى ادارة نادي الهلال والى كل من بيده سلطة او كلمة .. من اجل صالح الفريق الهلالي ...

اتوقع انكم ما جبتوا الكاتو عشان تشوفونه يضيع كم كورة ... تذكرونه مع الاهلي وش سوا ؟؟؟ واظنكم ما جبتوه من فراغ ... طيب ليش تشوفونه مستواه هابط وانتو ساكتين ... ليه ما تبحثون عن الاسباب ... ليه ما تحاولون تجهزون اللاعب نفسيا ؟؟؟ ليه ما تجيبون عياله وتريحونه .. بعدين انتوا متفقين معه في العقد انكم تجيبون عياله ليه ما وفيتوا ... الحين جايين تقولون لي لازم التكلفة عليه ؟؟؟ هذي المناورات اتركوها لفرق ثانية ... انا اخاف انكم ناويين تلغون عقده فتقولون ما له داعي نجيب عياله ... رجاء خاص لكم جيبوا عياله وخلونا نشوف اللاعب على صورته الحقيقية .. انا احس ان هاللاعب عنده الكثير عشان يقدمه ... لا تحرمونه الفرصة ولا تحرمونا المتعة وراحة البال بالاهداف والانتصارات اللي احنا كجمهور متعطشين لها ..

انا اسف اذا كان في لومي شيء من الرعونة او القسوة . لكن صدقوني من غيرتي على هذا الكيان .. وانا اتوقع ان جميع الاعضاء متفقين معي ... خصوصا اننا حاليا ما عندنا مهاجمين اطلاقا سوى العلي .. والا وش رايكم يا شباب ؟؟؟؟؟

----- الموهوب اللهلوب ......

يوم الاثنين يوصولون الرياض