عندما اهديت حبيبتي ( هديه ) .. - نادي الهلال السعودي - شبكة الزعيم

بريماكس · #1 15/12/2009, 08:32 PM

السلام عليكم ..

هلا والله فيكم جميع ...

كيفكم مع الشتاء ..؟ تراي اكتب وانا متغرمط بفروتي ومتلهف بالدفايه هـه

امس كنت مع اثنين من الشباب ندووور انا وريان و(دحومي النصراوي)دايم مقلقني بالنصر وكحيلان

رحنا سوى تعشينا ومرينا مجمع تجاري كبير ..

خوينا يقول ان اختي موصيتن عليه تقول فيه مستلزمات رجاليه رووعه ورخيصه => وش رايك تقول اسمهااا

قلنا مايمنع هياااا بنا -->

دخلنا المجمع واعجبني كثير كثير

انا مافي ببالي شئ اشريه كل حاجاتي واغراضي الشتويه مشتريها وفيه اثياب شتويه بتطلع قريب

المهم خوينا اشترى كم جاكيت وكم حاجه وانا ودحومي قررنا نروح لقسم النساء

قلت هييه وش نبي نجي هنا قسم نساء

قال خل نشوف يمكن يجوزلنا شئ ونشتريه لا امهاتنا

امهاتنا !!؟وانت ماغير تطالع ببنات المسملين "علينا"

!!

قعدنا نتمشى ولقينا حاجه اعجبتنا واتفقنا كل واحد يشريها لأمه

شرينا وورحنا لخوينا وصار مخلص .. رحنا نحاسب ..

حسابنا انا وخويي" الهدايا بتااع أمهاتنا

" بمبلغ رمزي جداً

طبعاً .. الهديه بسيطه جداً والبعض يقول ماتسوى ومدري ايش لكن والله له أثر كبير على والدتك ..

فنصيحه من محب .. اذا والدتك على قيد الحياة فهي جنتك وهي والله سبب توفيقك وسعادتك في الدنياء والآخره بر فيها وادخل السرور لقلبه وقدمها على كل مخلوووق

إقتباس


	امي لها بالقلب والجـوف منزلـه مكانـة ماكـل محـبـوب نالـهـا ماشافت اعيوني من الناس غيرهـا ولا خلـق رب الخلايـق مثالـهـا اغلا بشر في جملة النـاس كلهـم واكرم من ايدين المزون وهمالهـا اتبع رضاها ورتجـي زود قربهـا واللي طلبته من حياتـي وصالهـا الصدق مرساها والاشواق بحرهـا والعطف واحساس الغلا راس مالها اهيم فيهـا وابتسـم يـوم قلبهـا يسأل وانا قلبي يجـاوب سؤالهـا وان اطلبتني شـي فزيـت مندفـع اموت أنا واحمـل تعبهـا بدالهـا واصبر على الدنيا والاحزان والتعب واحمل على متني فطاحـل جبالهـا واسهر اعذب راحة القلب بالشقـا واعيش اعاني بس يرتـاح بالهـا تربية ابوي اللي على الطيب بذكرة اللـي وهبنـي الحيـاه ومجالهـا نور لي ادروبي وانا طفل مبتـدي حتى تركني واحـد مـن رجالهـا الوالدين اولـى بالاحسـان لجلهـم وأولى بتكريـم النفـوس وعدلهـا اقولهـا وانـا علـى الله متـكـل والله عليـم بقدرتـي واحتمالـهـا ياكلمة اغلـى مـن النـاس كلهـم ياشمـس بقلبـي بعيـد زوالـهـا يافرحة تملي لـي الكـون باكملـه ياشجـرة تكبـر ويكبـر ظلالهـا تضحك لي الدنيا ليا شفـت زولهـا مثل السمـا تزهـا بطلـة هلالهـا ماعيش ببلاد ولاهيـب بأرضاهـا ولابي عيوني كـان ماهـي قبالهـا أرض ٍ تدوس امي بالاقدام رملهـا اموت فيها واندفـن فـي رمالهـا

==========================

المهم .. مشينا .. مرينا محل (باجـــه ) كلكم تعرفونه اعتقد

لقيت على الباب ملصق فيه .. "مطلوب بائعين سعوووديين "

كلمت العامل اللي يشتغل بالمحل قلت كيف طبيعة المحل لو سمحت

قال الدوام .. 5 ساعات من 4 العصر حتى 9 مساء براتب 1500 ريال ..

وفيه رقم فاكس ترسلهم البيانات ويدقون عليك ..

تفاأجت من كلامه 5 ساعات بس!!حلووو والله للي عاطل ويبحث عن عمل
انا اخذت الرقم ..فيه ولد خالتي توه ماسك سياره وطالب جامعي ..

فكرت قلت يمكن يبي يشتغل ويستفيد من وقته العصر والمغرب بدل من طلعات ودوران وهواش مع اهله هالمراهق

دقيت عليه وسلمت .. واقترحت عليه ..

فرح قال والله اكلم اصحابي امس قلتلهم ودي اشتغل فرااغ

عطيته رقمهم يرسل سيرته الذاتيه واستفسرت ايضاً عن مقر الاداره من شان يروح بنفسه يمهم

الله ييسر امره وامر كل من يبحث عن عمل ..

يا اخوان احيان تشوف اعلان لوظيفه ولا شئ انت مانت بحاجه له ..

انت موظف والله رازقك بعمل مرتاح فيه .. بنعمه انت احمد ربك واشكره .. والله يديمه لك ويوفقك

طيب هل فكرت بغيرك من المحتاجين؟؟ ولد خالتك ولد عمتك صديقك ولد جيرانكم و و ؟

يمكن البعض يقول الحمدلله طيبين ويعرفون مصلحة انفسهم ..اللي يبي العمل يروح ويحصله ؟؟

صدقني احيان الواحد يحبط من قل الوظائف وعلى كذا يقول مافيه شئ

فانت راح تسوي فيه خير كثير لو اخبرت عاطل عن وظيفه .. ومثل هذولي الوظائف ما اقول خلاص اعتمادك عليه للأبد ..

لا طبعاً ..فتره مؤقته فقط .. تمشي فيها احوالك لين تتيسر امورك ويرزقك الكريم بوظيفه سنعه ..

لو سالت نفسك اذا انت بغير عمل .. ايهم افضل جلوسك بالبيت ومقابلت القنوات وفراااااااغ ولا تروح ترزق الله وتستفيد تجارب ...

فكر حبيبي بالموضوووووع والمستفيد انت بالأول والأخير ..

للأمانه قد تكون اول هديه اهديها لوالدتي من آخر سنتين

سؤالي .. هل اهديت والدتك هديه يوم ما .. وماهي ؟

وكيف شعوره .. وشعورك انت واحساسك وانت تدخل السرور الى اقرب الناس اليك !!

اذا .. لا .. مافات شئ .. يمديك اللحين ..
وش يمنعك ماتشتري له الآن اي شئ والاشياء كثيره ..وتحب راسها وتقول يمه هذي هديه مني لك

اعقلها وتوكل ولا يقواك الشيطان وتقول استحي

وسلامتكم ...