أمس .. لا البارحة .. أقصد اليوم.. + شباب وصبايا - نادي الهلال السعودي - شبكة الزعيم

dal3_uae · #1 15/12/2009, 08:11 PM

السلام عليكم ورحمة الله وبركاته ..

كالعاده البدايات صعبة .. لكن المقدمات للموضوع اصعب ..

المهم بخبركم شي .. اقصد أشياااااااااااااااااء ..

في يوم من الايام وليس بالبعيد طبعااا .. هذه الايام ..

حلمت حلم .. اول مرة أحلمه بحياتي >> كم حاء في الجملة

لا صدق والله ..

أمس .. لا البارحه .. أقصد اليوم

>> اختارو انتو اللي يريحكم

حلمت اني طالعه مع أمي .. ورايحه لمحل فساتين .. وانا ماماتي

قاعدين نختار فستان حقي انا ..

وكنت ادور بين الفساتين الفستان اللي يعيبني ..

وفجأة طحت على فستان لونه أبيض

وعيبني واااااااااايد .. وطبعااا اخترته ..

ولبسته ويا على قياسي .. وجان اشتريه ..
وبعدها رحنا لمحل النعول الله يعزكم .. وكنت ابا اختار نعال حق الفستان .. وجان يرن المنبه واقوم ..

قمت مستانسه .. ما ادري ليش .. ؟؟

الحينه ابا منكم .. تفسير الحلم ..

حد يقولي زواج .. >>>>>>>> ما يدرون اني متزوجه

وحد يقولي الجنة >>>>>> آااااااامين يا رب

وحد يقولي مب زين .. الكفن الابيض يعتبر .. >>>>>> يمه اخاااف

الحين عطوني الكلام النهائي .. لحلمي .. وعسى خيره ان شاء الله

::

يقولون اذا الحلم زين .. عادي قوله .. واذا الحلم مب زين تعوذ من ابليس وتفل على يسارك 3 مرات ..
وقوم صلي ركعتين لله تعالى

مرات احلم احلام .. مثلااا مثلاااا .. اقولكم مثلااااااااا ..

انه حد كان يربع ورايه .. وفجأة يوم انش ( اقوم ) ..
اشوف اني معرقه واتنفس كأني راكضة ركض >>

::

على قولة اختيه .. يوم اتشوفنا نرمس عن الاحلام .. اتقوللنا انتو كيف تحلمون ؟؟
انا ما اعرف احلم ..

\

\

\

الحين بطلب منكم طلب ..

شو الحلم اللي حلمته واتحقق معاك ..؟؟

وكنت ابا ارمس عن القمة الخليجية ..

وما تبعهااا من قرارات .. من الناحية السياسية .. والاقتصادية
وبخاصة العلملة الخليجية .. وعدم رد رئيس الوزراء الكويتي لأسئلة الصحفيين ..
والتأخر اللي صار في الجلسة الختامية .. ومحاولة اعادة الامارات للعملة النقدية ..
وتغيير الرئيس العام لمجلس التعاون و ....... و........ و.........
لكني ما بغيت اخرب موضوع الاحلام ..

>> خليتي شي اصلاا ما قلتيه

وبس يعطيكم العاااااااااااااااااااااافيه

وشاركونا في أحلامكم .. السعيده ان شاء الله

ونوم العوافي .. روحو ارقدو وتعالو كتبو احلامكم .. >>جان ارقد ع الكيبورد

بريماكس · #2 15/12/2009, 08:15 PM

متابعه وش شعورك وانا ارد الأول هههههههههههههههههههه

بررب مباراة الهلال

متآبعه بصمت · #3 15/12/2009, 08:49 PM

^
^
بريماكس

شعوري شعور أي مواطن سعودي يشوف اليابان وهو ماكل تبن

يا ربعي تصبّروا واحتسبوا .. فالجنة إن شاء الله

ــــــــــــــــــــــــــــــــــــ

دلع يو أي إي

تدرين انك فله ؟

اسمعي الفستان الأبيض كان حلوو ؟؟ .. تنصحيني أشتري مثله ؟ < علي تفكير ابن كلب

بالله بأرسلك مقاساتي وفصلي الفستان عندكم بأشوف من أحسن خياطينكم ولاّ خياطينا

الجد عاد مانيب يم الأحلام حاليا

هذاك أول قبل لا أعرس عرس الخيبة كنت كل ما أشوف حلم أروح أفسره يقالي بأتزوج إيطالي من كثر النظرة التفاؤلية اللي كنت عايشه عليها

فالنهاية انكبت وكليت تبببببببن

بس أبشرك افتكيت بدري بدري بدري

وجاري البحث عن إيطالي صدقي

لأني ناويه آخذه وأهج لجزر الواق واق

يقولون فيها وظايف زينه

بس ما أدري إذا فيه وظايف للتربية الخاصة ؟

وإذا ما فيه يمدحوووون مهنة (الشحاذه) بس بذووووق

ـــــــــــــــــــــــــــ

أتمنى لكِ أحلام سعيدة يا أُختي ويا حبيبتي ويا رَيحانة قَلبي

dal3_uae · #4 20/12/2009, 07:19 PM

إقتباس

الرسالة الأصلية كتبت بواسطة بريماكس


	متابعه وش شعورك وانا ارد الأول هههههههههههههههههههه بررب مباراة الهلال

>> انا معصبة منك ..

يوم انك ما ترد .. واتابع مباراه .. شعنه اتخرب على متابعه

جان خليتها الاولى ..

>>>> مو لك .. للهلال لانه فاز بالخمسة

dal3_uae · #5 20/12/2009, 07:29 PM

إقتباس

الرسالة الأصلية كتبت بواسطة الزعيم020


	.. .. .. .. بين الشوطين والهلال كان ضاغط الشوط كامل + هدف القادسية مدري وش يبي >>>>>> خربت الموضوع ولكم اخت دلع الصراحة ما لي بتفسير الاحلام لكن شكل الكفن يناديك >>> يا ثقل دمك والمزح وبالنسبة لي ما اتذكر اني حلمت حلم واتحقق لي >>> كلها احلام اكشن عوآآآآفي على الموضوع

ليش اتخرب موضوعي .. حد رمس عن الكورة في الموضوع ..؟؟

>> امزح .. خذ راحتك ..

مرحباا بالكفن يا هلا به ..

انما الاعنال بالنيات >> شو يخصه ..

احلى ما في الحياه احلام الاكشن

.. اتحس انك عايش الجو

>> بالله .. !!!!

الله يعافيم يا رب ..
شكرا ع المرور

إقتباس

الرسالة الأصلية كتبت بواسطة متآبعه بصمت


	^ ^ بريماكس شعوري شعور أي مواطن سعودي يشوف اليابان وهو ماكل تبن يا ربعي تصبّروا واحتسبوا .. فالجنة إن شاء الله ــــــــــــــــــــــــــــــــــــ دلع يو أي إي تدرين انك فله ؟ اسمعي الفستان الأبيض كان حلوو ؟؟ .. تنصحيني أشتري مثله ؟ < علي تفكير ابن كلب بالله بأرسلك مقاساتي وفصلي الفستان عندكم بأشوف من أحسن خياطينكم ولاّ خياطينا الجد عاد مانيب يم الأحلام حاليا هذاك أول قبل لا أعرس عرس الخيبة كنت كل ما أشوف حلم أروح أفسره يقالي بأتزوج إيطالي من كثر النظرة التفاؤلية اللي كنت عايشه عليها فالنهاية انكبت وكليت تبببببببن بس أبشرك افتكيت بدري بدري بدري وجاري البحث عن إيطالي صدقي لأني ناويه آخذه وأهج لجزر الواق واق يقولون فيها وظايف زينه بس ما أدري إذا فيه وظايف للتربية الخاصة ؟ وإذا ما فيه يمدحوووون مهنة (الشحاذه) بس بذووووق ـــــــــــــــــــــــــــ أتمنى لكِ أحلام سعيدة يا أُختي ويا حبيبتي ويا رَيحانة قَلبي

متابعه .. يا مرحباا بج ..

هههههههههههههههههـ طرشي مقاساتج وبفصل لج .. وله اقول ما يحتاج مقاساتكم انتو السعوديين مقاساتكم كلها نفس الشي

.. بشوف لي اي سعوديه في دبي

.. وبمسكها وبخليها اتقيس ..

ترى سمعت انه الايطاليين مب زينين .. بس بيقعدولج وبيحطولج الطاقية ع راسهم .. وخلاااص ..

يا عيني ع الشحاذة ..

والله اسميج بتربحين .. واااااايد ..

::

شكرا ع مرورج ..

dal3_uae · #6 20/12/2009, 07:40 PM

إقتباس

الرسالة الأصلية كتبت بواسطة الشيهـانه


	دلع لحظة شوي بس بروح اتصل على مفسر أحلام بفسر حلمتس وارجع ^ ^ ^ ^ ^ ^ ^ ^ ^ ^ ^ دلع يقولتس اذا فستان ابيض وجزم يعني زواج قريب جدا والعبرة بالجزم اذا انتس تتقوسينهابالحلم يعني ترددين في الموافقةعلى الزوج<<<<موكأني الفت حلم جديد ^ ^ ^ واذا متزوجة ^ ^ ^ ^ ^ ^ ^ يقول عفوا لا أود تفسيره لأانه شكله خطيييييييييييير ,,,,,,, مايجيتس الخطر ان شاء الله هلاو مرحبا بدلوعة الامارات عاد تدرين انا بصراحة واللهي اغلب حلومي تتحقق ويأانها بعض الايام تخووووف بعد بس عساي ماحلمبكم قولوا امين ,,,, والله من كثرها ماادري وش احصي منها أقصد اللي تحققت بس تخيلي بس المشكلة الاشياء اللي ابيها ماتطيع تجي بالحلم بس مشغولة احلم بخلق الله وكأني ملزومتنبهم واخبارهم واحققها لهم اناوحلومي ,,,,,, الاعلى طاري القمة وش صار وافقتوا تنظمون للعملة ولا للحين معـــاندين وتتغلون ,,,, مشكوررة يادلع والله ان موضوعتس حلوووو خصوصا حلمتس شي صراحة تسلمين يالغلاماننحرمش منك

ما يحتاج خيتووو .. اتصلت انا .. وفسر لي اياه ..

انا متزوجه .. وعندي بنت بعد ..

يعني تفسيره مب زواج ..

هههههههههههه اذا صدق ما يبى يفسره عادي .. احسن بعد ...
انا ما اخاف ترى

حياج الله .. ومرحبااا بج .. >> تو الناس ..

الله لا يخليج تحلمينا اذا احلامج مب زينه ..
بس اذا كانت زينه ان شاء الله تتحقق .. يا رب .

ههههههههههههههـ حلوة هاي ملزومة بهم .. ( خلق الله )
صدقيني اذا تميتي اتفكرين بالشخص اللي تبين تحلمين فيه ما راح تحلمينة ..
خل عنج التفكير .. وبييج في حلمج فارس الاحلام

::

القمة لا فديتج ما انظمينا لهااا .. ولا نبى بصراحه ..

لا معاندين ولا نتغلى .. ما اتخيل عمري اقول هذا بكم خليجي ..؟؟ وله بكم دينار ؟؟ وله بكم ريال ..؟؟ >> مب قصور فيهم .. لكن متعودين ع الدرهم

وما نقدر اتغيره ..

العفو حبيبتي .. حضورج الاروع .. وما ننحرم منج بعد ..

خلاص كلما احلم حلم بي وبنزله هني ..

يعطيج العافيه ..

إقتباس

الرسالة الأصلية كتبت بواسطة زعيم يعشق الزعيم


	كنت راح اقول انك ان شاء الله بتتزوجين بس يوم عرفت انك متزوجة.. قلت خل تفسير الحلوم لأهله . . اما عن احلامي ..... انا أحلامي سواليف وحوسه احيانا احلم حلم طويل..... اقوم احاول اتذكر الحلم ماأقدر ماأتذكره الا اذا جيت انام مره ثانيه اما الحلم اللي حلمته وتحقق.... فلا تعليق عوافي دلع.. واحلام سعيده

ههههههههههههههههـ حياك الله ..

الزواج خلاااص اتزوجت ...

يعني ما شي امل ايني خطيب ثاني ..

عسى الحلم اللي حلمته اوكيه اللي اتحقق ..

الله يعافيك .. واسعدني تواجدك ..

dal3_uae · #7 20/12/2009, 07:48 PM

إقتباس

الرسالة الأصلية كتبت بواسطة the king yasser


	الظاهر والعلم عند الله انك بتموتين قريب <<<< سقها الله لا يهينك ان شاء الله يتحقق الحلم بشي زين ومايكون العكس ان شاء الله

يا هلااا به .. ويا مرحبااا به ..

مستعدين اتم الاستعداد ان شاء الله ..
والله يررحمنا برحمته يا رب ...

ان شاء الله خير ..

شكرا ع المرور ..

إقتباس

الرسالة الأصلية كتبت بواسطة ^ العنود ^


	لحد يفسر الحلم ,, لان الحلم يقع على مايفسر قولوا خير ان شاء الله وخلاص ,,, انا قريب حلمت اني اخذ عمره واشتري من واحد قران واهديه حق اخوي ,, طبعا دقيت على الشيخ وقال تفسيره بتعرفونه قريب

حيا الله العنود .. مبروك عقد القران ..

عقبال العرس ان شاء الله ..

صدقتي بهالشي .. عاد اهني كل حد فر الحلم على كيفه ..

ما يندرى يمكن يتخربط وهو يتفسر ..

قسم بالله نقعت ضحك على .. يوم دقيتي .. على المفسر وقالج انه بتعرفونه قريب ..

الله يخس ابليسج ..

وان شاء الله خير ..

حياج الله ..

إقتباس

الرسالة الأصلية كتبت بواسطة زعيم الكل 14


	.. اماا الاحلام شي ثاني .. العن حلم بالدنيا يجيي واحد يلحق بيذبحك وانت تمشي بشويش <<<< كيف الاكشن ..

هلا ومرحبا الساع ...

ههههههههههههههـ اكشن لااا ..
كشخه والله .. ويوم اتقوم اتحس انك معرق وكانك راقد .. وله اتصارخ ..

حياك الله ..

ỳάṡṣẻя · #8 15/12/2009, 08:36 PM

..
..
..
..

بين الشوطين والهلال كان ضاغط الشوط كامل
+
هدف القادسية مدري وش يبي

>>>>>> خربت الموضوع

ولكم اخت دلع

الصراحة ما لي بتفسير الاحلام لكن شكل الكفن يناديك >>> يا ثقل دمك والمزح

وبالنسبة لي ما اتذكر اني حلمت حلم واتحقق لي >>> كلها احلام اكشن

عوآآآآفي على الموضوع

الشيهـانه · #9 15/12/2009, 09:26 PM

دلع لحظة شوي بس بروح اتصل على مفسر أحلام بفسر حلمتس وارجع

^
^
^
^
^
^
^
^
^
^
^
دلع يقولتس اذا فستان ابيض وجزم يعني زواج قريب جدا
والعبرة بالجزم اذا انتس تتقوسينهابالحلم يعني ترددين في الموافقةعلى الزوج<<<<موكأني الفت حلم جديد

^
^
^
واذا متزوجة
^
^
^
^
^
^
^
يقول عفوا لا أود تفسيره

لأانه شكله خطيييييييييييير

,,,,,,,

مايجيتس الخطر ان شاء الله

هلاو مرحبا بدلوعة الامارات

عاد تدرين انا بصراحة
واللهي اغلب حلومي تتحقق

ويأانها بعض الايام تخووووف بعد

بس عساي ماحلمبكم قولوا امين

,,,,
والله من كثرها ماادري وش احصي منها

أقصد اللي تحققت بس تخيلي

بس المشكلة الاشياء اللي ابيها
ماتطيع تجي بالحلم

بس مشغولة احلم بخلق الله
وكأني ملزومتنبهم واخبارهم واحققها لهم اناوحلومي

,,,,,,

الاعلى طاري القمة وش صار
وافقتوا تنظمون للعملة
ولا للحين معـــاندين وتتغلون

,,,,

مشكوررة يادلع

والله
ان موضوعتس حلوووو

خصوصا حلمتس شي صراحة

تسلمين يالغلاماننحرمش منك

زعيم يعشق الزعيم · #10 15/12/2009, 09:59 PM

كنت راح اقول انك ان شاء الله بتتزوجين

بس يوم عرفت انك متزوجة.. قلت خل تفسير الحلوم لأهله

.
.

اما عن احلامي ..... انا أحلامي سواليف وحوسه

احيانا احلم حلم طويل..... اقوم احاول اتذكر الحلم ماأقدر

ماأتذكره الا اذا جيت انام مره ثانيه

اما الحلم اللي حلمته وتحقق.... فلا تعليق

عوافي دلع..

واحلام سعيده

the king yasser · #11 15/12/2009, 10:10 PM

الظاهر والعلم عند الله انك بتموتين قريب

<<<< سقها الله لا يهينك

ان شاء الله يتحقق الحلم بشي زين ومايكون العكس ان شاء الله

^ العنود ^ · #12 15/12/2009, 10:17 PM

لحد يفسر الحلم ,,

لان الحلم يقع على مايفسر قولوا خير ان شاء الله وخلاص ,,,

انا قريب حلمت اني اخذ عمره واشتري من واحد قران واهديه حق اخوي ,,

طبعا دقيت على الشيخ وقال تفسيره بتعرفونه قريب

زعيم الكل 14 · #13 15/12/2009, 10:17 PM

..

اماا الاحلام شي ثاني ..

العن حلم بالدنيا يجيي واحد يلحق بيذبحك وانت تمشي بشويش

<<<< كيف الاكشن

..

أمـيـر · #14 18/12/2009, 05:47 PM

إقتباس

الرسالة الأصلية كتبت بواسطة زعيم الكل 14


	.. العن حلم بالدنيا يجيي واحد يلحق بيذبحك وانت تمشي بشويش <<<< كيف الاكشن ..

ههههههههههههه حسيت بـ معآنآتك..

شو الحلم اللي حلمته واتحقق معاك ..؟؟

مآأحلم أحلآم صدقيه..

يآأكشن

ولارومنصيه..

>

يعطيج العآفيه .. إن شآء الله يكون حلمك خير ..

ام متعب التميمي · #15 15/12/2009, 11:28 PM

إقتباس

الرسالة الأصلية كتبت بواسطة dal3_uae


	يقولون اذا الحلم زين .. عادي قوله .. واذا الحلم مب زين تعوذ من ابليس وتفل على يسارك 3 مرات .. وقوم صلي ركعتين لله تعالى

اسمها انفث موب اتفل نعنبوا بليستس كان على اتفل فكتفي اليسار اغلس من كثر التفال

اشوى انها نفث بس

عاد تدرين انا قبل اتزوج عمري ماحلمت

ومن تزوجت كلها حلوم تروع الله يكافينا الشر

دلووووووع

معناة حلمك ان قلبك ابيض وخلي عنك تفسير الاحلام واتكلي ع ربك

ماعندنا الا وحوش تفاسيرهم تخوووف

تحياتي