يا جماعه وش رايكم في بدر الخراشي هل تتوقعون انه يصير خليفه سامي
 

بسم الله الرحمن الرحيم
السلام عليكم
صراحه بعد مشاهدتي مباراه الهلال والشباب والمباريات التي قبلها لاحظت ان بدر الخراشي مستواه يتطور من مباراه الى اخرى وانا اامل على هالاعب كثير وان استمر على هذا المستوى اتوقع له مستوى كبير لاكن ما اخشاه على الاعب هو ان ينغر بنفسه ولاكن لازم يحافظ على مستواه لاني اتوقع انه يصير خليفه سامي ان شاء الله

والله الاعب الخراشي بدايته حلوه بس زي ماقلت اهم شي لاينغر بنفسه,,,,,,,

بس لاتقرنوه بالذيب لان المقارنه صعبه

لاكن الاعب يعجبك في قتاليته على الكوره

والله يوفقه

ومشكوووووووووووووووور يايوسف الفن

ليش لأ بدر عجبني من شفته اول مره مع منتخب الشباب وإن شاءالله يصير من نجوم الهلال بس يطور مستواه من مباراة لمباراة ويحافظ على صحته ولا ينغر إنشاءالله والله يوفقه ويفق الهلال.

تو الناس اصبروا شوي..
تونا على المقارنات والخلايف.......

ما أقول الى الله يخلف علينا:confused: :confused: :confused:

من نشوف واحد يلعب مبارتين انقول هذا خليفة ذاك

وبعد كم شهر نطيح فيه سب!!!!!!!!!!!!!

ونقول الاعب اغتر بنفسه..........

اصبرو عليه شوي واحكمو

بدر يمتلك مهارات جيدة ،و اتمنى ان يتطور مستواه اكثر و اكثر:)

اصبرو على الرجال ولا تقارنونه بأحد خلوه يكتسب شخصيه خاصه فيه .. اللاعب بدايته ممتازه بس لازال يحتاج الكثير..

والله ياشباب بداياته كانت مشجعه والحمد لله استمر والله يستر علية من الغرور

الله يهديك بس..الحين تقول اخاف انه ينغر بنفسه..وبعدها على طول تقول اتوقع يكون خليفة سامي..!!! ياعزيزي اجل اللي انت خايف منه تراه بيصير...دام كل واحد فينا بيقعد يتوقع انه بيصير خليفة سامي ..خلاص اجل..اكيــــــــد انه بيحس انه سوا شي عظيم ويبدا اللاعب ينغر وبقوه بنفسه وكل هذا بسبب( اتوقع انه يكون خليفة سامي..!!) ..ياليت ياجماعة الخير اننا نشجعه وبدون القاب او مسميات..خلوا الاختراعات بعدين..الحين..خلونا نشوفه ونفرح بهدوء فيه..وان شاء الله ربي يوفقهم ويسهل طريقهم :)

بدر بيضيع بسبة المقارنات

وعلى فكرة الهلال طوال تاريخه لم يخلف لاعب لاعب آخر كل جيل يطلع لاعبين متميزين

اخوي يوسف الفن ترا سامي لاجابو في الملاعب ولابجيبون.

السلام عليكم
هو صراحه لاعب مستقبله واعد بس انتم لا تومون تتكلمون في الموضوع وبعد يغتر ونخسره ونتحسف بعدين
وهو لاعب توه صغير يعني مفرض ننتقده نقد بنائي حتى يطور مستواه ليرضي الجماهير والناس اللي تنقده

هذا خليفة المغيربي اذا كنتم تذكرونه

لكن اتمنى له التوفيق

بس تبعدونه عن المدح المبالغ فيه

الاعب / بدر الخراشي له مستقبل كبير صراحه من مبارة النصر والاعب جالس يتطور من مبارة الي اخري لانه استفاد من عدم جدوي الاحتفاظ بالكره والانانيه الغير مجديه وهدف حسين العلي ضد الشباب دليل علي التعاون, وايضا الحركه وعدم اللعب علي الواقف والبحث عن الكره من مميزات الاعب المهاجم الناجح واعتقد ان الحكم عليه الان هي نهاية الاعب لن بدر لازال في بداية الطريق ومقارنته بالاعب الدولي والكبير سامي الجابر ظلم لبدر الخراشي . فانصحه بالصبر وعدم الغرور وعدم الالتفات لمايكتب من مدح وذم وان يواجه الحاقدين بالرد عليهم في وسط الملعب كما يفعل المبدع دائما الكبير سامي الجابر ( جابر عثرات الهلال ) . . والله يوفقك يابدر وانشاءالله تكون بدرا علي الهلال .