مباريات الهلال الآسيوية في الملز .. نظرة فنية ثاقبة إن حصلت !! - صفحة رقم 7 - نادي الهلال السعودي - شبكة الزعيم

الساهر99 · #91 15/12/2009, 07:23 AM

اوافقك الرأي اخوي
ملعب الملز مساحه قصيره والتمريرات فيها مره
حلوه ولعب سريع لضيق الملعب المناسبه للهلال اما في الملك فهد

الملك راؤول · #92 15/12/2009, 11:07 AM

أتمنى أن يكون صدى الموضوع قد وصل لأحد رجالات الهلال ..

يعطيكم العافية جميعا ..

عبورة · #93 15/12/2009, 11:20 AM

أوافق كلامك استاد الملك فهد شؤم علينا

جريــح الوقــت · #94 15/12/2009, 11:25 AM

وأرجو أن يُعطى هذا الموضوع زخماً لكي ينتشر ويُطبق ...

ملعب الملز مساحه قصيره ..

ولعب سريع لضيق الملعب المناسبه للهلال

كل الحكايه اني هلالي · #95 15/12/2009, 11:36 AM

الفكرة حلوة كثير بس للمعلوميه يمكن الهلال يستضيف النهااائي أبطال أسيا وأن شاء الله يكووون يملعب المللك فهد مع أني مع ملعب الملز مع انه بعيد عني لاكن كل شي يهووون لأجل الزعيم

الجلمود الهلالي@@ · #96 15/12/2009, 11:46 AM

كلام كبير واتمنى ان تصل الفكرة لشبيه الريح وسرعة التنفيذ علشان لايقولون جيتوا متأخر

king of ring · #97 15/12/2009, 03:17 PM

والله انك صادق في كل كلمه قلتها

الله يعيطك العافيه على موضوعك ياخوي

تركيـ...هلاليـ... · #98 15/12/2009, 03:34 PM

والله اتمنى ان مباريات الهلال جميعها في ملعب الملز .,.,

اتوقع 200% ماهو 100% بل 200 % ان الهلال يلعب في الملز افضل من الاستاد الملك فهد وحتى المنتخب اتوقع ينهزم من الملعب لو يحطونها في الملز افضل بكثيررر

&الزعيـــ1000ــــم& · #99 15/12/2009, 05:11 PM

اولا .. بالفعل موضوعك جاء في وقته مع ان اول مباراة في دوري الابطال بعد شهرين تقريبا .. لكن يضل الموضوع ارض خصبة للنقاش .. اسمح لي ابدأ بمناقشة الاخوان اللي يبون المباريات في الاستاد بحكم قربه من المنطقة الشرقية والمناطق الاخرى .. صدقوني .. ان صارت المباريات في الملز .. انا اضمن لكم الملعب فل .. موب قصور فيكم .. لكن حطوا في بطونكم بطيخ صيفي على قولتهم .. لان مكان الملعب مناسب لوقوعه في وسط المدينه .. وقربه من جميع الاحياء .. وانتوا ليه تعنون انفسكم بالحضور ؟ ارتاحوا والله تعب .. وان كنت تقول تبي تناظر الهلال حياك ولا تخاف على التذاكر .. راسلني خاص وابشر ..

لكن كون المباريات تصير في الملز .. هذا افضل وبالذات من الناحية الفنية وهي الاهم .. وقرب الجمهور من اللاعبين والدور والدعم النفسي اللي راح نستفيده من لعبنا على الملز ..والاخوان اللي قبلي ماقصروا بنقاشهم المفيد .. وانا كنت افكر امس في الموضوع هذا ..

اتمنى .. اتمنى .. اتمنى الموضوع يوصل للادارة مع اني متأكد انهم فكروا في الشي هذا .. بس الامنيات بريال

بالتوفيق للزعيم اليوم

<< يفكر يحضر مباراة اليوم

ابوفهد الزعيم · #100 15/12/2009, 05:24 PM

مشكور اخوي على الموضوع والله يعطيك العافية وسلمت اناملك

اما انا فمن وجهت نظري انه انسب ملعب للهلال (( معلب الأمير عبدالله الفيصل )) جده (( ملعب الأمير فيصل بن فهد )) الملز

بعيداً عن التشاؤم والتطير فنحن مسلمين ولا نؤمن بالشي هذا ابداً

ولكن استناداً الى النتائج فأنا متفائل بهذين الملعبين عكس استاد الملك فهد

دمتم بود وبالتوفيق للزعيم في أي ملعب بالعالم

أبــو بــنـدر · #101 15/12/2009, 05:40 PM

يعطي ألف عافية أخوي

الموضوع جداً مهم ،، وأنا أوافقك الرأي تماماً

وبخصوص النقطة الي تكلم عليها الأخ هلمجرا ( قرب الجمهور من الملعب )

لا يقصد فيها موقع الملعب في المدينة بل يقصد بها قرب المدرج من أرض الملعب بعكس استاد الملك فهد الذي يتسع المضمار فيه بشكل كبير مما يبعد المدرجات عن الأرضية واللاعبين بشكل كبير ، وهذا الأمر مهم جاً وله تأثير قوي ففي استاد الملك فهد لا تكاد تسمع صوت الرابطه وما يتم ترديده اذا كنت في الواجهة والرابطه بجانب المنصة ، أما في استاد الأمير فيصل ، فبإمكانك سماع كل الأهازيج من الرابطة وأنت بجانب اللوحة الإعلانية أي في أبعد جزء في المدرج عن موقع الرابطة ، أيضاً يمكن سماع الجمهور والتشجيع بشكل واضح جداً داخل الملعب بعكس استاد الملك فهد الذي يبعد الجمهور مسافة طويلة وتضيع الأصوات في المساحات قبل وصولها لأرض الملعب .

كل التوفيق للزعيم في دوري آسيا.

وكل التوفيق للزعيم اليوم مع القادسية في دوري زين .

الاخــطــبــوط 1 · #102 15/12/2009, 05:57 PM

ماشاء الله عليك موضوعك يدل على انك فاهم كووره.
انت صادق اخووي الملز يفيد الهلال اكثر من الاستاذ خاصه اذا كان الهلال يلعب امام فريق يلعب مقفل ويلعب على المرتده.
الله يعطيك العافيه

.yousef · #103 15/12/2009, 08:43 PM

اهم شيء النقاط الثلاث اليومـــ
___________________________________

xx911 · #104 15/12/2009, 09:57 PM

مساحة الملعب موحدة في كل دول العالم اما اللي يتكلم ويقول مساحة ملعب الملك فهد مختلفة عن الملز
اقول اي ملعب في العالم مساحته 110 متر في 70 متر ولايختلف ملعب اولد ترافورد عن ملعب الامارات او حتى نوكامب او الملز ...

لان مساحة العشب واحدة والركض في ملعب الملك فهد زي الملز بالضبط زي ملعب كليه التربية البدنية ...

الذي يختلف ياعالم هو مساحة الملعب ووعدد المقاعد وقرب الجمهور فقط لاغير ام الجزء العشبي فهو موحد في كل ملاعب الدنيا....

هلااالي وأفتخر · #105 15/12/2009, 10:30 PM

شوف.. كلامك فيه نوع من الصحة

وبحسبة بسيطة أجريتها اعتمادا على إن الأرقام اللي حطيتها إنت صحيحة..

تطلع مساحة ملعب الملك فهد أكبر من مساحة الملز بـ 28% من مساحة ملعب الملز ..

يعني لو فرضنا إن اللاعب يقطع في الملز مسافة 8 كيلو متر في المباراة ..
ففي الاستاد لازم تزيد المسافة إلى 10.250 كيلو متر حتى يبقى الفريق يلعب بنفس الرتم ..
وهذا يوضح أكثر إن مساحة الملعب لها تأثير ..

لكن.. الفريق لو وصل للأدوار النهائية بيقابل فرق يابانية وأسترالية ملاعبها نفس استاد الملك فهد
ووقتها بتكون فكرتك عليهم مش لهم !

والفريق إن بغى ينجح.. لازم يتعود على كافة الملاعب سواء كانت صغيرة أو كبيرة..
لأنك خارج أرضك لن تستطيع أن تختار مساحة الملعب ..
خصوصا في النهائي ،،

** إضافة:-
أما إذا كن السبب الحضور الجماهير فأنا أختلق معك بشدة..
لأن اللي متابع مباريات الهلال في الآسيوية يعرف إن 80% من مباريات
الزعيم في الـ 4 سنوات الماضية حضرها 50 ألف مشجع هلالي على الأقل..

يعني الحضور الجماهير في البطولة الآسيوية ما منه خوف ،،