السلام عليكم ورحمة الله وبركاته

الف الف الف الف الف مبروووووك يااااا زعماااااء

صدقت يا ابو سلطان لايوجد الا كبير واحد انه الهلال ولا غيره .. والكبير الله سبحانه وتعالى

ما يخص المدرجات التي تراقصت فرحا وطربا بالالحان الهلاليــــــه وكاننا في حفله غنائيه يقدمها


اساطير الفن خالد عبدالرحمن .. ومحمد عبده .. ويخرجها لنا الفيلسوف الكبير جريتيس


الساعه4.00 عصرا تواجدت في الملعب ودهشت من الحضور الكثيف خارج وداخل الملعب

اشتريت التذكرة وبدات رحلة البحث عن كرسي للجلوس وفجاة شاهدت مجموعه من الاصدقاء

تعرفت عليهم من خلال مبارايات الهلال السابقه وتكيت معهم ( ما عاد فيه فصحى بعد هالسطر )

4.45 مدرجات الواجهه السفليه شبـــه امتلاء .. وكانت الاحاديث كلها عن المباراة وخصوصا

عن ياسر القحطاني حيث اغلبية من كانوا حولي حديثهم هو ياسر وانخفاض مستواه ..

في نفس التوقيت جاء 3 لا اعرف هم مندسين او هلاليين ولكن ...

بداو بترديد عبارات نيجريا فجاءهم الرد وبقوة بان جميع من في المدرج قاموا سكتوهم في منظر رائع

يدل على مستوى الوعي الذي وصل اليه جمهور الزعيــم بعدها شالوا انفسهو وراحوا ( لو انهم هلاليين

كان اجلسوا )

4.55 امتلاء واجهة استاد الامير فيصل بن فهد بالجمهور الهلالي الوفي واللي ما قصر

5.05 اذان المغرب وبدا الجمهور يقوم للصلاة دفعات البعض يحجز والاخر يصلي ويرجع

بعد الصلاة ارتفع ضغطي من بعض الجمهور اللي يجي ويسوي فيها زعلان يقول ليه الحجز

طيب فيه ناس من الساعه ثلاثه جالسين وتجي حضرتك وتبي تجلس اذا طبقوا المقاعد المرقمه تعال قبل

المباراة بخمس دقائق قبل ما يصدر القرار كلن حر في تصرفه اللي يبي يحجز يحجز واللي يبي يتاخر يتكي

ورا المرمى .

5.30 بدات الرابطه باهزيجها الغير مقنعه وبمايكات ضعيفه جدا يالله يالله نسمعهم

6.00 شبه امتلاء لمدرجات الاستاد مع وجود الكثير خارج الملعب لم يتمكنوا من الدخول

كانت اجواء فيها من الحماس الشي الكثير وبدا الجمهوور بعمل الموج اكثر من مرة والزلزال الهلالي

6.30 امتلاء الاستاد عن اكملــــه ولا يوجد مكان حتى للابرة وكل هذا لعيون الزعيم .

بعدها اذن العشاء وسط ترقب الجميع دخول اللاعبين ورؤية التشكيلة .

6.55 دخول لاعبي الهلالي يتقدمهم الكبير والعملاق محمد الدعيع وسط تصفيق حار جدا

وترديد لاسامي اللاعبين وخصوصا الثلاثي بالترتيب اسامه هوساوي ياسر القحطاني ويليهامسون

بدات تمارين اللياقه الهلاليه والتشجيع الحار الهلالي الذي تحمس مع تمرين التسديد على المرمى

تفاجا الجميع بتشكيلة اللقاء وكون الفريق سيلعب بمحور واحد فقط وكان البعض وانا اولهم دب الخوف الى قلبه

7.15 دخل اللاعبين الى غرفة الملابس استعدادا للقاء الكبير .


7.30 دخل الفريقان الى ارض الملعب وسط تصفيق حار جدا للاعبين الذين بادلو الجماهير التحيه

7.40 بدا اللقاء وكان الجمهور على اعصابه وخصوصا بعد هجمة النمري في اول دقيقة

الدقيقة السابعه من المباراة حدث زلزال في مدرجات الاستاد بعد هدف ويلهامسون ( نجم المباراة الاول)

واستمر الجمهور بالتشجيع والمؤازرة للاعبين وخصوصا مع هجمة اسامه هوساوي الذي قوبل بتصفيق

حار جدا جدا جدا جدا جدا .

بعد مرور نصف ساعه من المباراة اهتزت المدرجات مرة اخرى ابتهاجا بالهدف الثاني لنيفيز ( نجم المباراة الثاني)

بعدها كان الجميع خائفا من تكرار سيناريو الشباب حتى انتهى الشوط الاول فتنفس الجمهور الصعداء

مع ابتداء الشوط الثاني كان الجمهور باردا وكأن ليس بالملعب الا ابو غندر بلحاله حتى الدقيقه 53

حيث هدف نيفيز الثاني له والثالث للهلال لتنطلق بعدها امواج الهلال لتعانق السماء فرحة وابتهاجا

بعد هذا الهدف كان الجمهور واقفا ولم يهدا لياتي الهدف الرابع الذي جعل الجمهور يتراقص بهستيريا

بعد هذا الهدف كان الجمهور يتمنى ان ياسر يسجل هدف ليكمل الفرحه كونه اللاعب المحبوب

ولكن لم تكتب له وفعلها ويليهامسون ووضع الهدف الخامس ..

بعد الهدف بدا الجمهور يطمع بهدف سادس حيث ان الرقم خمسة لم يستطع الهلال كسره هذا الموسم


وبدا الجمهور بترديد عاوزين ايه ما تاوموا تروحوا .. في شهر الحجة يالله على جده





بعده اطلق الحكم صافرته معلنا نهاية المباراة وتعالت الاصوات وذرفت دموع الفرح

وقدم لاعبي الزعيم لتحية الجمهور ومعهم ابو فيصل جعله ذخر للهلاليين

وفي الخارج كانت الفرحه تملا المكان وتجمع الجمهور حول سيارة اتحاديه كانت تحاول اغاظة الهلاليين

وجاهم اللي يستاهلونه ما حد قالهم يتمحرشون ..

نقاط ضرغاميه ...

1/ اعجبني تصريح ابو فيصل بعد المباراة وباذن الله الدوري هلالي

2/ياسر القحطاني قدم اجمل مباراة له منذ سنتين ولا يعني ذلك انه كان في ابهى صوره ولكن عساها تكون

بداية العوده الى العهد الجميل الذي نعرفه عن القناص

3/ ويليهامسون ونيفيز ومحمد الدعيع كان ردهم قاسيا على كل المنتقدين وخصوصا اللي يقول السرعه والتسرعه

4/اعجبني وعي الجماهير وهم يوفقون من قال نيجريا عند حده وهذا اللي نبيه

5/ رغم الخماسيه الدوري لم ينتهي فكل اللي راح لا يكون نافعا ان تهاون الفريق او قلت المؤازرة الجماهيريه

6/ الثلاثاء القادم ساكون بالملعب ان شاء الله نريد الملعب كما كان امام الاتحاد فكونوا في الموعد

7/ بالشكر تدوم النعم .. الحمد لله على الفوز . الحمد لله على الفوز . الحمد لله على الفوز . الحمد لله على الفوز
الحمد لله على الفوز

8/ تعمدت ان اكرر خمس مرات في بعض المواقع تماشيا مع الفوز التاريخي

9/ اشكركم على المرور .. واتاسف للاطالة واهديكم البيت التالي

تدري بعلة واحدن منك منصاب ..... اللي بقلبه لك يقوله لسانـــــه