تدرون كل اللي حصل كان بسببنا حنا والله والكل يدري لكن الحمدالله نقظة احلى من لاشي - نادي الهلال السعودي - شبكة الزعيم

الهواووي هلالي · #1 29/09/2009, 10:39 PM

بسم الله الرحمن الرحيم

السلام عليكم ورحمة الله وبركاته

كيف حالكم واخباركم واعلومكم

يارجال ياشباب يااولاد يابنات يا يا يا......الخ

قسم بالله ماحاسنا الا زود ثقتنا وعدم احترام خصمنا والله يارجال الزعيم انا كاتب الموضوع وانا انواع القهر قسم بالله اني ماسك راسي الشوط الثاني اخاف من اي شي
والله العظيم ان بتلنا على هالحال والله ان ترجع ذكريات نجران
تكفون ثم تكفون ثم تكفون فكونا من من الثقة الزيادة عن حدها
اجل من بعد مباراة الشباب والنصر واي شخص اتقابله يقول نبي نصكهم نبي نعطيهم نبي نتعلم عليهم نبي نبي نبي لكن اللهم لك الحمد ولك الشكر ان جت على تعادل
الله يرحم والديكم جعلكم بالجنة فكونا من الزيادة بالثقة وعدم احترام الخصم والله ان يكون حالنا مثل حال الاندية المتوسطة

وتكفون فكونا من الكتابات بالمنتديات اللي قبل المباراة تراى اللعب يخش ويقراء ويتابع ويشوف

واذا شاف الجمهور امطيرنه بالسماء جاك مرتفع بعدين مستوى سيئ وان شاف كلام تحت موب زين له يجيك امتحطم ويخاف يخطي ويلعب مرتكب
فلذا ذلك تكفون اكتب خير او اسكت

وتراى اللاعبين يالغالين بشر لازم يخطون وفلذالك انت عليك تشجيعه موب سبه وشرشحه فيه وكلام كثير والله تراى الدنيا ماتسوا والاخرة تبي

تكفون ثقة زايدة + سب + عدم احترام الخصم + كتابة تضر اللاعبين = مانبيها الله يوفقكم ويرحم والديكم

والحمدالله ع قضائه وقدره وان شاءالله الجايات احلى مع ثقة معقولة مع اداء ممتازة ونتيجة حلوة

** تكفون كان فيه اخطاء املائية اعذروني والله كاتب الموضوع من اشوي حرة خفيفة فيني الله يجزاكم خير ويوفقكم

الهواووي هلالي · #2 30/09/2009, 06:24 AM

افاء بس افاء محدن قراء قولو غيرها

هلاليه محترفه · #3 30/09/2009, 06:45 AM

كلامك صح
الثقه الزايده والمباره بعد خبر نادي القرن كان الكل فرحان...
ارجع اقول الثقه سبب في خساره نقطتين
والكل واثق بالفوز
ولكن التعادل سببت لبعض الأشخاص الي حاطين نقاط المباره في الجيب صدمه
وبدؤ ينزلون مواضيع تذم لاعب وغيره!!

هــاوي وعشقي هلالــي · #4 30/09/2009, 06:58 AM

اللي كنت خايف منه صار اللي هي الثقة المفرطة !!

لكن الحمد لله

~ الآسطوره ~ · #5 30/09/2009, 07:28 AM

فريق دجاج الفرن

مجرد تعآدلهم بطوله ..

ونحن من الصباح القاب ..{ نادي القرن في اسيا } ..

الذيب الميلانيي · #6 30/09/2009, 07:38 AM

كلامك صح
الثقه الزايده والمباره بعد خبر نادي القرن كان الكل فرحان...
ارجع اقول الثقه سبب في خساره نقطتين
والكل واثق بالفوز
ولكن التعادل سببت لبعض الأشخاص الي حاطين نقاط المباره في الجيب صدمه
وبدؤ ينزلون مواضيع تذم لاعب وغيره!!

هلالي الليث · #7 30/09/2009, 07:42 AM

برافووووو عليكـ اخوي

صادق والله...

كان ودنا نحتفل بلقب نادي القرن والفوز

LACOSTE · #8 30/09/2009, 08:57 AM

كلامك عين العقل
سر يازعيم ونحن خلفك

بباشاباسو · #9 30/09/2009, 09:07 AM

مشكور ويعطيك العافيه ... وكلامك سليم الثقه الزايده وعدم احترام الخصم خسرتنا نقطتين

محمد النعمان · #10 30/09/2009, 09:18 AM

اشكرك على هالموضوع وإثارة هالنقطه الهامه

ولكن

لا يوجد عاقل ويفكر ملياً يقول بأن النصر يساوي الهلال فنياً داخل الملعب

الكل يعلم بأن الهلال أقوى من النصر بمراحل

ولكن ما تجاهله البعض بأن النصر لم يعد النصر العام السابق وإن كان حالياً لا يقارع الهلال

ولكن النصر اختلف نسبياً بمجهوده داخل الملعب

وثقة لاعبين الهلال بفوزهم الدائم على النصر جعلهم يلعبون المباراه بدون حماس أو إهتمام

يجب أن يكون هناك توعيه للاعبين بأن كل مباراه تعتبر نهائي دوري

لأن كل نقطه نخسرها تكسبها الفرق الأخرى المنافس على الدوري

الثلاث نقاط التي خسرها الهلال بالأمس هي في مصلحة الإتحاد وهو المستفيد الأول منها

أتمنى أن يكون هناك وعي من اللاعبين بأنهم كانوا مقصرين ومفرطين ومتهاونين بالأمس رغم غنهم قدموا مستوى يشكرون عليه

كل الشكر لك اخي على هالطرح

وتقبل تحياتي

وبالتوفيق بالمباريات القادمه