12/12/2009, 11:50 PM
|
 | شاعرة الهلال | | تاريخ التسجيل: 29/12/2001 المكان: الرياض
مشاركات: 7,890
| |
|
( يالبـّى ضِحْـكـَتـْكْ ياسلطان ) هـجـينية وطنية !
   يالبّى ضِحْكَتْكْ ياسلطان
يالبّى ضحْكَتْكْ ياسلطان == مستبشر بشوف خلّانك
وارضٍ لها الحب لك عنوان == شعبٍ مع عيال واخوانك
الكل مسرورٍ ... وطربان == فرحة وطنا ... علشانك
واخوك عبد الله الانسان == واقف على الشوق عنوانك
شفته وشافك وهو ولهان == يسبق خطاويك لاحضانك
والمملكة يومها ما زان == إلا بجـيّـتْك ... لاوطـانك
تزاحموا يمك ...الخلان == كلٍّ يبي نبض وجدانك
مشا عر.. كنها البركان == تفَجّرَتْ حب .. لاعيانك
وراع الوفا سيدي سلمان == العاصمة غَنَّتْ اوزانك
لك وحشةٍ يارفيع الشان == يالعاصمة جاك ربّانك
ويالبّى ضحْكَتْكْ ياسلطان == طيرٍ يغَرِّد على اغصانك
----------------------------
شعر / المملكة
السبت 25/12/ 1430هـ مطلب :
ياحبذا لو قام أحد المتميزين بالهجينيات بأدائها بعد التنسيق لضمان إخراجها بما تستحقه !
اخر تعديل كان بواسطة » المملكة في يوم » 13/12/2009 عند الساعة » 12:05 AM |
الوضع المتطور
