البــــويـــات :P ....!!!!!!!!!! - صفحة رقم 3 - نادي الهلال السعودي - شبكة الزعيم

العبدالله2008 · #1 13/12/2009, 04:09 AM

بعض المواضيع الكلام فيها نقص عقل

ليس كل ما يعرف يقال

انا يوم قريت العنوان

توقعته عن البويه والالوان والمنازل

ما اقول اللا الله يصلحكي بس

نـوف الهلال · #2 13/12/2009, 07:30 AM

إقتباس

الرسالة الأصلية كتبت بواسطة العبدالله2008


	بعض المواضيع الكلام فيها نقص عقل ليس كل ما يعرف يقال انا يوم قريت العنوان توقعته عن البويه والالوان والمنازل ما اقول اللا الله يصلحكي بس

وياك والمسلمين اجمعين

نـوف الهلال · #3 13/12/2009, 07:39 AM

يعطيكم العافيه الي ابدو رايهم بالموضوع
بس اغلبكم يقوول الاهل وكبت الاهل او انهم مضيعينهم
اوك نقول عشره خمس طعشر بنت الي اهلهم كذا الباااقي اعرفهم
وربي بنات قبايل وابوها امام مسجد ولاهو من النوع الي كبت مررره لا معطيها حريتها بحدوود والباقي اهلها فري الا بالأمور الي تتجاوز الخط الاحمر لكن من وراهم مساكين الاهل
يعني الاب والام يربوون ويكبرون عمرهم مانتظرو من بناتهم كذا لحد يقولي ان الاب مقصر مايقول كلام حلو لبنته او الام ولحد يقوول فاقده حنان وكلام حلو
فيه ابااء وامهات مايعترفون بكلمه احبك لعياالهم وتلقا بناتهم من احسن مايكون
هم البويات الي طلعو هالاعذار عشان محد يجادلهم
عمووما تسلمو كلكم وخاصه ام متعب حلو كلامك جدا ً

والي علقو ع الموضوع هدو شوي كله موضوع وانكتب

فديتكون

عاشقة الزعيم15 · #4 13/12/2009, 06:04 AM

اهلين يا نوف .. صباحك ورد

الفئه اللي ذكرتيها انتشرت وبشكل كبير
استغفر الله تكون البنت شكلها نعوم وحلوة غصب تبغى تصير بويه

و البويات النوع الاول اللي ذكرتي يخوفوا .. عن نفسي ما اتجرأ اقرب منهم حتى اسألهم .!!! لانهم اذا حطو احد ببالهم مايتركوه

اخر مضرابه صارت بالكليه من فتره بويه ضربت بنت حامل سقطت وبالمستشفى
من جد يخوفو .. ابعدي عن هالاشكال احسن مايجيك شي من وراهم

لاتسأليهم لانهم ماراح يعترفو بغلطهم .. يشوفو انهم صح واللي يسووه سليم
مدري يمكن يمثلوا ولاعبين الدور صح .! بس لمتى وهي تضحك على نفسها واللي حوليها .!

الله يستر على بنات المسلمين جميع يارب ويهديهم ،،

يعطيك العافيه ياقمر

WOLF SAMI · #5 13/12/2009, 10:08 AM

شفت الموضوع قلت بلقى باكستانين كل واحد معه سطل << ماضللت شئ

اللهم لا تؤاخذنا بما فعل السفهاء منّـا .. الحقيقة في رأيي ::

السبب الأول : الأهـــل
السبب الثاني : الأهــــل
السبب الثالث : الأهــــــل

أرق التحايا

Carrick 16 · #6 13/12/2009, 10:25 AM

شفت العنوان قلت بنشوف بويه وديكورات وتعتيق

!!

ماتوقعت هالموضوع الحساس ..

شي مخزي .. الذكور انقلبوا اناث .. الاناث انقلبوا ذكور

الله يحفظ بنات المسلمين وعيالهم ..

ابو عبدالله A · #7 13/12/2009, 11:34 AM

ماأقووول إلا الله يخارجنآآآ..

الله يحفظنـا ..

عسيريه · #8 13/12/2009, 11:32 PM

.

.

ياهلا بنوف الهلال

موضوع ممتاز جداً

,

هالفئه من البنات مدري وش يبغون بالظبط ؟؟
والله جد ناقصات عقل

, أجل اصير ولد وانا موب ولد

المشكله مو كذآ , المشكله اعداهم كل مالها بإزدياد ,
أول مادخلت الجامعه شفت كذآ وحده بويه يعني ينعدون ع الأصابع

الآن نص بنات الجامعه بويات

, واليوم بالذات شفت وحده من البنات اللي كانوا
يدرسون معي , أحبها وأقدرها وأحترمها بس طاحت من عيني

صارت بويه مع الأسف

, والله جد شي يضحّك وبنفس الوقت يحزّن

الله يهديهم يارب ,
الله يعطيك العافيه نوف

M!$$---R.M · #9 14/12/2009, 01:19 AM

اهنيك اختي على هالموضوع

البنت مارح تقلب بوي الا اذا عندها نقص او حاله نفسه وهذا يرجع للمجتمع الي هي عايشه فيه

بس بجد اشكالهم تحزن

الله يشفيهم من مابتلاهم

ودي لك...

مَاهِينُورْ · #10 14/12/2009, 03:03 AM

لا حول ولا قوّة إلا بالله

أعوذ بالله , أعوذ بالله , قرأت الموضوع واقشعر جلدي وشلون لو بشوفهن ؟!

~> شكلي بتغطّى عنهن

إلا صدق يوم انها تعتبر نفسها ولد ليش إذا مرّت من عندك ماتصدّين وتغطّين وجهك

إقتباس


	انا اكبر وحده وابوي ميت وابي اكون رجال البيت

لا ما شاء الله قايمة بالخدمة على أكمل وجه ومعوّضتهم عن أبوهم

كان قلتي لها عساك تصلّين مع الجماعة بالمسجد ؟

..
الحمد لله والشكر
الحمد لله الذي عافانا مما ابتلاهن به وفضّلنا على كثير من خلقه ..

إقتباس


	اخر مضرابه صارت بالكليه من فتره بويه ضربت بنت حامل سقطت وبالمستشفى

أعووذ بالله
لا عاد إلى هالدرجة , هذي تُحاكم المفرووض , حسبي الله ونعم الوكيل

.
[ نوف الهلآل ]
حياكِ الله في المجلس

~> بدري الترحيب !

.
الله يعطيك العافية وضّحتي لي الكثير عنهم كنت ما أعرف عنهم شي
على بالي البويه بس تتشبّه بالرجل بالشعر وطريقة المشي

الله يهديهن ويعافيهن ولا يبتلينا بسوء
لا حول ولاقوّة إلا بالله
ما كأننا مسلمين ومن يوم اننا صغار واحنا ندرس في الحديث
قوله صلى الله عليه وسلم :
(( لعن الله المتشبهين من الرجال بالنساء والمتشبهات من النساء بالرجال ))
أيّ مطرودين من رحمة الله , وش أعظم من الطرد من رحمة الله ؟

..

الله يرحمنا برحمته ويثبّت قلوبنا على دينه

..

نـوف الهلال · #11 14/12/2009, 04:23 PM

إقتباس

الرسالة الأصلية كتبت بواسطة مَاهِينُورْ


	كان قلتي لها عساك تصلّين مع الجماعة بالمسجد ؟ .. ..

حلووه تدرين شكلي بروح اسئلها مره ثانيه عشان اقولها كذا خخخخخ
بس اخاف تخفي عضوه بينكم هع يابنت الحلال الله يهديهم ادعولهم
والله مريضات لامشت الناس تطالع لها احسها تقول في نفسها :: يالله خاقين علي لهدرجه

سياآآ

halalih · #12 14/12/2009, 05:53 PM

ظاهرة البويات انتشرت بشكل خيالي
والحين صار العكس الولد بنت و البنت ولد
اتمنى ان نلقى حل لهالمشكله
الله يهدي جميع المسلمين

ياحبيلك يازعيم · #13 14/12/2009, 06:42 PM

نـاقصات عقل وديــن ..

لله يهــدي الجمــيع ..!

Maha` · #14 15/12/2009, 05:03 AM

وآلله شي يضيق الصدر

بس انآ مستغربه شي وآحد وشلون الاهل يخلون بنآتهم كذآ
يعني معقوله مآ يشوفونهم قبل لآيطلعون من البيت
وانآ اشوف ان السبب الاول ضعف الوآزع الديني
يآمآ شفنآ بنآت عندهم ظروف مآ يعلم فيهآ الآ الله بس مآ شفنآهم كذآ
وللآسف كل مآلهم يزيدون
آلله يهديهم

عوآفي نوف

لك

إحساس خالد · #15 15/12/2009, 01:22 PM

انا مره شفت وحده

بسراحه قهر مادريت الا من تالي :P

وشسمه كنت انا والشباب في دوله خليجيه ..

المهم وانا اسوق بكل براءه لفيت يمين وانواع البواااااري ..

ويجي بجنبي ويسوى حركه بيده ويدعس انا فاهي وش الولد المهايطي

واحط رجلي وراه ... واوقف يمه (جنبه) عند الاشاره واشوف السلاسل

برقبته وحالته صعبه و يقول خير وش تبي ... شين وقوي وعين

انا بوقتها ولعت نزلت عليه ولويت ايده وقلت له

تسوي حركه ثانيه اكسرها لك ...

تجمعو الناس علينا وشوي والشرطه

جتنا ورحنا للقسم ... اخذو اقوالنا

واقوال الشهود .. وبالاخير

سألوه وش اسمك قالت فلانه الفلاني !

جاها هواش من قسم الشرطه

عشان لبسه وحركاتها

وانا وجهي كذا

...

وصارت سوالف ..الخ

----

ياناس سوالي بالنسبه

للبوي هل هو الهدف الرئيسي له

اشباغ الغريزه الجنسيه ولا

المسأله لوك ؟

ابو عسل