الزوري ,, القحطاني,,,,,, برافو
 

مساء وا صباح القارت ( الخمس) .... لكل جمهور الزعيم

شاهدنا بكل حواسنا ( الخمس) ابداعات نجومنا وابطالنا ..... فلهم كل الشكر والتقدير .....

قبل ان ابدا بفحوى موضوعي احب ان اقدم الشكر الجزيل لجماهير الزعيم ,لقد كنتم خير عون للاعبين.
جمهور طوال تسعين دقيقه يهتف ويشجع ... الله لا يحرمنا .

في مباراة سابقه انتقدنا ياسر والزوري (وانا واحد منهم) ليس لشئ شخصي وانما لمصلحة الهلال .

وبما ان الموضوع يتكلم عن مصلحة الهلال لابد ان نشيد بهم اليوم ...

س : ماذا لو استعرض الزوري والقحطاني المنتدى ولم يجدو اشاده؟

يا اخوان اللاعب بشر وهو يطور ويصلح الاخطاء من اجل رضا الجمهور .
كيف سيصبح رد اللاعب الهلالي وهو يتعلم من منتقديه (كاياسر والزوري) ويبذل الجهد ولم يجد اشاده من جمهوره؟

ارجو من جمهور الزعيم ( ملح الجماهير) ان يشيدو باللاعبين وان يعي اللاعب انه في حال تهاون في لعبه لابد ان يجد منتقد ,وان ادى ماعليه لابد ان يجد من يشيد فيه.

ياسر القحطاني : لاتحزن بضياع الفرصه فأنت اليوم ابدعت وهيأت مساحات للاعبي الوسط لتسجيل , هنا نقول
( تفداك الف فرصه ) لانك ابدعت وفي مرات سابقه قلت (لا يفداك ولا يحزنون ) لانك لم تقدم , وهنا يكمن الفرق بين الانتقاد من اجل مصلحة الكيان وانتقاد من اجل اشياء شخصيه ...... شكرا ياسر

عبدالله الزوري : اتمنى لو كنت متصفح للمنتدى, ان تعلم ان جمهور الزعيم يشيد فيك بعد ماصححت اخطائك السابقه وقدمت مستوى مميز.. واصل ياعبدالله تطور مستواك وستلقى منا الاشاده كما فعلت اليوم ..... شكرا الزوري...................... ودمتم

الزوري من افضل لاعبين الهلال وهذا مافيه خلافــــ....!!!
المشكله ان عندنا عقليات مدمنة انتقاد...يعني العام كانوا ينتقدون نامي ويوم جا لي حولوا وجه المدفع على الزوري...!!
مع انه صنع امثر من اربع اهداف هذا الموسم وكان مأدي واجبه على اكمل وجه...لكن اللاعب مدافع عشان كذا ماله جمهور كبير
يعطيك العافيه

أتوقع إن ياسر أدى ماعليه في هالموسم .. لكن مشكلة ياسر إذا حصلتله فرصه قدام المرمى ما يتعامل معها معاملة هداف .. كان يحاول يجيب هدف مختلف عن باقي الأهداف


الزوري .. كان يعيبه البطئ وهو (سريع جدا) وأقصد بالبطئ هنا (البروود) الزايد



بالتوفيق للهلال

الزوري وياسر والمرشدي تفوقوا على انفسهم الصراحة امس اللاعبين
ماقصروا بس الغنام مفروض نشد علية شوي عشان مايتراخى في المباريات

الزوري
يعاب عليه البط في بناء الهجمه
وبعض الاحيان يهوجس في المباره
يعطيك العافيه

الزوري امس بدع وياسر ابدع وابدع والمرشدي كمان مبدع وهوساوي كان قايد دفاع اكثر من مبدع

على العموم كلهم امس نجوم ولو يستمرون على كذا والله مايقدر الجمهور على انتقادهم ان كان الجمهور انتقد

الزوري ينتقده لانه من اميز الاعبين بس عدم تركيزه وقت المباراة يخليه يهفوا هفوات كبيره وصدقني ماينتقد الجمهور الاعب الا من محبه

يعطيك العافيه

انا معك اخوي غزاوي اننا جمهور الهلال طماعين ولاننا طماعين لابد ان نشيد باللاعبين المنتقدين سابقا ليقدمو افضل مالديهم بعد ما قدمو مستوى جيد....... تشرفت بمرورك ومنكم نستفيد

صحيح الزوري مؤخرا تراجع مستواه ليس لانه لاعب سيء ولكن لانه لم يجد من يقف معه والدليل مع كوزمن كان لا يشق له غبار اتمنى مساندة هذا اللاعب ليرجع الى مستواه ....... تشرفت بمرورك ومنكم نستفيد

ياسر قدم مستوى جيد واتمنى من ياسر الفنان ان يتدرب على وضع الكرات بزاويه بدلا من التسديد بقوه في مكان الحارس وما عدا ذللك فهو لاعب له ثقله بالفريق
والدليل المسحات التي خلقها امس للاعبين ...... وشكرا لمرورك ومنكم نستفيد

كلام كبيرر ويستاهلوون كل اللاعبين هذي الاشاده بالمستوى الرائع مبرووووكـ..

اللهم لك الحمد على عظيم فضلك . . امس لو ياسر بس شوي مقدم رجلة حبتين ومدخل ذاك الهدف التاريخي . . كان تغنيتو فيه شهووووور . . لكن ما أراد الله . .

ملاحظة: " أنا شفت المباراة 6 مرات ، وكل مباراة أحظ عيني على تحركات لاعب معين (عدا الأولى لأني طول المباراة كنت اصارخ وأناقز وأبقس اللي جنبي هههههههههه)

و لاحظت إن نجم المباراة وبلا منازع هو ويلهامسون ، دافع - تحرك - أشغل -صنع - سجل ، باختصار ، فعل كل شيء

ثم الكوري لي يونغ ، بصراحة ، بهذل أبو شروان بهذلة لا راحت ولا جت ، مرمطه وسحبه وخلاه مسخره ، باختصار ظهير أيمن يقوم بواجبه على أكمل وجه ولا يوجد أفضل من هذا

ثم ياسر ، ياسر اليوم فعل كل شي إلا التسجيل ، وفي كرة القدم الحديثة وحسب وجهة نظري المتواضعة ، في خط الوسط والهجوم ، الحكم على لاعب يكون بمدى فاعليته في الفريق ومدري مشاركته في صنع الانتصار وليس في التسجيل ، وإن كنت بصراحة أعتبر الهدف الرابع من المفترض أن يسجل باسم ياسر ، ياسر قطع الكورة من الخصم من نص ملعبهم ، وسحب 3 مدافعين ومرمط فيهم مرمطه الله لا يحطنا ما حطهم ثم سلمها لنيفيز وقال له تستاهل الهاتريك يالذيب

لا تبخسون أبو سعيد حقه يا جعلني فدوة لكم ، شفتو بعد المباراة :( ، كل اللاعبين مبسوطين إلا هو ضايق صدره :( ، ولسان حاله يقول يا ربي إلى متى هالنحس :( ، وخصوصاً في العارضة في آخر دقيقة :( أنا أدري إنه أخطأ في فرصتين محققتين ، لكن بذمتكم ، شفتو كلاسيكو البرشا والريال ؟؟ ، أفضل لاعبين في العالم أتتهم فرصتين أسهل من فرصة ياسر ومع ذلك ضيعوها ، ومن منا لا يخطئ ، ولكن الحمد لله على كل حال

أدري إن نيفيز سجل هاتريك ، لكن ترى يا شباب كانت كلها تجيه مقشره ولا أحلى ، هو كان نجم كبير في تلك المباراة ، ولكن الاسماء التي ذكرت أعلاه كانت أبرز منه ، يحسب له تمركزه الرائع في جميع هجمات المباراة ، نظافة تسديداته التي لا تعرف غير المرمى طريقاً

الزوري ، عطيتك تقييم في مباراة الشباب -10 من 10 ، والحين أعطيك 9 من 19 يالذيب ، شكل جيرتس جلدكم وانضبطتوا ههههههههههههههههههههههه ، كل اللي أبيه منك يالذيب شوي تركيز وشوي سرعه ، أدوارك الدفاعية أديتها بأكمل وجه بهالمباراة ولكن شوي يعيبك بطئك الهجومي

شكراً نجوم الزعيم ، كنت شايل هم لهالمباراة بس بيضتوها الله يبيض وجيهكم ، وعلى الأربعات والخمسات نلتقي :)