|
يا لبيه يا ملعب الملز.... الى الادارة الهلالية (نبي مباريات الهلال في الملز ؟؟؟) السلام عليكم ورحمه الله وبركاته تحية طيبة في البداية الف مبروك الفوز الهلالي على الاتحاد واتمنى ما يخلينا هالفوز نفرح ونفكر ان الدوري كسبناه بل بالعكس لازلنا في بداية المشوار وباقي الدورالثاني واتمنى ما نتخدر بهالفوز على شقيقنا الاتحاد. عموما يا اخوان بصراحة انا اتفاءل دائما بملعب الملز (استاد الامير فيصل بن فهد) يا جماعة الخير ، والله العظيم من قرابة 25 سنه وفي ملعب الملز نادرا جدا بان الهلال ينهزم فيه، وبصراحة دائم اتفاءل في هالملعب والسبب يعود لان الجماهير يكونون قريبين من اللاعبين الهلاليين وفي نفس الوقت الجماهير تكون عامل ضغط نفسي على الفريق الخصم ولهذا تجد بان الهلال دائم يكسب والسبب يعود لكثرة الجماهير وقربها في حال حضورها في هالملعب. لهذا اتمنى من الادارة الهلالية بان تطلب بان تكون جميع مباريات الدورالثاني في الدوري في ملعب الملز ويا ليت في نفس الوقت مباريات كاس اسيا الابطال. يا لبيه يا ملعب الملز... صدقوني فال خير على الهلال هالملعب.... اتمنى من الادارة الهلالية تعمل على هذا الشي... شكرا،،،، |
وانا معك وبعد موقعه حلو قريب من كل احياء الرياض بس فيه مباريات يلزمها استاد الملك فهد خاصة ان مساحة الملعب كبيرة وتفتح دفاعات الفرق الدفاعية مثل التعادل اللي حصل مع الوطني العام الماضي اضر في مسيرة الهلال |
اي والله الملز فال خير علينا واكثر مبارياتنا فيه تنتهي بالفوز وحتى الملك فهد بعد بس الإختلاف انه الملز اقرب وفي وسط الرياض يعطيكم العافية |
والله اهم شي الفوز ورد الهزيمه الي في كاس الملك بخمسه يا سلام على الزعيم وبس والله فريق بس تكون يا جمهور الهلال الحضور بنفس الكثافه في مباراة القادسية ومو عدنا الثلاثاء في استاد الملز |
آييه والله آنكـ صآدق يآلبيه يالملز هههه اذا تبي تمسخر فريق وتعطيه بالثلاثة والاربعة والخمسة نآده بسـ للملز هههه وبدليل اليوم الخمسة واربعة برضو قدام الاتحاد يوم هدف سآمي قفز الحوآجر وعام 1426 هـ عطينآ الاهلي اربعة 2 ياسر 2 كمآتشوو وثلاثة النصر ما آبطت اظن قبل موسمين فعلا قررب المدرجآت لفريق الخصم مؤثرر جدآ عكس الآستاد قسم بالله المسآفة بعيدة حبتين ماتحس الصوت يوصل مثل الملز آلف آلف مبروووك هالثلاث نقآط المهمه وعقبآآآل الدووري يآرب آماا بالنسبة لمبآريات آسيآ وبالملز فآعتقآد انهآ شبه آستحالة ولاهنت آخوووي |
انا ماحب استاد الملك فهد ماحبه مرررررررررررررررررره |
والله كلامك صح انا اشوف جمهور الهلال في الملز يشجع ويأزر الفريق بحماس اكثر من الملك فهد ؟؟؟ يمكن صغر ملعب الملز |
رديت وطلع الرد مرتين .. عموما ً هذا هو 7 7 |
ياجماعه والله كلها نفسها وفكونا من ها السالفه ان الاستاد شؤوم عشان لا نصدقها ع مر الزمن .. ويصدقها اللاعبين وتصيرر صدق وبعدين ياخي يكفيك ان الهلال جاب فيه كاس اسيا بكبرها والملز والاستاد كلها زي بعض والفرق في حماس اللاعبين وتطبيق خطط المدرب |
الزعيم وبس والله لو يلعب في المريخ ماشالله عليه الهلال غيررررر |
. . صدقت والله ،، الواحد يتفائل اذا صارت المباراة فيه عكس الاستاد :s3s: خصوصاً المباريات الكبيرة !:yes: الف مبروك الفوز الممتع :s5s::ba: . . |
النفسيات بدت تشتغل اقول انت وياه بلاش هالتشاوؤم وهالخزعبلات |
بالعكس الاستاذ احلى لانه كبير تشوف اللعب مفتوح سواء الفرق صغيره او كبيره الي ميزنا هذا الموسم هجومنا الطاغي المهم اللياقه تكون تمام وما تفرق اذا لعبنا بالاستاذ خاصه مع الفرق الصغيره الي تدافع بشكل كبير جدا واذا كانت المباراة مع فريق كبير بكون المستوى حلو كثير واللعب مفتوح والهجمات ما تخلص شكرا جزيلا لك |
ولا تنسى قرب الملز من الاحياء السكنية |
والله الملز وجه خير علينا ! ياليت كل مبارياتنا فيه ! |
| الوقت المعتمد في المنتدى بتوقيت جرينتش +3.
الوقت الان » 07:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd