عزيزي .. كان ممكن تفتح موضوع تدافع فيه عن ياسر .. غير هاليوم .. وبغير هالمباراة بالذات .. !!!
ياسر كان النقطه السودا اليوم في ابداع الهلال .. صنع هدف وحيد .. وما كان قدامه الا هالخيار ..

(تحرك بنص الملعب .. مرر اكثر من تمريره خطأ .. انفرد بالمرمى وضيع .. سدد كورتين بوسط المرمى .. وفـ يد مبروك بالتحديد .. ضرب كوره وجت بالعارضه .. عدا من اكثر من لاعب ومصخرهم .. )
الي بين قوسين .. هو تقريبا الي سواه ياسر مع صناعة الهدف ,,

نرجع للمباراة من نقطة الصفر .. ونفترض ان ويلي ونيفيز ما سجلوا شي .. !! كم بتكون النتيجه مع السطرين الي فوق ..

علشانك .. بنقول ان النتيجه ( 5 + بغا يسجل ياسر للهلال ) - ( صفر للأتحاد )
وعلشانك .. بنحط خانه جديده لياسر .. اسمها .. مسحب مدافعين ..

حبيبي مجنونك .. والله اننا نحب ياسر .. ونعشقه لعشقنا للهلال .. لكنه هداف ما يسجل .. وراس حربه ما يغير من النتيجه .. !!
انتقدنا سامي ويوسف .. ليش ما ننتقد ياسر .. !!!!
ننتظر ياسر الحقيقي .. وننتظر ياسر الهداف .. الله يكون بعونه .. وييسر عليه طريقه ..

إقتباس الرسالة الأصلية كتبت بواسطة memo2008 ككككككككككككككككككككككككككككككككككككككككككككككككككككككككككككككككككككك الحمد لله على نعمة العقل ورا ما تقول 11لاعب طن طن طن طن طن طن طن طبلو يا مطبلين ازين مافي الاهداف ان ياسر ما سجل ولاهدف يامطبلين نصف اهداف الهلال من خط الوسط ( محمد الشلهوب الموهوب ونيفيز البطل وويلي المكافح ) خلو عنكم التطبيل

طيب طيب
هو مطبل على قولتك !
بس إنت بهـ الكلمه وش تصير ؟
حاسب قبل ما تقول شي و قبل ما تنتقد أحد و تقول له مطبل
إنتقد نفسك قبل
إنت مشجع للهلال !!
يعني تشجع اللاعبين ككل
و مفروض ما ينقال هـ الكلام !!!
راجع نفسك

لا مانع من انتقاد اي لاعب هلالي اذا كان مستواه متذبذب

وبصراحه هذا ياسر اللي عرفناه روح وقتاليه وتحرك في جميع انحاء الملعب

يبقى ياسر لاعب كبير والكبير الله

وصدقني محد انتقد ياسر من فراغ نعم ياسر كان مستواه سيء لكن امكانياته عاليه ورجع ياسر ومن بوابه من الاتحاد

وفي الاخير

اتمنى من كل قلبي استمراريه ياسر على المستوى الرائع اللي قدمه امام الاتحاد

يعطيك العافيه اخوي ...

ممكن اقول رأي ولا تزعل ... ماكان له داعي ان تكتب موضوع بعد المباراة عن ياسر بتخلى النقد يزيد عليه .. لان ابداع ياسر يتكلم عن نفسة ... ولما يبدع ياسر لو ينتقده 600 واحد بنعرف انهم على خطأ ... بعد مباراة الشباب انتقادات على الزوري وقالوا مايطقها بفريق درجة واولى وانتقدوا المرشدي والغنام وويلي قالوا خواف ويركض على قله سنع شف كيف رد ويلي وزملائه واثبتوا انهم قادرين علي العودة .. وارضاء الجمهور والادارة ...

الشي الثاني انا مما قالوا ياسر يحتاج للدكة طبعاَ قبل مباراة الشباب واللي قبلها وهو ماهو عيب وليش ماتقول ان بدايه عودة ياسر التدريجيه هي بسبب مطالبه الجمهور بلزومه الدكة ... وبذل كل ماعندة ليبرهن نفسه وان الجمهور علي خطأ وانه ويستحق اللعب اساسي ...خاصه ان هذه المطالبات وصلت لياسر وقال المدرب يقرر مو الجمهور

كل ماأقوله انا مما طالب بالدكة بالسابق لعدة اسباب اراحته وابعاده عن الضغط ( وكأنه بأجازة ) الجلوس علي الدكة يجعل الاعب يعيد حساباته ويقيم نفسه اكثر ... لكن للامانه في مباراة الشباب الاخيره ادى مجهود جميل ...
وفي مباراة الاتحاد ابدع حتى لو ماسجل لو بس يترك المراوغه والفلسفه قدام المرمى مثل مايسوى ويلي توصله الكورة يشوت على طول ماعنده تسحيب او مراوغه ..تخيل لو ضاعت هالكرة والهلال متأخر هل الجمهور بيرحمة ...وايضا متابعه الكرات المرتده من الحارس وهي السبب بالهدف الهلالي الاول ... حنا ننتقد لاجل ياسر والهلال ..وياسر بدأ بالعوده ..

اخر نقطة انا ضد انتقاد الاعب بقسوة لانه اخفق في مباراة واحدة وايضا ضد مدح الاعب لانه ابدع في مباراة واحدة .. وضد مطالبه الاعب بالتسجيل مادام الفريق قاعد يفوز لان المطالبه تجعل الاعب يكون اكثر انانيه امام المرمى و بالتسجيل ليثبت نفسه ... وهذا مانبيه بالهلال ...

بالتوفيق لياسر وبأذن الله القادم افضل وليس كل من ينتقده يكون يكرهه من منا مايبي ياسر يرجع ..وهو بالطريق ..

الف شكر لصاحب الموضوع ...

انا اايدك لكن ليس بشكل كلي

واقول كيف مهاجم عنده افضل وسط سعودي مايقدر يسجل هدف من خمسة اهداف وهو المهاجم الوحيد

انا مااقول ياسر سيء في هالمباراة بس اقول افضل من سابقاتها

وبعدين معطينه اكبر من حجمه مخلينه الابهه

مع انه في المباراة امام الاتحاد اهدر كور ماكان يهدرها مهاجم بحجم ياسر مثل الي شاتها في الباب باليسار
كان بالامكان لعبها للشلهوب افضل

بعدين ياسر يبي يسجل هدف خرافي والا مايبي يسجل هدف
وش هالكلام



........تقبل وجهت نظري...........




..,, تحياتي,,..

إقتباس الرسالة الأصلية كتبت بواسطة شامل ومباشر المشكلة ان فية بعض من جمهور الهلال الي يطبلون للاعب مهما كان مستواة وواضح انك انت ياصاحب الموضوع مهما دج مستوى ياسر بتمدحة و واضح من اسمك ياسر ياعزيزي لو كان مصحصح او كان فية واحد غيرة تمام كان انتهت المباراة لا يقل عن 8 - 0 يعني عشانة سحب سحبتين وسحب معه كم لاعب صار بطل واوكية ونا عارف ان اكثر من هم على شاكلة صاحب الموضوع هم اخواننا صغار السن الي يطيرون مع العجة وخذلك ترييش وياروحي يا ياسر

هههههههههههههههههههههههههههههههههههههههههه
ولله واضح من اسلوبك انك فعلا طفل واسلوب واحد صغير وعقليتك صغيره وانا اقولك ليش عقليتك صغيره اولا لاني انا نكي مجنونك ياياسر فانت اعتقد اني امدح ياسر وحتى لو كان مو في مستواه وانا اتحدى اني مدحت ياسر في ماكان في مستواه
ثانيا في مباراة الاتحاد انا ماقلت انه سحب سحبتين او سوى كذا لا انا قلت اليوم افضل مباراه لياسر وجميع المحللين اثبتوا كلامي بان ياسر قدم افضل مباراة وهو العقل المفكر في المباراه
هل جميع المحللين وبما فيهم رئيس النادي كلهم يحبون ياسر ويجاملون ياسر اترك الجواب لك

يــــــاسر هـــــــو الأفضـــــــــــل..

وبعض الردود من المندسين المصــابين من كـــــارثة ال 5/0

إقتباس الرسالة الأصلية كتبت بواسطة انه الهــــلال..وكفى يعطيك العافيه اخوي ... ممكن اقول رأي ولا تزعل ... ماكان له داعي ان تكتب موضوع بعد المباراة عن ياسر بتخلى النقد يزيد عليه .. لان ابداع ياسر يتكلم عن نفسة ... ولما يبدع ياسر لو ينتقده 600 واحد بنعرف انهم على خطأ ... بعد مباراة الشباب انتقادات على الزوري وقالوا مايطقها بفريق درجة واولى وانتقدوا المرشدي والغنام وويلي قالوا خواف ويركض على قله سنع شف كيف رد ويلي وزملائه واثبتوا انهم قادرين علي العودة .. وارضاء الجمهور والادارة ... الشي الثاني انا مما قالوا ياسر يحتاج للدكة طبعاَ قبل مباراة الشباب واللي قبلها وهو ماهو عيب وليش ماتقول ان بدايه عودة ياسر التدريجيه هي بسبب مطالبه الجمهور بلزومه الدكة ... وبذل كل ماعندة ليبرهن نفسه وان الجمهور علي خطأ وانه ويستحق اللعب اساسي ...خاصه ان هذه المطالبات وصلت لياسر وقال المدرب يقرر مو الجمهور كل ماأقوله انا مما طالب بالدكة بالسابق لعدة اسباب اراحته وابعاده عن الضغط ( وكأنه بأجازة ) الجلوس علي الدكة يجعل الاعب يعيد حساباته ويقيم نفسه اكثر ... لكن للامانه في مباراة الشباب الاخيره ادى مجهود جميل ... وفي مباراة الاتحاد ابدع حتى لو ماسجل لو بس يترك المراوغه والفلسفه قدام المرمى مثل مايسوى ويلي توصله الكورة يشوت على طول ماعنده تسحيب او مراوغه ..تخيل لو ضاعت هالكرة والهلال متأخر هل الجمهور بيرحمة ...وايضا متابعه الكرات المرتده من الحارس وهي السبب بالهدف الهلالي الاول ... حنا ننتقد لاجل ياسر والهلال ..وياسر بدأ بالعوده .. اخر نقطة انا ضد انتقاد الاعب بقسوة لانه اخفق في مباراة واحدة وايضا ضد مدح الاعب لانه ابدع في مباراة واحدة .. وضد مطالبه الاعب بالتسجيل مادام الفريق قاعد يفوز لان المطالبه تجعل الاعب يكون اكثر انانيه امام المرمى و بالتسجيل ليثبت نفسه ... وهذا مانبيه بالهلال ... بالتوفيق لياسر وبأذن الله القادم افضل وليس كل من ينتقده يكون يكرهه من منا مايبي ياسر يرجع ..وهو بالطريق .. الف شكر لصاحب الموضوع ...

بالعكس اخوي انا من الناس الي دائما ااتابع ردودك فعلا انت مبدع وتبحث عن مصلحة الهلال اولا والاعبين ثانيا واذا انتقدتهم تنتقد لااجلهم
انت تقول انتقد ياسر وقلت يجلس بالدكه انا لي وجهة نظر مختلفه الدكه ليس علاج للاعبين شوف الشلهوب الموسم الماضي كان احتياط واذا دخل مايسوي شي لكن السنه هاذي لعب بصفه مستمره ولذالك استعاد مستواه ويمكن كلامك صحيح ان ياسر سمع كلامك وشد على نفسه اكثر ........
شاكر لمرورك الجميل وانا والله معجب بكتاباتك وردوك شاكر لك مره اخرى

إقتباس الرسالة الأصلية كتبت بواسطة كان هنا حبيبي بهالأسلوب مستحيل أحد يقدر يناقشك !! ما فيه شي أسمه " تسكيـــت " .. للأسف أنت وكثير من المشجعين حاطين في بالهم قناعة .. أنه أي أحد ينتقد ياسر يكره ياسر ويبي يدمره .. وإن أفلح ياسر .. تحسون بالإنتصار العظيم .. واللي ينتقدون ياسر يحسون بالخيبة .. !! مستحيل هذا هو الشي اللي صاير .. كل اللي انتقدوا ياسر يحبونه ويتمنون أنه يسجل في كل مباراة مهب هدف إلا عشر أهداف .. وبوادر عودة ياسر إلى مستواه في مباراة الاتحاد هذي مطمئنة .. وان شاء الله نأمل بالمزيد فـ الأيام الجايــة .. ياسر وقف قدام المرمى أكثر من مرة .. لكن للأسف الحكم ما أفلح بالقرار .. سدد وناول وتحرك .. ما قصــر .. الله يعطيه العافية .. وان شاء الله فـ المباريات الجاية بنشوفه يسجـــــــل يعطيك العافية .

اولا شاكر لمرورك ثانيا انا ماقلت الي ينتقد ياسر يكره انا قلت فرق بين الننقد الي يصلح والي يدمر انا كنت ابي الي ينتقد ياسر ويقول انا الكيان اهم من ياسر وانتقد ياسر لاني احبه يجي ويقول شكرا ياياسر على المستوى اذا كان صادق بما يقول
اما انك تقول تحسون بالنصر فعلا نكون مبسوطين اذا ياسر بدع لاانا مانشوفهم بالمنتدة لا بعد المباراه بــ3 يام وتابع المنتدى وراح تعرف معنى كلامي

ياسر لاعب كبير
ما نبيه يسجل

خلوه كذا
يصنع الأهداف
يزعج الدفاع ويسحب فيهم ويشغلهم بمراقبته لتسنح الفرصة لمن خلفه
للتقدم والتسجيل

أصلاً وجوده في الهجوم يرعب الخصوم نفسياً

إقتباس الرسالة الأصلية كتبت بواسطة زعـيـم اسـيـأ السلام عليكم اولاً مبروك الفوز التاريخي الى والله خااايف منه اخوي انا عاشق ومحب للكياان الهلالي ’’’وانا ماحب لاعب اكثر من لاعب كلهم سواسي وواضح انك تعشق ياسر بشكل جنوني بس ياسر مو في مستواه نوعن ما وانت ماباقي الى تخليه نجم المبارات’’’’’اساطير كورت القدم انخفضت مستويتهم في مواسم ورجع كانه ولد من جديد وشي مو عيب وان شاء الله ياسر يكون منهم ياسر يلعب وخلفه من افضل صانعين لعب مرو على الكوره السعوديه اعتقد مايحتاج اكمل كلامي وعيب ياسر يحب يتفلسف اما المرمى بزيادها وشي ماحد ينكره احنا نبي زي نايف هزازي على طول المرمى اخوي انا ابسئلك ياسر هو ياسر الى نعرفه واناوالله العظيم احب ياسر وكل الاعبين واتمنى يعطو طلق المحيا فرصه انا الحين من الحاقدينلان انتقدت حبيب قلبك

اهلا وسهلا فيك بالنسبه لسؤالك هلو هو ياسر الي نعرفه انا عن نفسي في مبارات الاتحاد نعم رجع ياسر الي نعرفه عنه 2007 والدليل شوف الروح الي لعب فيها ياسر اما عن ضياع الفرص فهذا توفيق من الله ومااعتقد ياسر متعمد يضيع فرصه عشان يتفن يكفي كلام رئيس النادي قال اليوم ياسر صنع اكثر من هدف هلى يجامل ياسر !!!!
اما بالنسبه انت تقول انني اعشق ياسر عشق جنوني اعتقد مو عيب اذا عشقت لاعب هلالي فقبل عشقي سامي هل اعتزلت بعد سامي ولازلت اقولها اسطورتي سامي الجابر لكن باين انت وغيرك اي واحد اذا كان نكه يتعلق بياسر لابد ان يمدحه في كل مباراه ولا يريد احد ينتقده اقول انت غلطان انا من الناس الي انتقد ياسر في مباراة النصر والقادسيه في بداية الدوري عموما

إقتباس الرسالة الأصلية كتبت بواسطة زعيم سدير14 هذا الكلام انت شفت نكك يا اللي كاتب الموضوع ؟!

ايه شفت نكي وافتخر فيه واذا انت وغيرك تعتبر النك هو اصل الموضوع فانت غلطان انا ياما انتقد ياسر في بداية الدوري وانا اتحداك انت وغيرك تثبتلي ان في يوم من الايام تني طبلت لياسر وهو وماكان في مستواه فأنا هلالي صميم واعشق لاعبين الهلال جميعا واولهم ياسر وهذا مو عيب قبل ياسر كنت مجنون سامي ولازلت مجنون سامي هل يعني انني من جمهور سامي !!!!!!

هلاليه الف شكر لمرورك الاجمل والاحلى والامثل