|
قسم بالله لو يلعب السهلاوي ما احضر للمباراة يا نواف... بسم الله اخش باموضوع سيدة لان ضغطي اتشش قريت في موضوع ان نواف استدعى السهلاوي لمباراة الاعتزال... وانا اتمنى ان هالشي الي سمعناه اشاعه مو حقيقة ..... لكن الموت لو يكون حقيقة.... انا بصراحة ما اتخيل ان فيه لاعب نصراوي يلبس فنيلة الهلال....(حتى جيت افكر فيها تفكير بسيط بس عيا مخي يستوعبها وقالي اقول اطلع من مخي) الله يرحم ابوك يا نواف ماااااااا نبيه يلعب للاسباب التالية.. اول شي نصراوي ثاني شي..الهلال مليان نجوم ولاعبين ومن باب اولى مشاركتهم عشان يستفيدون من هالمشاركة ...خاصة اللاعبين في الفريق الاولومبي(عبدالعزيز الدوسري_نواف العابد) ثالث شي ولو ضربت الحمى وجبتوا لاعب نصراوي ..لاتجيبون السهلاوي..عشان الحركة الي سواها مع الجمهور الهلالي وعشانه لاعب عادي ما راح يضيف شي للمباراة واحنا نبي نهين انتر ميلان لانه فريق متكبر ورفض الاقامه في الرياض ونبي نخلي تواجدهم في الرياض تواجد مر ما ينسونه طوال تاريخهم... اتمنى مشاركة فريق الهلال الحالي بشكل اساسي... مع امكانية استدعاء لاعبين اخرين مثل (التايب...احمد عطيف...محمد نور)واللاعبين الدوليين الي نواف يبيهم يشاركون... الشي الثاني (مالك معاذ) مالك لاعب خلوق جدا ونتشرف بمشاركته لكن الكل يعرف مستوى مالك في الوقت الحالي لان مستواه ما يأهله يشارك مع الهلال........... في الختام اتمنى من الاعضاء تسجيل رفضهم العميق لمشاركة السهلاوي ....ونتمنى الغاء الفكرة باي شكل من الاشكال...واكيد احن غالين على نواف ولا راح يرفض لنا هالطلب البسيط... لكن لو تأكدت مشاركة السهلاوي بكل صراحه وبدون مجامله......................................................................................... ما راح احضر للمباراة لاني انسان عصبي ولا راح امسك اعصابي... وانا اعرف الكثيييير من الهلاليين قالوا نفس الشي...... وشكرا:alzaeem: |
اول شيء الله يوفق الهلال اليوم في المباراة ثاني شيء صحيح السهلاوي لايستحق ارتداء شعار الهلال بعد الحركة القبيحة ولكن للتمياط راي اخر |
بالفعل هناك لاعبين في الهلال من المهم جداً مشاركتهم في هذه المباراة لكي يكتسبوا الثقة التي ستأتي من خلال لعبهم أمام لاعبين عالميين .. |
الهلال والاتحاد الليله الله يوفق الهلال وينصره |
خلينا نفكر في مباراهـ اليوم أول .. بالنسبهـ لموضوعكـ .. بصراحه أنا ضد استدعاءات نواف .. لكن هو حر .. وراح يخسر جماهير كثيرهـ باستدعاءاته .. خصوصاً وأن اللاعبين الي مستدعيه أما انهم سبق وأن أساءوا للجمهور الهلالي .. أو مستواهم لن يشكل إضافهـ للفريق .. وحتى لو كانوا يشكلون إضافهـ .. فـ الاولى أن يشاركـ شبابنا مثل الدوسري وشافي والعابد .. لأنها فرصه ماتتعوض بالنسبه لهم .. عموماً لو استطعت الحضور حضرت مهما استدعى نواف من اللاعبين تقديراً لتاريخه .. |
أقول يـآبعدي بتخضر ولآ منتب حـآضر شئ رآجع لك .! ينـآدي اللي ينـآآآدي أبو بندر حفل إعتزآله و حر برأييه أتركو عنكم اللقـآفه والحتسي اللي مـآله سسنع .! وحآضرين حآضرين بـ إذن الله :).! |
أنا ما أدري وكأن التمياط يقول للجمهور لا تجون !! يعني نجي ونشجع لعيبة تستفزنا شي غير معقول يانواف !! انا قسم بالله ماراح احضر لا انا ولا عيال عمي عددهم 4 اذا كان السهلاوي ولا حسين بيلعبون !!! وخلوها تغبر !!! حنا عندنا كرامة يانواف ! |
مانبي السهلاوي مانبي السهلاوي مانبي السهلاوي مانبي السهلاوي مانبي السهلاوي مانبي السهلاوي تكفى يانواف لو تجيب الصقور مافي مانع لكن السهلاوي لااااااااااا |
يا حلوين خلاص اعلنوا الي استدعاهم نواف .. من النصر بس الحارثي << لاعب خلووق ويستاهل .. الله يوفق الزعيم اليوم .. |
ياليت نواف مايستدعي اي لاعب نصراوي إلا سعد الحارثي مع ان مستواه منخفض لكن يستحق يلبس فانيلة الهلال الرجال اخلاااق مو مثل غيره |
التمياط لم يستدعي سوى نور ومالك و احمدعطيف وسعد الحارثي وطارق التايب |
السلام عليكم يااخي العزيز لاتحلف ولاتقسم في شي تافه (كبر عقلك) ثانيا خلينا في مباراة اليوم والي راح تنتهي هلاليه طبعا واذكركم اذا ماخلينا الاتحاد شوارع ومباراه تاريخيه بس انا اليوم للاسف حزين وفرحان .... حزين لانه حبيبتي مخطوبه .....وفرحان لانه الهلال راح ينتصر والسلام عليكم |
والله انا معاااك كفــــايه منه هذي الحــركه الي سواها المبــاراه الاخيـــــره اليــكم الصوووره http://www.alhnuf.com/up/pics-gif/up...9f997408b9.gifhttp://www.alhnuf.com/images/zoom-up.gif[URL= لالا يــــــانوااااااااااف.... الا الدجــــاجـــه,,,,والسهلاوي |
مانبي السهلاوي بعد حركته امام جمهور الزعيم |
والله انك صادق اذا بيلعب السهلاوي التمياط بيطيح من عيوننا:s5s: |
| الوقت المعتمد في المنتدى بتوقيت جرينتش +3.
الوقت الان » 01:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd