بعد سالفة الـبـنـتـلـي ( ولــي ) ...الــرولــز ( نـيـفيز ) ... جاني صديقي راعي الكامري ... ( الفقراوي ) و تحداني وغلبني ... تكفون يالزعماء فزعتكم ... - نادي الهلال السعودي - شبكة الزعيم

الأيـــام · #1 14/12/2009, 07:07 PM

طبعاً بعضكم يعرف سالفة البنتلي ولي ... وبعضكم لا

في موضوعي السابق :

بعنوان : الزين غالي لكن الأزين أغلى ... الخ ... على هالرابط

لقبنا ولـــي بالبنتلـــي و الــملك

ولقبنا نيفـــيز بالوزيــــر

وأزعلوا علي جمهور الهلال ...

وقالوا لي : هذا تحيز ... !!!

كيف تقول عن ولي بنتلي وتنسى نيفيز ؟؟؟

قلت لهم : بس ... والله أنا قلت عن نيفز انه وزير الدفاع

قالوا : بس زودتها مع ولي

قلت : ابشروا نيفز هو ( الرولز ريز )

قالوا : انت كذا

صارت المعادلة :

ولي = البنتلي
نيفز = الرولز

صاير مدرس رياضيات

لحظة ... نسيت سالفة راعي الكامري

- تعرفون اللي عنده رولز وبنتلي ما يفكر في القرمبعات هههههههه -

طبعاً الكامري شاريها صاحبها من الحراج ، وتحت الميكرفون

ولا أحد سامها غيره ،

هو شراها بعشرة الآف

وقال للشريطي : سجل المبايعة 30 مليون

قصدي 30 ألف ( 30 مليون على بالي السهلاوي )

طبعاً هو يبي يكشخ بالكامري ، ويقول للناس :

والله أنها غالية ... و تصير أغلى سيارة ميكرفون

على فكرة صجونا الفقراوية بالسهلاوي

وفي الأخير طلع تأجير منتهي بالتمليك

تقول هايلكس من عبداللطيف جميل

يعني لازم يسددون باقي المبلغ نهاية الموسم وإلا القادسية يسحبون المفاتيح ...

نرجع لموضوعنا : هذا الفقراوي ( صديقي راعي الكامري ) قال لي : حنا بنتاهل لكاس فيصل

قلت له : معصي ...

قال لي : تأهلنا على يدكم !!!

وأنتوا بتفزون على الشباب

قلت : وش دراك يمكن ننهزم طيب ...

قال : أنا واثق من فوزكم ومستعد أتحدى على الكامري ( أغلى ما يملك ) <<<

و قال : معليش أنا بقولك حقيقة حنا ننكرها علناً فقط :

( مـــايــهـزمـ الــزعــيــمـ إلا الــزعــيــمـ ولا زعــيــمـ إلا الــهــلالـــ )

طبعا ً سكتني ،،،

وهذي أول مره تصير ...

( يعني يسكتني الفقراوي ) !!!

قالي ، وفيه شي ثاني ... قلت : وشو بعد ؟؟؟ ... تراك هاليومين صاير حكيم !!!

( وقلت بيني وبين نفسي : خذ الحكمة من أفواه المجانين )

قال لي : بحكم خبرتنا في تشجيع الفرق الأخرى ...

( مثل ما أنتوا عارفين جمهور مسيار )

تكونت عندنا قناعة و حقيقة يدركها كل النصراويين

وهي أن الفريق اللي نشجعه ينهزم ...

قلت له : طير ... انت تتوهم ...من كثر ما تعودتوا على الهزايم

قال : شفت مباراة الهلال والاتحاد الأخيرة ... شجعنا الاتحاد و تصقع على رأسه بالملعب

لا وبخمسه تاريخية

قلت : والله أنك صادق ... أنا شايف أعلامكم بالملعب مع الجمهور الاتحادي

قال : وغيره وغيره كثير ... تذكر يوم يجي بيروزي الايراني في البطولة الآسيوية

اللي حققها الهلال رفعنا علم بيروزي والنصر سوا

وفزتوا بالبطولة مرة وحدة ...

قلت : يعني على كذا بتشجعون الشباب عشان ينهزم ؟؟؟!!!

قال : مايبي له كلام ...

أتمنى أني ما ثقلت عليكم ...

أتمنى تكتب رأيك لو بابتسامة وحدة

تحياتي للزعماء ...

شكسبير الـزعــامــه · #2 14/12/2009, 07:12 PM

هههههههههههههههههههههههههههههههههه

طيب لو تعادل وطلع النصر وش يصير

هلالي همي هلالي · #3 14/12/2009, 07:12 PM

بس حلوووو ه الفهلاوي

على فكرة صجونا الفقراوية بالسهلاوي

وفي الأخير طلع تأجير منتهي بالتمليك

تقول هايلكس من عبداللطيف جميل

هع

شاكر لك

مودتي

~~~

мσиsτєя нмσɒ · #4 14/12/2009, 07:14 PM

ما فهمت شيء

بس برضوو ههههههههههههههههههههههه

زعيم اسيا الهلال · #5 14/12/2009, 07:15 PM

الموضوع محيوس ابوه حوس هههههههههههههههههههههههه

يعطيك العافية

AL--HiLAL · #6 14/12/2009, 07:18 PM

ههههه
يعطيك الف عافيه
يارب تعادل

ميسي 11 العرب · #7 14/12/2009, 07:20 PM

ههههههههههههههههههههههههههههههههههه

الله يقطع شيطانك انت وسواليفك خخخخخخخخخخ

الله يعطيك العافية

حفيد الاسطوره · #8 14/12/2009, 07:21 PM

هههههههههههههههههههههه
يويلة اذا ماتاهل حلمهم بطولة فصل

محمد اللهبي · #9 14/12/2009, 07:23 PM

هههههههههههههههههههه..منتهي بالتمليك ..هع هع ..صدق انه خبيلان

الزعيم -الروماني · #10 14/12/2009, 07:30 PM

موضوع روووووووووووووعه وسلملي على صديقك الفقراوي هههههه

ابو عبدالله A · #11 14/12/2009, 07:31 PM

على فكرة صجونا الفقراوية بالسهلاوي

وفي الأخير طلع تأجير منتهي بالتمليك

تقول هايلكس من عبداللطيف جميل

هع

شاكر لك

مودتي

~~~

Heart Of Ocean · #12 14/12/2009, 07:44 PM

النصر هذا الموسم يحلم في بطوله
لكن ولا بطوله له

طلع النصر خلاص لا يحلم كثير خخخخخ

abo-khaled · #13 14/12/2009, 07:45 PM

ههههه الله يرجك
انا صراحه ماتمنى الهلال ينهزم من فريق
الشباب بس اذا التعادل يطرد النصر
انا معك انشاء الله نتعادل ويطلع الفقر هههه

الأيـــام · #14 14/12/2009, 07:47 PM

إقتباس

الرسالة الأصلية كتبت بواسطة عمر حمدي


	هههههههههههههههههههههههههههههههههه طيب لو تعادل وطلع النصر وش يصير

بسيطة :

هذي معناه أن جمهور الفقر انقسموا قسمين كعادتهم ( منقسمين )

بعضهم شجعوا الهلال عشان يفوز ... وبعضهم شجعوا الشباب عشان يفوز الهلال ... مثل راعي الكامري

وصارت النتيجة النهائية تعادل ههههههههههههههههه

شاكر مرورك

Mr.Turki · #15 14/12/2009, 07:49 PM

هههههههه الله يعطيك الف عافيه على الحوار اللطيف ,,

وإتمنى تنتهي بالتعادل : )