|
من القطب الشمالي المتجمد ((عـــــرعـــــر)) إلى نـــــجـــــد الحبيبة .........بس لعيون نادي القرن......... بس أجيب فروتي ولا لاء؟؟؟ بسم الله الرحمن الرحيم أسعد الله أوقاتكم بالمسرات أيها الأحبه : تصدقون !!! جتني حاله غريبه ودي اسابق الساعة ودي أنام بس عشان يجي بكرا ودي أحيي شبيه الريح في الملعب وأشوف رد التحيه منه ((على راسي ياشعب الهلال)) يسلم راسك يارمز الهلال وكل رؤساء الهلال رموز ودي أشجع سامي وياسر والدعيع و:smilie47:حمد الهلالي:smilie47: والفريدي وشلهوبي ونيفيز وجميع نجوم الزعيم ودي ألقى نفسي بين إخواني وأحبائي في المدرج الهلالي الكبير:ga: ودي أحتفل بالأهداف الهلالية ((بإذن الله)) وانا في المدرجات مليت من الإحتفال من ورى الشاشات ودي أشوف ((حكم)) على الطبيعه .... أمزح يالله يبن الحلال وش فيك أقل 24 ساعه بإذن الله وانت في الملعب :s2: ياشين العجله لكن ابو عمر بأمانه انت متفائل بحضور جماهيري كبير ؟؟ بصراحه ؟؟ ليش حبيبي ما أتفائل شكلك ماشفت شلون هالموسم جمهورنا الحبيب شلون مبيض الوجه والفريق الحمد لله يقدم أفضل بداية ومستويات من سنوات يعني بإذن الله المدرجات فل هلاليييييييييييييييه خلاص قضت نسيت أسأل . أجيب فروتي ولا لاء ؟؟؟ وغداً نلتقي على مواصلة إنتصارات الزعيم والتربع على صدارة الدوري بحول الله وقوته ((ملحوظه بعد رسائل كثيرة من الأخوة يطالبوني أهدي السرعه : أطمنكم جميع تراني جاي إن شاء الله جواً)) الله يحفظ الجميع واللي جاي سيارة تكفى لا تسرع لأننا والله نحبك ونتألم يوم نفقد أحد إخواننا بسبب حادث |
توصل بالسلامه .. والله ما تنلام على الحماس اللي فيك .. وجب معك فروه تعرف جو الرياض يتغير باليوم اربع مرات |
أول مرة اسمع لاعب في الهلال اسمه حمد الهلالي !! من وين طلع هذا ؟؟ على العموم مشكوور وما يبي لها كلام الفروة لازم تجيبها معك .. |
حيٌـــآك الله يالغالي ..,. / والفروة لابد منهـــآ .., الرياض يتقلب جوهـ في اليوم أربع مرات .. |
اي جيب جيب طقّم مع الشعب إلي بيحظرون وبالتوفيق إن شاء الله |
اجل تدري مر علي انا من ديرتك خخخخخخخخخخخ توصل بالسلامة شمالنا برد بس الرياض والله ماادري |
الله يحييك انت وجماهير الزعيم من عرعر .. الا جبها بررد الرياض ما يلعب :D بالتوفيق للزعيم في اللقاء |
بالتوفيق ان شالله توصل بالسلامة وان شالله الزعيم ما يخيب ضنكم اللى راح يجوون من برا الرياض وبالنسبة للى بيجون من برا الرياض خل القاعدة فراسك(لاتسرع فأن الموت اسرع) |
وين ماشي للرياض اجل انت جاري خذني معك >>> على حسابه تاصل بالسلاااامه ان شاء الله بس انتبه لاتسرع وان شاء الله ترجع لعرعر بالسلااامه ومبسووووووط بالفوووووز واستقبلك بالفنادق بالتوفيق للزعييييييييييييييييييييييم |
ما ينخاف عليك بإذن الله شمالي ما راح يضرك برد الرياض بس جيب الفروة معك يالبناخي |
توصل بالسلامه باذن الله يارب توفق الهلال |
جماهير الهلال من برى الرياض حياكم على العين والراس اذا ما شالتكم الرياض تشيلكم عيونا .. :smilie47: |
حبيب قلبي والله فديت اهل عرعر كلهم جيب الفروة يالغالي الجو خوقاق |
هلا و الله بالشمالي توصل وترد بالسلامة،،، بالنسبة لاجواء الرياض ماادري لكن ما اعتقد زي برد الشمال لما رحت الديرة الحبيبة الجوف مت من البرد، ، ورديت للشرقية الحبيبة ،، لكن اقولك خذ بنصيحة الاخوان الي بالرياض،،، |
الله يوفقك ويوصلك بالسلامه ولاتسرع مب طايره المباراة بالتوفيق للزعيم غدا ان شاء الله |
| الوقت المعتمد في المنتدى بتوقيت جرينتش +3.
الوقت الان » 10:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd