وصلوا كلامي للإدارة و للرئيس .. و إلا راح نندم ..
 

يا إخوان .. أشوف إن الكل يتكلم عن مباراة الاتحاد و كأن المباراة انتهت 3 - 0 للهلال ..

تدرون إن هذا أكبر الأخطاء ..

ما كنت أتوقع إن غياب نور و الشرميطي راح يسبب كذا .. ترى الاتحاد فيه بوشا .. لوسيانو .. حديد .. المنتشري .. و غيرهم من الاعبين ..

يعني الاتحاد مو نور ..

و بعدين وأنا من عرفت إن نور و الشرميطي ما راح يلعبون بدأت أخاف .. على عكس بعض الجمهور ..

شفنا وش صار بالتحاد لما دخل نهائي آسيا و هو ضامن النتيجة .. خسر البطولة كلها بسبب الترشيحات ..

و اللي قاهرني أكثر .. إن الاتحاديين أنفسهم .. فرحانين بالوضع الحالي .. و يقولون معنا مبروك الفوز .. تدرون ليه ..

لأنهم تعلموا من الدرس ..

أتمنى من المشرفين و القائمين على المنتدى يوصلون رسالتي للإدارة و الرئيس ..

و في النهاية .. الحضور الحضور يا جمهور الرياض .. تراها أهم المباريات ..

و بالتوفيق للزعيم في حصد النقاط الثلاث .. و بعدين نفرح على كيفنا ..