سلام عليكم ..

يا شباب والله اول موضوع لي بالمنتدى .. ولكن من غبنة (( قهــر )) حبيت اكتب لكم مافي خاطري من حتسي (( كــلام )) ..

ياخي حنا ليش كذا .. ؟ والله لو يدخل اي واحد لمنتدانا ويقرا هالمواضيع وش تبي تكون ردة فعله .. ؟ يبي يتمسخر علينا ويقول هذولا جمهور لاعب او جمهور مدرب ..

كريـــستيـــانو رونـــالـــدو من كان يتوقع انه يرحل من مانشستر يونايتد .. ؟

وراح لريال مدريد بيوم وليلـــة .. كاكا ايضا .. رونالدينـــهو .. وغيرهم ..

السؤال ..؟

جمهور هالفرق سوت مثل ما حنا سوينا .. ؟ انا ابقولكمـ لا ومليون لا .. لانها تشجع فريق مو لاعب .. او مدرب ..

وبعدين جيريتس رجعلكم هلال اول .. زمــــان .. يعني بللــه مع كل اللي سواه لنا

رجعلنا الشلهوب .. رجعلنا هلال المتعه والاهداف .. رجعلنا فريق صراحــه بدأ يلعب بالطريقة الاوروبية .. وفوق كل هذا نقابله بالتصفيق لكوزمين .. ؟ ليش .. ؟

حط نفسكـ مكانه ياخي .. وش تبي تسوي .. ؟ تنقهر .. تنغبـــن ..

انا ارجو من الجمهــــور من الشعب الهلالــي انه ينتبه ويبتعد عن العاطفـــة .. ترا والله حنا الخسرانين .. خلونا نملكـ جيريتس .. ليس بالمال وانما بالحب .. يعني جيريتس قاعد يرفض عروض اوروبية وغيرها .. عروض مغرية .. كل هذا عشان مين .. ؟ نلقا الجواب .. (( حبــي للهــــلال ولجمهـــوره .. ))

ارجـــو وكلي رجـــــاء من الجميع اننا نبتعد عن العاطفة ونبقى مع الهـــلال وادارته ومدربه ولاعبينـــه ..


اعتذر عن الاطالــه ولكن لحاجة في نفس يعقوب .. والله والله ان كل الكلام اللي قلته طالع من قلبي .. من غبنــه وقهر ..


مــلاحـــظـة :
(( اعذرونــي على اللهجـــة ولكـــن اكتـــب بحمـــاس وقهر .. ))

وان شاء الله كلامي يلقى اهمية ..


اخوكـــم ..

خفجـــــاوي ..
k.h.a.f.g.a.a.w.i

...................................................

انا معك ان نكون يد واحده مع الهلال
مو معه لاعب او مدرب
ونترك العاطفه على جنب ....
مصلحة الهلال اولا
وشكرا لك على هذا الطرح

من الطبيعي لبى قليبك يصير فيه ميول آو حب أو آعجاب بلاعب معين
سوى بكورة القدم ولا بالتنس ولا بالطائره ولا بالسلـه هذ1 الطبع بكل الجماهير المحليه والعاليمه

لاكن الاهم آكيد هو الميول لـ النادي الي لعبو لـه نجوم وذهبو منه نجوم وآعتزلو فيه نجووم .

يعطيك العافيه على الطرح ، وبالتوفيق

كـــلامك سليم



مشكور على الموضوع


اخوك
وينك يالزعيم

مشكورين على المرور

بالتوفيق للزعيم.