خبر عاجل// من يقول ياسر مستواه نازل يخش هنا.؟؟ - نادي الهلال السعودي - شبكة الزعيم

@الذئب@ · #1 05/12/2009, 11:11 PM

بسم الله الرحمن الرحيم
السلام عليكم ورحمة الله وبركاته

اولا ادخل في صلب الموضوع مباشرة
ما ابي الف وادور
تبوون الزبدة على طول بس ما تكوون دنمركية

من يقول ياسر مستواه نازل هذا الشخص حاقد على ياسر او من هذا القبيل

لكن انا اشوف ان ياسر مسجل 5 اهداف في هذا الدوري

وما فيه احد اعلى منه من الهجوم سوى الشمراني اللي يملك في رصيده 6 اهداف هذا مع البلنتيات اللي يسجلها

يعني الفرق هدف واحد بس

وسويتوا هذي اللجه كلها كل يوم او بالاصح كل ساعه

احصل موضوع ينقدوون فيه الكابتن ياسر

يعني ما فيه افضل من ياسر في الاهداف سوى الشمراني اللي مسجل 6 اهداف مع البلنتيات
وياسر 5 اهداف يعني كل هذا الانتقاد من اجل هدف واحد ما سجله

ترى ما يحبط نجوم الزعيم الا احنا الجماهير

نتكلم بما لا نفقه

لكن يبقى ياسر لاعب كبير
وانا ما خصيت ياسر لاني اعشقه
بلعكس انا اعشق جميع الاعبين
لكن خصيت ياسر لان كل الجمهور خصوه بالانتقاد

اتمنى انكم فهمتم قصدي
وارجوا اني ارسلت لكم ما اقصد
وارجوا ان تتقبلوا وجهات النظر

والسلام ختـــــــــــــــــــام

@الذئب@ · #2 06/12/2009, 01:15 PM

يا ناس ولا رد تكفووون عبروني شوي

رحال · #3 06/12/2009, 01:18 PM

إقتباس

الرسالة الأصلية كتبت بواسطة @الذئب@


	يا ناس ولا رد تكفووون عبروني شوي

ماردوا عليك لأن موضوعك غير منطقي

اجل اختلاف الآراء صار حقد ؟؟

اسأل الله لك ولنا الهدايه

تغلا الزعيم · #4 06/12/2009, 01:19 PM

الله يعطيك الف عافيه اخي العزيز بارررك الله فيك موضوع جميل جداً ,,

واعتقد ياسر لانه لاعب كبير يواجه هالانتقاداات وجمهور الهلال الاغلبيه مايعرفون اننا محسودين على هالاعب ,,

عموماً ان شاءالله ياسر يررد على الجميع في مباراه الأتحااد ويكون في قمة مستواااه المعهووود تحياتي لك اخي العزيز ,,

نمول00 · #5 06/12/2009, 01:21 PM

الله يعطيك العافيه ..

يـآسـر /تتذكره 2007 ..؟؟

وانت الحين تشوف مبارياات الهلال..؟؟

وين ياسر 2007

ترى ما يحبط نجوم الزعيم الا احنا الجماهير

بهااذي صدقت لاكن بعضهم يسب او بالآصح يجرح يقول انا (انتقدت)..!!

حاتم العمري · #6 06/12/2009, 01:21 PM

ياسر نجم كبير وله اكثر من دور في الملعب

ويكفي انك تشوف ثلاثة من مدافعين الخصم يراقبونه مما اعطى ان الشلهوب يكون هداف الدوري

ويلي مسجل خمسة ونيفيز اربعة يعني يظل لياسر دوره وتحركاته اللي ماينكرها ا لا واحد حاقد

لكن ينقص ياسر فقط التركيز وعدم التأخر في التسديد او ماشابه او البحث عن جماليات الهدف

وصدقني لو ياسر بس لازمه الحظ شوي وتخلى عن البحث عن الاهداف الخرافية لكان هداف الدوري في كل المواسم

شاكر لك اخوي

@الذئب@ · #7 06/12/2009, 01:27 PM

إقتباس

الرسالة الأصلية كتبت بواسطة رحال


	ماردوا عليك لأن موضوعك غير منطقي اجل اختلاف الآراء صار حقد ؟؟ اسأل الله لك ولنا الهدايه

ليش موضوعي غير منطقي يعني بس تبي تنتقد الاعب وانا اشهد انه ما قصر في المباريات الماضية

سجل 5 اهداف يعتبر من اقوى الماهجمين الشمراني 6 وممكن بعضها بلنتي بعد

يعني انتوا شبيتوا على القناص ياسر لان الشمراني تقدم عليه بهدف والا وش قصتكم

ولو تشوف الهدافين تحصله المركز الخامس يعني شئ طبيعي

الأرمادا · #8 06/12/2009, 01:51 PM

يا أخي أفهم حنا ما نقارن ياسر بمهاجم ثاني لأن هذا ما يهمنا حنا نقارن ياسر حاليا بياسر 2007 حنا نعرف امكانيات ياسر عشان كذا حنا نقول مستواه ما عاد لسابق عهده وبيني وبينك ياسر هذا الموسم أتوقع انه بيبدع في نهايته يعني بعد ما ترجع نفسيته ولياقته وحضوره الذهني إلى سابق مستواه وتذكر مصلحة النادي أولا

مجنووون زعلاتك · #9 06/12/2009, 02:00 PM

صااااااااااااااااااادق أخوي

كلامك في محله ومنطقي

وينك يالي تنقدون ... ليه ما تنزلون مواضيع عن اخطاء الدفاع المتكرره دائما
نسينى البلنتي الي شاته المرداسي وكمله سعد الحارثي
وبلنتي الشمراني الي كمله كماتشو

يعني من بعد مشكلة ياااااااسر وانتو ياسر ياسر هو نااااااقص
هونفس ما تبونه يجيب اهداف هو يبينا نوقف معاهـ

الله يكون بعونك يا بو ســــــــــــ ع ـــــــــــــــــــــيد
هاذا الي بقووووووووووووووووووووووووووووول

موضوع جامد ... اشكرك ,,,

دمت زعيمــ

هلال5111 · #10 06/12/2009, 02:01 PM

شف جماهير البرشا وانتقاداتهم اللاذعه وش سوت بالمدربين واللاعبين والحين برشلونه اغلب لاعبين العالم يتمنون اللعب فيه؟!!!

@الذئب@ · #11 06/12/2009, 02:02 PM

انا فاهم يالغاااالي

وان شاء الله رااح يبدع قناصنا ويثبت لكم من هو ياسر

هلاليه زي القمر · #12 06/12/2009, 02:04 PM

جمهورنا للأسف يقيسون المستوى بالأهداف

ياسر يقدم مستوى حلو مافيه الا ابتعاده عن حاسة التهديف وان شاءالله يرجع قريب

يعطيك العافيه

@الذئب@ · #13 06/12/2009, 02:05 PM

إقتباس

الرسالة الأصلية كتبت بواسطة هلال5111


	شف جماهير البرشا وانتقاداتهم اللاذعه وش سوت بالمدربين واللاعبين والحين برشلونه اغلب لاعبين العالم يتمنون اللعب فيه؟!!!

جماهير البرشا تنتقد مو زي انتقادنا

ياليتكم تنتقدووون زي ما ينتقد البرشا

انتوا اعظم من البرشا

رحال · #14 06/12/2009, 02:05 PM

إقتباس

الرسالة الأصلية كتبت بواسطة @الذئب@


	ليش موضوعي غير منطقي يعني بس تبي تنتقد الاعب وانا اشهد انه ما قصر في المباريات الماضية سجل 5 اهداف يعتبر من اقوى الماهجمين الشمراني 6 وممكن بعضها بلنتي بعد يعني انتوا شبيتوا على القناص ياسر لان الشمراني تقدم عليه بهدف والا وش قصتكم ولو تشوف الهدافين تحصله المركز الخامس يعني شئ طبيعي

لا تشوف الهدافين
ابيك تشوف ياسر نفسه ... ياسر من اكثر من سنه ونصف ماقدم شي يثبت انه ياسر الي نعرفه
ياسر افضل مهاجم سعودي .... تتوقع ان هالمستوى لائق بأفضل مهاجم سعودي ؟