|
نواف التمياط , حفل الاعتزال جماهير الهلال هي الاهم السلام عليكم ورحمة الله وبركاته بأختصار وبدون اي مقبلات ... ثلاث اسباب رئيسيه قد تمنعني من حضور حفل اعتزالك :- 1-عدم اللعب بشعار الهلال ( بالعربي فنيله وشورت ازرق وابيض الشعار الرسمي لكرة القدم وبالشريك الاستراتيجي موبايلي ) 2- عدم اللعب بالفريق الاساسي للهلال او على الاقل تطعيم الفريق بكم لاعب ,,, 3- حضور عبدالغني او نور لحفل الاعتزال ( لعب او حتى مشاركة ) اوحتى من هم على شاكلتهم ,,, نواف انت لاعب كبير خدمة الهلال والمنتخب ... لكن من ساعدك على النجاح والبروز ومن الذي وقف معك ...!!! هل ستقول الامير ..!! او الاداري ..!! او الرئيس ..!! او الاعلام .. !! الجماهير هي من كان وقودك ... لاتضرب بمشاعرهم قبل رغباتهم عرض الحائط ... نعم هو عرسك وفرحك الأخير في الملاعب ... لكن هل ستفرح وتدعنا نتحسر ...!!! بأمانه وقلب صادق أقول لك يانواف لاتقدم الماده او الاعلام او العلاقات الشخصيه على رغبات جمهورك الذي وقف معك , حقيقه لااستطيع ان اصدق بانك قدمت الماده على ان تلعب (في لليلة وداعك ) بزي غير زي الهلال الذي طالما جعلك تنظر للأعلى ... الظاهره يوسف بن ناصر الثنيان لعب لليلة الختام بزي الهلال الأسطوره سامي عبدالله الجابر لعب لليلة وداعه بزي الهلال وهم يذهبون ويودعوننا... خدموا الهلال ولو على الاقل بلعب الهلال بأإغلب لاعبينه أو على الأقل بشعاره الرسمي لكي يكسب صيتآ عالميآ ,, حقيقه يانواف لااستطيع ان ارى لاعب تهكم على احد ابرز اعضاء شرف الهلال بعد تسجيله هدف وفرحته التي استقاها من حضيرته الجديده وبعد ان نقل اخلاق انفلونزا الدجاج الي ديربي العاصمه ..!!! يرتدي شعار الهلال .. كابتن نواف من حقك تبحث عن مايسرك ... لكن لاتنسى بأننا نستحق أن نكرم معك لمساندتنا لك طوال هالسنين أنا مشجع من ملايين المشجعين لهاذا الكيان الشامخ وهذه رغباتي وامنياتي التي أتمنى بأن تكون ( أخر لليلة تجمعنا ) , أرجوك ان ترحل بذكرى طيبه فأننا نحبك لأنك كنت لاعبآ هلاليآ , فلاتستغني عن الهلال , أتمنى بأن يكون جميع ماطرحتهه في موضوعي خطأ كم أمني النفس بأن لاتحضر لاعب اساء للاعبين الهلال واعضاء شرفه , وكم أمنى النفس بأن يكون الهلال الكيان طرف ثابت في اعتزالك , وكم امني النفس بأن تحصل على عقد لرعاية المهرجان ضعف ماتتمناه يانواف , بأختصار أتمنى لك كل خير لأني أحبك لله وأريد لك ذكرى طيبه لدينا كجمهور , : بالكعب : -يعلم الله اني كتبت ماكتبت من القلب ومن يعتقد بأن ابالغ فهذا شأنه , -لمن يقول اني مندس ( أقول له خذ المفيد من الموضوع ) واذا يعتقد انه لايوجد مفيد تبقى وجهة نظره واحترمه, كل ماسبق من أسباب تمنعني وربما اغلب الجماهير الهلاليه من الحضور لم تتأكد بعد واتمنى ان تكون اشاعات او كلام جرايد وأعتذر على الأطاله منخفض جوي |
مع اختلافي الكبير معك ومع قناعتي ان المحصلة بالنهاية هو تكريم نواف ومع ايماني انه العريس وسيختار من زاملة بالنادي والمنتخب ورغم قناعتي بفكر ورجاحة عقل الفتى الذهبي وان لم تعرف فقد تابعة في تحليلة بالجزيرة الرياضية ولكن يبقى الاختلاف بالرأي لايفسد للود قضية خاصة وانك تمسكت بشعرة معاوية في طرحك هنا |
نواااااااااااااااااااااااااااااااااااف ..... نبغا الختااااااااام مسك ونبغى الجمهور الهلالي راضي تمام الرضى عن حفل وداعك تكفىىىىىىىىىىىىىىىــى لا تستدعي من أغضب الكيان الأزرق لايكون حاااااتم خيمي أفضل منك يا أبو بندر ..,.....,...,, // |
مجرد ماسمعت خبر لعب حسينوه مع الهلال ((هذه بحد ذاته صدمة قووووية)) \\ \ |
الله يوفق الفتى الذهبي في حياته .. ويسامحني عن عدم الحضور وعدم حضوري لن ينقص مكانة نواف التمياط اللاعب (السعودي) الخلوق ... فالهلال هو من عرفني على نواف وليس العكس .. ونواف له الحق ان يبحث عن مصلحته الشخصيه . يعطيك العافيه على الموضوع .. |
تكفى يانواف نبي حفلك مثل حفل اعتزال سامي او ابو يعقوب !! |
تعرفو تريحونا طفشنا من هالمواضيع الفريق عنده مباراه مصيريه الخميس وانتو مو شاغلكم الا حسين بيجي وحسين ما بيجي اصلا مع احترامي للي يكتبو هالمواضيع عقلياتكم صغيره والله لو عبدالغني الرسام الدنماركي ما اتوقع سبيتوه كذا بلاش حساسيه زايده وترا اللاعبين برا الملعب اخوان انتو اتذكرونا زي الصغار اذا اتهاوشو وقامو الكبار زعلو من بعض عشان هوشه الصغار وثاني تحصل الصغار متراضين ويلعبو مع بعض والكبار لسا متهاوشين معليش يا ناس ترا انتو تشجعو الزعيم المفروض عقلياتكم تكون اكبر من كذا |
وانا بعد ماني جاي والسبب وجود دجاجه معانا ينجس فنيلة نادي القرن |
كلنا نواف في عرسه الكوري ونهاية المشوار ولابد من المجامله ولو قليلا ام حسينوه فهو منبوووووووووووووذ انتهى . |
والله انا جاي جاي لو فيه مين ياخي وشفيكم انتو كذا مانيب جاي ليه؟؟؟؟؟؟؟؟؟؟؟؟؟؟؟؟؟؟؟؟ هذا نواف نسيتوا ولا نواف فرحكم سنين وانتو ياجمهور الزعيم لازم تفرحونه مثل مافرحكم فرحونه يوم بس هو فرحكم سنبن |
الحفل حفل نواف وبس .. واللي ما يبي يجي عشان حسين او غيره فالكيان الازرق وجماهيره اكثر من اللي ما هو حاضر يعطي المجال للغير .. انا ضد فكرة استدعاء حسين للاعتزال ولكن اذا هذي رغبة نواف وش نسوي الشكوى لله ... وصدقوني نواف اول مايسمع ان الجماهير ماتبي عبدالغني ماراح يستدعيه ابد .. |
وش السالفة ؟؟؟ سلاااااماااااااات بيلعب بشعار غير نادي الهلال ؟؟؟ من وين جبتها ذي؟؟؟ اما حسينووه تكفى يانواف لا ينجس فنيلتنا ــــــــــــــ وجمهور الرياض يدور عذر عشان مايحضر ــــــــــــــ اما تقييم الموضوع لاتعليق |
تكفى يا ابو النوف فكنا من دشير النصر خصوصا انت لاعب وشخص قلبك نظيف وطاهر وعارفين انك ما تشيل في خاطرك على نور السبب الرئيسي في اصابتك بعد قضاء الله وقدره وعبدالغني القذر اللي ما يخفى عليك ماضيه وتاريخه وحاضره المعفن ...... فكنا منهم الله يرحم والديك يا ابوووووو النووف .. لازم حفل اعتزالك يكون نظيف من هالاشكال طالبيييييينك |
اما حسينووه تكفى يانواف لا ينجس فنيلتنا ــــــــــــــ وجمهور الرياض يدور عذر عشان مايحضر ــــــــــــــ ياحليلك الجمهور اذا مايبي يحضر مايدور عذر مايحضر ولا فيه تحضير وحرمان هههههه والله عالم فاضيه جد |
حبيبي ماتبغى تحظر بالطقاق اللي يطقك اقعد في بيتكم وشوف الاعتزال انا وكثير من الالف الهلاليه سنحضر لمشاهدة نواف ماعلينا من حسين وغيره |
| الوقت المعتمد في المنتدى بتوقيت جرينتش +3.
الوقت الان » 11:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd