|
قالوا ايش قالوا ياسر علاجه الدكة...؟؟؟ بدري عليك... أسعد الله صباحكم/مساكم... في هذا الموضوع أبي أتكلم عن بعض الأصوات اللي بدأت تطلع عالساحه أو بالأحرى في منتدانا الغالي.... فيه بعض الأعضاء اللي يقول ياسر علاجه الدكة أول شي أقول له شرايك تمسك التدريب أحسن وتتولى الأمور الفنيه, المفروض نوقف مع نجمنا ونشجعه ونعطيه كل اللي نقدر عليه لأنه يجتهد ويتعب علشان يسعدنا حتى شكله متغير من كثر الإرهاق والتعب كله عشانكم ومع ذلك يلقى ردة الفعل هذي أقول والله لو بس سمعتوا ريحة خبر أن ياسر راح ينتقل للنصر انه نص الجمهور ينهبلون او حتى اكثر... أجل اشلون تقولون يجلس عالدكه ... بعضكم يقول علاج فتره قصيره بس أقول له أنا ما شفت لاعب بالعالم يكون مستواه ناقص ويروح المدرب يبعده عن اللعب إلا بيدمره على كذا... أقول اللي شايف نفسه إنه عنده الإمكانيات إنه يدير النادي فنيا يروح يمسك مكان إيريك قريتس شكله مايفهم بالكوره المسكين وشكلك أنت ياللي جالس تنظر هنا بالمنتدى أفهم منه,, الله يجزاك خير روح امسك مكانه ترى الأمير الشاعر المبدع عبدالرحمن بن مساعد بيكون شاكر لك............ اللهم لا شماته...........نقطة واول السطر |
رغم اني مللت من نقاش مستوى ياسر الا ان الوضع الآن اختلف لانه يبدو ان البعض ضد ياسر فقط ولاهمه اي شيء آخر وللأسف اعتقد ان هالموضوع يعاد من اشخاص لاتهمهم مصلحة الهلال الآن ياسر ضمن مجموعة ويقدم مايرضي المدرب للأسف البعض اصبح مثل جماهير الجار تكفى ياشبيه الريح نبي هاللاعب اساسي الدكة للاعب الفلاني .!! نسقو فلان الفلاني نبي مهاجم ياناس هذا شغل مدرب نقدر نطرح رأي ونناقشه ولكن الرأي ونقاشه تكرر واصبح ملل والافضل دعم اللاعبين بدلاً من فرض الوصايا على المدرب فالأمور كلها في يد جيريتس وهو المسؤول وربما نقول وجهة نظرنا في التشكيلة لكن لانحاول الضغط على المدرب والادارة واللاعبين |
\\// إقتباس:
كلامك في الصميم ..... |
للآسف انت تفكر في مصلحة نجمك فقط ولأ تفكر في مصلحة الزعيم !! انا ماحارب ياسر لكن في اللي افضل منه ونبيهم يأخذون فرٍصة .,شاكر لك موضوعك .. |
الكابتن ياسر نجم كبير وخبير وباي لحظة يعود للمباراه وينها وانا ضد وضعه بدكى الاحتياط اشكرك |
ياخي هذولا مندسين وبعض جمهور الهلال لايدرك ويدخل معهم ويبقى ابو سعيد افضل مهاجم |
اتفق معك ان المدرب هو المسئول والادرى بمن يمثل الفريق ولكن اسمح لي اخوي اعتقد ان موضوعك فيه نبرة تعصب وعنصرية من حق الاعضاء تبادل الاراء وإذا وجهة نظرك ان ياسر ماله مثيل فيه غيرك يرى ان يأخذ اللاعبين الاخرين فرصتهم واختلاف الرأي لا يفسد للود قضية |
ياخوي هذولا ناس ماتفهم والمشكله محسوبين علينا كجمهور هلالي يحسبون ياسر مكينه يشتغل 24 ساعه بأذن الله ياسر يلعب أمام الأتحاد ويسجل علشان يسكت بعض الناس يعطيك العافيه |
رغم اني مللت من نقاش مستوى ياسر الا ان الوضع الآن اختلف لانه يبدو ان البعض ضد ياسر فقط ولاهمه اي شيء آخر وللأسف اعتقد ان هالموضوع يعاد من اشخاص لاتهمهم مصلحة الهلال الآن ياسر ضمن مجموعة ويقدم مايرضي المدرب للأسف البعض اصبح مثل جماهير الجار تكفى ياشبيه الريح نبي هاللاعب اساسي الدكة للاعب الفلاني .!! نسقو فلان الفلاني نبي مهاجم . . . ياناس هذا شغل مدرب.., |
يالغالي انت لو تبحث عن مصلحة الهلال كان اول من يطالب بياسر احتياط عشان يرجع مستواه هذا ياسر لعب 10 مباريات ومستواه دروب وبكذا خيرت عيسى والصويلح والعنبر (حطمتهم نفسيا) وخسران ياسر البعيد عن مستواه الاختلاف في الراي لا يفسد للود قضيه |
مشكور ياللي تقول انه تعصب وجهة نظرك واتقبلها بكل صدر رحب............ لكن لو يسجل ياسر قدام الاتحاد صدقوني اول من يمدح ياسر هاللي يتكلمون فيه....... عالعموم حنا مانبي مدح ولا ذم المطلوب عدم الضغط عالمدرب او الاداره........ واللي فالمدرج يتفرررررررررج..... وشكر.. |
ياخي وانت موضوعك واسلوبك كانك وصي على نادي الهلال او على ياسر حنا هلاليين مُخلصين ونحب الهلال قبل النجوم وياسر طفح الكيل منه وياما بمواضيعمنا وردودنا شدينا من ازره كثير والآن الدور الاول بيخلص وياسر مستواه مافي ارتفاع ملحوظ بشكل كبير وفعلاً الدكه راح تعيد لياسر حماسه اللي عهدناه عليه البعض يقول حنا مندسين او مانحب ياسر حنا نحب الكيان الهلالي ونحب النجم اللي يعطي بلا حدود وياسر نحبه مثل باقي نجوم الهلال ولكن مستواه غير مرضي ولكن قولك تقول انتم روحوا دربوا الهلال ياخي هذي وجهات نظر واسلوبك جداً ركيك ومايدل على قبولك اراء الاخرين وياسر مثله مثل غيره معرض للنقد ماعليه حصانه والله يعين الزعيم من انصار اللاعبين |
ياخوي هذولا ناس ماتفهم والمشكله محسوبين علينا كجمهور هلالي يحسبون ياسر مكينه يشتغل 24 ساعه بأذن الله ياسر يلعب أمام الأتحاد ويسجل علشان يسكت بعض الناس يعطيك العافيه |
شف يا عزيزي ياسر فعلاً محتاج للدكة لكن وجوده مؤثر فعلاً يعني يشغل الدفاع ويتيح الفرصة للاعبين الاخرين ولاحظ ان اغلب لعيبة الوسط مسجلين اهداف ومن ضمنهم الشلهوب هداف الدوري اعتقد مراقبة ياسر من اسباب بروزهم وتسجيلهم << وجهة نظر لكن اللي يقهر واللي يخلي الواحد يتكلم عيسى المحياني المسكين وش ذنبه في الدكة ليش نخسر مهاجم قنااااااااااااااااص داخل الـ18 من الدرجة الاولى ولا اخجل بل ومتأكد انه داخل الـ18 اخطر من ياسر في رأيي ان جيريتس عاكس ادوارهم (لما كانوا يلعبون سوا) ياسر كان يخليه رأس حربة وعيسى مهاجم ثاني مساند للوسط المفروض ياسر بدال عيسى وعيسى ثابت في الصندوق ياسر متميز بالمراوغة وصناعة اللعب وعيسى بالتسجيل ليش نعكس الادوار أو (نلغي) دور مهم بوجود عيسى على الدكة الله يعين واعتذر على الإطالة |
انا ما اتفق معك بصراحه ياسر لازيم بقعد بدكة الاحتياط هذا العلاج الوحيد والعنبر والصويلح والمحياني يخذون فرصتهم لامهم ضلمو فيه دكة الاحتياط وياسر من 10 مبارايات ماسجل الا 4 اهداف وبعدين انا معك ان ياسر له ثقله بالملعب بس ماينفعك وبعدين لاتنسى ان ياسر معه وسط الافضل باسيا مو بالسعوديه ومو معقوله ماسجل الا 4 اهداف على العموم اتمنى التوفيق لياسر ويرجع لمستواه الطبيعي وان شاء الله قدام الاتحاد يرد علي ياسر بالتوفيق للزعيم |
| الوقت المعتمد في المنتدى بتوقيت جرينتش +3.
الوقت الان » 03:57 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd