|
يعطيك العافيه اخوي ياسر ليس في مستواه ياخوي لاهو عيب ولاهو حرام يجلس في الاحتياط كلنا نحب ياسر لكن احنا نبي مهاجم هداف عندنا عيسى المحياني و العنبر العام الماضي كلنا نتذكر لما اصيب ياسر لعب العنبر وصار هداف 7 اهداف هذا الي نبيه يعني نبي يلعب امام الاتحاد بمهاجمين عيسى وياسر او بمهاجم واحد يلعب المحياني والله شبعنا مجاملات.... |
كن شجاعا ياسمو الامير وتعاقد مع المدرب العالمي الشهير مان كلوفيتش خله يسنع امور الفريق ههههههههههههههههههه شر البلية مايضحك |
مو شرط ياسر يسجل عشان نقول مستوى ياسر منخفض او مرتفع التسجيل هو توفيق من الله سبحانه .. وعلى فكرة لو جيرتس مو شجاع ما كان عاقب خالد عزيز العقاب اللي الجميع شافه .. واعتقد اللي حط خالد عزيز مع الاولمبي مو صعب عليه يحط ياسر بالاحتياط .. ولكن الحقيقة هي ان ياسر مستواه عالي جداً والا لما أشركه مدرب الفريق .. |
دامك تشجعون ياسر لهالدرجه حطو له فريق وشجعوه وسموه فريق ياسر لهالدرجه ماتهمكم مصلحة الهلال ياسر من اشد المعجبين فيه انا لكن الان مستواه له سنه سيء وحرام يلعب اساسي يااخي عيسى ليش جايبينه عشان نحطه احتياط والله حرام ياجيريتس اهم شي مصلحة الفريق شوفو دكة الاحتياط هي من رجعة الشلهوب لنا ياليت من جماهير ياسر تدرك حقيقة الوضع وتشجع الهلال من قلبها ولا تفضل ياسر على الهلال |
إقتباس:
الله يحييك يا فتى :d الشلهوب ما صبرنا عليه ولا ربع صبرنا على ياسر الشلهوب موسمين او اكثر واهو احتياط ... ذاق طعمها موسمين واكثر ياسر للحين ولا مباراة شفناه احتياط ان شاء الله ياسر يثبت نفسه اساي ويرجع او ياليت نشوف احتياط ونجرب غيره |
اسمحوا لي ابغي أحط اللي في خاطري كله في هالموضوع ويعلم الله اني هلالية صميم حتي دمي ازرق بس المسخره اللي جالسين نشوفها في الهجوم ما ترضي احد من عشان الهلال القحطاني كان كويس في الماضي بس الحين اذا لعب في المباراة يمسك الكورة و يجلس يلف يلف حول نفسه كانه يصب قهوة للضيوف وربي اننا طفشنا منه خلاصي ياسر العب زين ولا فكنا من شرك وحرام محسوب علينا مركز مهاجم بدون فاعليه منك وين احمد الصويلح يالبي قلبه هذا انا اسميه اقطع عرق و سيح دم يعني مافيه فلسفه زيادة و تسحيب و مراوغه و شوفوني تراني اجيب هدف بالكعب. احمد و عيسى و مالك معاذ و اسماعيل مطر مهاجم ماعندهم دلع مع الكورة ولا فلسفه زايده عن حدها مثل ياسر اللاعبين اللي ذكرتهم ياخذ الكوره و علطول هدف اما ياسر وربي احيانا اخاف وهو لوحده قدام المرمي انه يضيع الكوره وتطلع برا وووو الاشكاليه ان الشهره الزايده للقحطاني هي اللي راح توديه في مليووون داهيه اذا ما تدارك نفسه وربي عيسي المحياني لو يلعب راح يكون عمله صعبه في زعيمنا اما ياسر خلاص احس انه مستواه مرره زفت خلال الفتره الماضيه واللي يقول ظروف و ظروف لياسر وشي الظروف و انا كان فيه ظروف فهو اللي حط نفسه في هالموقف اما شوفوا محمد الشلهوب وربي اللي خلقني هذا ذهب 24 قيراط مستحيل يصداء مشاء الله تبارك الله عليه هو الهداف و مبدع والله لو انا مكان جيرتس كان اخلي الشلهوب مهاجم مشاء الله وهو سط يسجل اجل لو لعب هجوم عيني عليه بارده الصراحة ياسر القحطاني موضه سعودية مضي عهدها وبنات السعودية كل سنه عندهم موضه كانت موضتهم راشد الماجد وبعدين مهند و نور وبعدين القحطاني وانشاء الله موضه 2010 محمد الشلهوووووووب يالبي قلبه من جد هذا خليفه عبقري و نمر الكره الاسيويه يووووسف الثنيان واتمني من ياسر انه يصحي من الاحلام الورديه اللي هو عايش فيها ويعرف ان الهلال ما يعتمد على لاعب فقدنا منهم افضل من ياسر بمليون مرره ولم يتاثر الزعيمولله الحمد فقدنا روفلينو - صالح النعيمه- بصير صلاح الدين - يوسف الثنيان - سامي الجابر نواف التمياط - خالد التيماوي - خالد الرشيد .......... ورغم كذا بقي صرح الزعيم عالياً في كل الاوقات يا قحطاني |
رجـعــو المـحــيــانـــي لـلـــوحـــدة أحـــســن لـــــه مـــن الـقـعــدهــ فــي الاحـــتـــيـــاط :ranting:..والله قــــهـــــر ..:ranting: |
وش رايك نحطك بدال جريتس المدرب هو ادرى مني ومنك ! |
اخووي انا ماشووف الى هالدرجه انه يكون احتيااط بالعكس يااسر قاعد يقدم مستويااات مميزه,,,, يصنع ويسجل وينزل للوسط مع انه لوحد في المقدمه ,,,,, وانا وغيري يرتااح اذا شااف يااسر بالتشكيله ... |
إقتباس:
ما يهمناا مر بظرووف او ما مر اهم شي فريقنااا اذا عنده ظرووف لا يلعب اساسي احسن له واحنااا وربي ملينااا نبي مهااجم قناااااااص زي النااااس وش قالوا قالوا يربك الدفااع هععع لو تحط قطووو يا اخي بيربك الدفااع نبي مهااجم يربك ويسجل يا ليت الصويلح او المحيااني اساسيين كان احنااا نسيناا يااسر وفي نفس الوقت يااسر يحاول يرجع لمستوااه واذا رجع المفرووض يرجع اساسي وغيريتس ما في شي بيده قرار ان ياسر يكوون اسااسي هذا قراار من فوووووق والله يصبرناا عليــــه |
اخووي انا ماشووف الى هالدرجه انه يكون احتيااط بالعكس يااسر قاعد يقدم مستويااات مميزه,,,, يصنع ويسجل وينزل للوسط مع انه لوحده في المقدمه ,,,,, وانا وغيري يرتااح اذا شااف يااسر بالتشكيله ... |
ماافيه ضررر من ان قيريتس يبدا الشوط الاول بالمحياني ويعطيه الثقه ويخلي ياسر احتيااط وينزل بالوقت المناسب وترى كل كلامناا نبي المصلحه لفريقنا اللي نعشقه اكثر من اي شي وثااانياا ليااسر نفسه اللي عشقناه ولازلنا نعشقه ونحبه ومانرضى احد يغلط عليه نبي ياسر اللي يشم ريحة الهدف ويقنصه على طووول مو يقعد يعك بين المدافعيين :( يااااسر اتمنى يكوووووون ردك امام الاتحااااد ويستمرررر على طوول : |
المدرب هو أدرى وأبخص باالاشياء الفنيه والتكتيكيه بالتوفيق لياسر القحطاني وبسكم من كلمه هبط مستواهـ مسجل 5 أهدااااااااف |
فقط اعطاء الفرصه للمحياني حتي لو 30 او 15 د ركنه بهذا الشكل سيدمره |
كلامك سليم الله يحرم وجهك عن النار اما بخصوص بعض المشجعين الذين يفهمون من خلال هذه المواضيع بأنها ضذ ياسر فهم مخطئون جمعينا نحب ياسر كلاعب و لكن مستواه نازل و من حق عيسى ان يلعب اساسياً أذا كان ياسر في غير مستواه اما من يقول بأن اللاعب له شعبيه اخوي خل شعبيته على جنب اهم شي المستوى الله يهديك و انا اتمنى ان يلعب عيسى اساسي و السبب ( مصلحة ياسر ) لكي يعود كما عهدناه ( لكل شخص رأيه ) اتمنى ما احد يزعل من رأيي |
| الوقت المعتمد في المنتدى بتوقيت جرينتش +3.
الوقت الان » 01:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd